Jenesis 28:19 - An Bibel Kernewek 20234 (Kernewek Kemmyn)

¹⁹ Hag ev a elwis hanow an tyller na Bethel, mes Luz o hanow an sita kyns.

Jenesis 28:19 ပူးပေါင်းရင်းမြစ်များ

Jenesis 48:3

Hag yn-medh Yakob dhe Yosep, ‘Duw Ollgalloesek re omdhiskwedhas dhymm yn Luz, yn pow Kanan, ha'm benniga,

Jenesis 35:1

Duw a leveris dhe Yakob, ‘Sav, ke yn-bann dhe Bethel ha trig ena; ha gwra alter ena dhe'n Duw a omdhiskwedhas dhis pan eses ow fia dhiworth fas dha vroder Esaw.’

Hosea 4:15

Kyn hwredh fornikasyon, a Ysrael, bynner re bo Yuda kablus. Na dhewgh hwi dhe Gilgal, na mos yn-bann dhe Beth-aven, na ti ‘Dell vew an Arloedh!’

1 Myghternedh 12:29

Ev a settyas an eyl yn Bethel, ha'y gila ev a worras yn Dan.

Jenesis 12:8

Ena ev eth alena bys yn menydh a'n est dhe Bethel ha settya y dylda yn-bann yntra Bethel y'n howlsedhes hag Ay y'n est, ha drehevel ena alter dhe'n Arloedh ha gelwel war hanow an Arloedh.

Jenesis 28:11

Ev a dheuth dre jons dhe neb unn tyller ha gortos ena dres nos, rag bos an howl sedhys. Ev a gemmeras onan a veyn an tyller ha'y worra yn-dann y benn ha growedha y'n tyller na.

Jenesis 31:13

Duw Bethel ov vy, le may hwruss'ta untya peulven, le mayth ambossys ambos dhymm. Sav yn-bann lemmyn. Ke yn-mes a'n pow ma ha dehweles dhe bow dha enesigeth.” ’

Jenesis 35:6

Ytho Yakob a dheuth a-ji dhe Luz, usi yn pow Kanan, henn yw Bethel, ev hag oll an bobel esa ganso.

Jenesis 35:14

Ha Yakob a dhrehevis peulven y'n tyller may hwrussa kewsel ganso, peulven a ven; hag ev a dhinewis offrynn diwes warnodho, ha dinewi oyl warnodho.

Jenesis 35:15

Ha Yakob a elwis hanow an tyller may kewsis Duw ganso, Bethel.

Yoshua 8:12

Ev a gemmeras a-dro dhe bymp mil wour, ha'ga gorra dhe gontrewaytya yntra Bethel hag Ay, a'n howlsedhes dhe'n sita.

Yoshua 18:13

An or eth alena war-tu ha Luz, dhe leder Luz (yw Bethel), war-tu ha'n dyghow; ha'n or eth yn-nans dhe Ataroth-addar, war an vre a'n dyghow dhe Beth-horon a-is.

1 Samuel 7:16

Hag yth e pub blydhen yn gylghenn dhe Bethel, Gilgal, ha Mispa; hag ev a vreusi Ysrael yn oll an tylleryow ma.

1 Samuel 10:3

Ha ty a dremen pella alena, ha ty a dheu dhe dherwenn Tabor, hag ena, tri gour a wra dha dhyerbynna, ow mos yn-bann dhe Dhuw, yn Bethel, onan anedha ow toen tri mynn, hag onan ow toen teyr thorth bara, hag onan ow toen botellas a win.

Jenesis 35:7

Hag ev a dhrehevis alter ena ha gelwel an tyller El-bethel, rag Duw a omdhiskwedhas dhodho ena pan esa ow fia dhiworth fas y vroder.

Yoshua 16:2

Yth eth yn-rag dhiworth Bethel (honn yw Luz) ha mos dhe Ataroth, or an Arkysi.

Breusysi 20:26

Ena oll mebyon Ysrael, an lu dien, a dhehwelis dhe Bethel, hag a oelas, owth esedha ena a-rag an Arloedh, ow penys an jydh na bys y'n gorthugher. Ena i a offrynnas offrynnow leskys hag offrynnow kres a-rag an Arloedh.

2 Myghternedh 2:2

Elias a leveris dhe Elisha, ‘Gorta omma, my a'th pys, rag an Arloedh re'm dannvonas dhe Bethel.’ Elisha a leveris, ‘Dell vew an Arloedh, ha dell vew dha enev, ny wrav dha asa.’ Ytho i eth yn-nans dhe Bethel.

2 Kroniklys 13:19

Abia a helghyas Yeroboam, hag a gemmeras sitys dhiworto; Bethel ha'y threvow, Yeshana ha'y threvow, hag Efron ha'y threvow.