Jenesis 28:15 - An Bibel Kernewek 20234 (Kernewek Kemmyn)

¹⁵ Hag awotta, yth esov vy genes, ha my a'th with plepynag mayth ylli. My a'th tre arta dhe'n dor ma, rag ny wrav dha asa erna wrylliv an pyth re gewsis dhis anodho.’

Jenesis 28:15 ပူးပေါင်းရင်းမြစ်များ

Jenesis 21:20

Hag yth esa Duw gans an maw hag ev a devis ha triga y'n difeythtir ha dos ha bos sether.

Jenesis 26:24

Ha'n Arloedh a omdhiskwedhas dhodho an keth nos ha leverel, ‘My yw Duw Abraham dha das. Na borth own, rag yth esov genes ha my a wra dha venniga hag ynkressya dha has a-barth Abraham ow gwas.’

Jenesis 26:3

Trig y'n pow ma ha my a vydh genes ha'th venniga, rag dhiso jy ha dhe'th has my a vynn ri oll an powyow ma. My a gollenow an ti a dos dhe Abraham dha das.

Jenesis 30:25

Pan dhineythis Raghel Yosep, yn-medh Yakob dhe Laban, ‘Gas vy dhe vos yn-kerdh, may hallav mos dhe'm tyller vy ha dhe'm pow vy.

Jenesis 31:13

Duw Bethel ov vy, le may hwruss'ta untya peulven, le mayth ambossys ambos dhymm. Sav yn-bann lemmyn. Ke yn-mes a'n pow ma ha dehweles dhe bow dha enesigeth.” ’

Jenesis 31:3

Ena yn-medh an Arloedh dhe Yakob, ‘Dehwel dhe wlas dha dasow ha dhe'th kerens, ha my a vydh genes.’

Jenesis 31:5

ha leverel dhedha, ‘My a wel nag yw fas dha das troha my avel kyns, mes re beu Duw ow thas genev vy.

Jenesis 32:9

Hag yn-medh Yakob, ‘A Dhuw ow thas Abraham, ha Duw ow thas Ysak, an Arloedh, neb a leveris dhymm, “Dehwel dhe'th wlas ha dhe'th kerens ha my a vynn dha dhyghtya yn ta”:

Jenesis 35:3

ha gesewgh ni dhe sevel ha mos yn-bann dhe Bethel, ha gul alter ena dhe'n Duw a'm gorthybis yn dydh ow foenvotter, hag esa genev y'n fordh may kerdhis.’

Jenesis 39:2

Yth esa an Arloedh gans Yosep hag ev o gour sewen; hag yth esa ev yn chi y arloedh ejyptek.

Jenesis 39:21

Mes yth esa an Arloedh gans Yosep. Ev a dhiskwedhas tregeredh dhodho ha gorra dhodho favour yn golok gwithyas an prison.

Jenesis 46:4

Yth av vy yn-nans genes dhe Ejyp, ha my a wra dha dhri arta yn-bann. Ha Yosep a worr y leuv war dha dhewlagas.’

Jenesis 48:16

an el neb a'm delivras dhiworth pub droktra, re vennikko an vebyon; ha re bo gelwys warnedha ow hanow vy ha hanow ow thasow Abraham hag Ysak; ha re gressyons dhe vos bras aga niver yn kres an norvys.’

Jenesis 48:21

Hag yn-medh Ysrael dhe Yosep, ‘Otta, yth esov ow merwel, mes y fydh Duw genowgh ha'gas dri arta dhe bow agas tasow.

1 Myghternedh 8:57

Bedhes genen an Arloedh agan Duw, par dell o gans agan tasow; bynner re wrello agan gasa na'gan forsakya,

Salmow 46:11

Yma Arloedh an luyow genen ni; Duw Yakob yw agan skovva. Sela.

Salmow 46:7

Yma Arloedh an luyow genen ni; Duw Yakob yw agan skovva. Sela.

Salmow 91:11

Rag ev a re gorhemmynn dh'y eledh a-dro dhis ma'th witthons jy yn oll dha fordhow.

Eksodus 13:11

‘Ha pan y'th trollo an Arloedh dhe diredh an Kananysi, dell ambosas dhis ha dhe'th tasow, ha'y ri dhis,

Eksodus 3:12

Ev a leveris, ‘Yn sur, my a vydh genes; ha hemma a vydh tokyn dhis my dhe'th tannvon: pan dhresys an bobel yn-mes a Ejyp, ty a wra servya Duw war an menydh ma.’

Ysay 41:10

na borth own, rag yth esov genes, na vydh digolonnek, rag my yw dha Dhuw; my a wra dha nertha, my a wra dha weres, my a'th syns gans dorn dhyghow ow selwyans.

Ysay 43:2

Pan dremenydh der an dowrow y fydhav genes, ha der an avonyow, ny livons warnas; pan gerdhydh dre dan, ny vydhydh leskys, ha ny wra an flamm dha woleski.

Ysay 7:14

Rakhenna, an Arloedh y honan a re dhywgh tokyn. Awotta, an wyrghes a omdhek ha dineythi mab ha hi a'n henow Immanuel.

Ysay 8:10

Omgusulyewgh war-barth, ha'n gusul a vydh lestys; leverewgh ger, ha ny sev, rag bos Duw genen.

Yeremia 1:19

1 Hag i a wra omladh er dha bynn; mes ny wrons fetha; rag my a vydh genes, yn-medh an Arloedh, dhe'th telivra.

Yeremia 16:15

Mes, ‘An Arloedh a vew, a dhros mebyon Ysrael a dir an gogledh, hag a diryow oll ma's fesyas’; ha my a's dre arta dhe'n tir a res dh'aga thasow.

Levitikus 26:42

ena my a berth kov a'm kevambos gans Yakob, hag ynwedh ow hevambos gans Ysak, ha my a berth kov ynwedh a'm kevambos gans Abraham, ha my a berth kov a'n tir.

Levitikus 26:45

Mes a-barth dhedha i, my a berth kov a'n kevambos gans aga hendasow, a dhres yn-mes a bow Ejyp yn golok an kenedhlow, may fen aga Duw. An Arloedh ov vy.

Niverow 23:19

Nyns yw Duw gour, may wowleverro, na mab-den, may koettho yn edrek. A wrug ev leverel, ha ny'n gwra? Po a gewsis, ha ny'n kowlwra?

Niverow 6:24

An Arloedh re'th vennikko ha'th witha:

Matthew 18:20

Rag le may ma dew po tri kuntellys war-barth y'm hanow vy, ena yth esov yn aga mysk.’

Matthew 24:35

Nev ha nor a dremen dhe-ves, mes ow geryow vy, ny dremenons dhe-ves.

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Dewteronomi 30:3

ena an Arloedh dha Dhuw a wra restorita ragos ha kemmeres truedh ahanas ha'th kuntell arta dhiworth oll an poblow le may hwrug an Arloedh dha Dhuw dha skattra bys di.

Dewteronomi 31:6

Bedhewgh krev, ha bedhewgh kolonnek, na berthewgh own nag euth a-ragdha, drefenn an Arloedh dha Dhuw, ev yth yw neb a gerdh genes; ny wra dha asa na'th forsakya.’

Dewteronomi 31:8

An Arloedh dha Dhuw yth yw neb a gerdh a-ragos; ev a vydh genes, ny wra dha asa na'th forsakya; na borth own, ha na borth euth.’

Dewteronomi 7:9

Rakhenna godhvydh an Arloedh dha Dhuw dhe vos Duw, an Duw len, ow kwitha y gevambos ha'y dregeredh dhe'n re usi orth y gara hag ow kwitha y worhemmynnow, dhe vil henedh;

1 Timothi 4:8

rag lavur an korf yw nebes dhe les, mes sansoleth yw dhe les rag pup-tra, gans ambos bewnans y'n termyn ma hag yn termyn a dheu.

Yoshua 1:5

Ny sev gour vyth er dha bynn oll dydhyow dha vewnans. Kepar dell en vy gans Moyses, my a vydh genes jy; ny wrav dha eskasa na'th forsakya.

Lyther Yud 1:1

Yud, gwas Yesu Krist, broder Jamys, Dhe'n re yw gelwys, karadow yn Duw an Tas ha gwithys rag Yesu Krist:

Breusysi 6:16

An Arloedh a leveris dhodho, ‘My a vydh genes, ha ty a wysk yn-nans an Midyanysi, yn kettep penn anedha.’