Jenesis 28:14 - An Bibel Kernewek 20234 (Kernewek Kemmyn)

¹⁴ Ha'th has a vydh kepar ha doust an dor ha ty a wra omlesa dhe'n howlsedhes, dhe'n howldrevel, dhe'n kledh ha dhe'n dyghow, hag oll teyluyow an norvys a vydh benniges ynnos hag y'th has.

Jenesis 28:14 ပူးပေါင်းရင်းမြစ်များ

Jenesis 12:3

Ha my a vennik an re a wra dha venniga jy; ha neb a'th villik a wrav vy y villiga. Ynnos jy y fydh benniges oll teyluyow an nor.’

Jenesis 13:14

Ha'n Arloedh a leveris dhe Abram, wosa bos Lot diberthys dhiworto, ‘Drehav dha dhewlagas, ha mir dhiworth an tyller mayth esos troha'n kledh, ha'n dyghow, ha'n howldrevel, ha'n howlsedhes.

Jenesis 13:15

Rag my a re oll an tir a welydh dhiso jy ha dhe'th has bys vykken.

Jenesis 13:16

Ha my a wra dha has kepar ha doust an dor: mar kyll den nivera doust an dor, dha has ynwedh a yll bos niverys.

Jenesis 18:18

a-ban vydh Abraham ow tos ha bos kenedhel vras ha galloesek yn sur, hag a-ban vydh pub kenedhel a'n nor bennigys dredho?

Jenesis 22:17

my a wra dha venniga yn surredi, ha kressya dha has kepar ha ster an nevow ha kepar ha'n tewes war dreth an mor, ha'th has a wra erita yet y eskerens.

Jenesis 22:18

Hag y'th has y fydh kenedhlow oll y'n norvys owth omvenniga, rag ty re woslowas orth ow lev.’

Jenesis 26:4

Ha my a vynn ynkressya dha has kepar ha ster an nev, ha my a re dhe'th has oll an powyow ma. Oll kenedhlow an norvys a vydh owth omvenniga y'th has:

Jenesis 32:12

Ha ty a leveris, “Yn sur my a wra da genes, ha my a worr dha has kepar ha tewes an mor na yll bos reknys drefenn an niver bras anodho.” ’

Jenesis 48:16

an el neb a'm delivras dhiworth pub droktra, re vennikko an vebyon; ha re bo gelwys warnedha ow hanow vy ha hanow ow thasow Abraham hag Ysak; ha re gressyons dhe vos bras aga niver yn kres an norvys.’

Jenesis 48:19

Mes y das a naghas ha leverel, ‘My a woer, ow mab, my a woer. Ev ynwedh a dheu ha bos pobel, hag ev ynwedh a vydh bras; mes y vroder yowynka a vydh brassa agesso, ha'y has a vydh kenedhlow pals.’

2 Kroniklys 1:9

Lemmyn A Arloedh Duw, bedhes kewerys an ambos a wrussys dhe'm tas Davydh, rag ty re'm wrug myghtern war bobel kekemmys aga niver ha doust an dor

Salmow 72:17

Re dhurryo y hanow bys vykken; re bo y hanow fastys hedre vo an howl. Ena tus a omvennik dredho; an kenedhlow oll a'n gelow gwynnvys.

Eksodus 32:13

Porth kov a Abraham, Ysak, hag Ysrael, dha servysi, dhe neb y hwrussys ti re'th honan ha leverel dhedha, “My a wra liesplekhe agas diyskynnysi avel ster nev, hag oll an tir ma re ambosis y rov dh'agas diyskynnysi, hag i a'n erit bys vykken” ’

Ysay 54:3

Rag ty a omles a-dhyghow hag a-gledh, ha'th has a erit an kenedhlow, hag a wra dhe'n sitys ynyal bos annedhys.

Niverow 23:10

Piw a yll nivera doust Yakob, po rekna an peswora rann a Ysrael? Gas vy dhe verwel mernans an re wiryon, ha bedhes ow diwedh avel aga diwedh i!’

Matthew 8:11

Ha my a lever y teu meur a dus dhiworth an howldrevel ha'n howlsedhes hag esedha orth moes gans Abraham hag Ysak ha Yakob yn gwlaskor nev,

Oberow 3:25

Hwi yw mebyon an brofoesi ha'n kevambos a wrug Duw gans agan tasow, ow leverel dhe Abraham, “Y'th has pub teylu a'n norvys a vydh benniges.”

Galatianys 3:16

Y feu leverys an ambosow dhe Abraham ‘Ha dh'y hasenn.’ Ny leverir ‘Ha dhe'n hasennow’, kepar dell ve a-dro dhe lies, mes a-dro dhe onan, ‘Ha dhe'th hasenn’, hag yw Krist.

Galatianys 3:8

Skryptor, ow ragweles Duw dhe justifia an Jentilys dre fydh, a dharganas an aweyl dhe Abraham: ‘An Jentilys oll a vydh benniges ynnos’,

Efesianys 1:3

Benniges re bo Duw ha Tas agan Arloedh Yesu Krist, neb re'gan bennigas gans pub bennath spyrysel y'n tylleryow nevek yn Krist,

Dewteronomi 12:20

Pan wra an Arloedh dha Dhuw moghhe dha or kepar dell gewsis genes, ty a lever, ‘My a vynn dybri kig’, rag bos dha enev ow tesirya dybri kig, ena ty a yll dybri kig war-lergh oll desir dha enev.

Dewteronomi 13:17

Ny len orth dha leuv travyth dhiworth an difenn, rag may treyllyo an Arloedh dhiworth y sorr fers, ha may rollo dhis piteth, ha kemmeres truedh ahanas, ha'th kressya kepar dell dos dhe'th tasow,

Diskwedhyans 7:4

Ha my a glewas an niver anedha a veu selys, kans peder ha dew-ugens mil a bub loeth a vebyon Ysrael.

Diskwedhyans 7:9

Wosa hemma, my a welas, hag otta, routh veur, na ylli denvyth hy nivera, a bub kenedhel ha loeth ha pobel ha taves; i a sevi a-dherag an tron hag a-dherag an Oen, gwiskys yn powsyow gwynn, ha palmys yn aga diwla;