Jenesis 27:28 - An Bibel Kernewek 20234 (Kernewek Kemmyn)

²⁸ Ha re rollo Duw dhis gluth nev ha feythter an dor ha palster a ys ha gwin.

Jenesis 27:28 ပူးပေါင်းရင်းမြစ်များ

Jenesis 27:37

Ysak a worthybis ha leverel dhe Esaw, ‘Otta, my re'n settyas avel mester warnas, ha ri dhodho oll y vreder avel gwesyon, ha my re'n sostenas gans ys ha gwin. Pandra ytho a wrav lemmyn ragos jy, ow mab?’

Jenesis 27:39

Ena Ysak y das a worthybis ha leverel dhodho, ‘Otta, pell dhiworth feythter an dor y fydh dha drigva ha dhiworth gluth an nev a-vann.

Jenesis 45:18

ha kemmerewgh agas tas ha'gas teyluyow ha dewgh dhymmo vy; ha my a re dhywgh an dader a bow Ejyp, ha hwi a wra dybri blonek an tir.”

Jenesis 49:20

‘Yn-mes a Asher rych vydh y vara, hag ev a re boes denti ryel.

Jenesis 49:25

dre Dhuw dha das neb a'th weres, ha'n Ollgalloesek neb a'th vennik, gans bennathow an nevow a-vann, bennathow an downder a wrowedh war-nans, bennathow diwvronn ha torr.

2 Samuel 1:21

A venydhyow Gilboa, na vedhes naneyl gluth na glaw warnowgh, na gwelyow a offrynnow! rag ena skoes an gasoryon a veu defolys, skoes Sowl – nyns yw untys gans oyl namoy.

1 Myghternedh 17:1

Lemmyn Elias an Tishbeyas, a Tishbe yn Gilead, a leveris dhe Ahab, ‘Dell vew an Arloedh, Duw Ysrael, mayth esov ow sevel a-dheragdho, ny vydh na gluth na glaw an blydhynyow ma, marnas my a re an ger’

1 Myghternedh 5:11

Ha Solomon a ros ugens mil gor a waneth avel boes rag y goskordh, hag ugens kor a oyl pur. Solomon a ros hemma dhe Hiram blydhen ha blydhen.

2 Kroniklys 2:10

My a brovi rag dha wesyon, treghoryon an prennyer, ugens mil gor a ys brewys, ugens mil gor a heydh, ugens mil vath a win, hag ugens mil vath a oyl.’

Salmow 104:15

ha gwin a heudhha kolonn den, hag olew dhe wul dh'y fas dewynnya, ha bara a grevha kolonn den.

Salmow 133:3

kepar ha gluth Hermon a goedh war venydhyow Sion. Rag ena y hworhemmynnis an Arloedh y vennath, bewnans bys vykken ha bynnari.

Salmow 36:8

I a vydh lenwys a helder dha ji, ha ty a wra dhedha eva dhiworth avon dha blesours.

Lavarow Koth 19:12

Konnar myghtern yw avel lew owth usa, mes y favour yw avel gluth war an gwels.

Lavarow Koth 3:20

der y skentoleth an downvoryow a dardhas yn-mes, ha'n kommolennow a dhinwa gluth.

Ysay 45:8

Dinewewgh, A nevow, a-wartha, ha'n kommol, diverens ewnder; bedhes an dor igerys, ha deges selwyans avel frut, hag egines ewnder war-barth ganso. My, an Arloedh re'n kreatyas.

Yeremia 14:22

Eus yn mysk idolyow an kenedhlow nebonan a yll gwruthyl glaw? Po a yll an nevow aga honan ri kowasow? A nyns yw ty, A Arloedh agan Duw? Ytho yma agan govenek ynnos, rag ty re wrug oll an traow ma.

Yoel 2:19

An Arloedh a worthybis ha leverel dh'y bobel, Awotta, my a dhannvon dhywgh ys ha gwin hag oyl, ha lenwys vydhowgh gansa: ha nevra namoy ny rov dhywgh disenor yn mysk an kenedhlow.

Mika 5:7

Ena remenant Yakob yn mysk lies pobel, a vydh avel gluth a'n Arloedh, avel kowasow war an gwels, na's teves govenek yn gour na ny wortons mebyon den.

Zekaria 8:12

An has a wra tevi yn kres, an gwinbrenn a re y frut, an tir a re y drevas, ha'n nevow a re aga gluth. My a re oll an taklow ma avel eretons rag remenant an bobel ma.

Zekaria 9:17

Ass yw meur y dhader, hag ass yw meur y dekter! Greun a wra dhe'n wer yowynk seweni, ha gwin nowydh an myrghes.

Niverow 13:20

ha mars yw an tir rych po difeyth, ha mars eus prenn ynno po mar nyns eus. Bedhewgh a golonn dha, ha drewgh neppyth a frut an tir.’ Nena an termyn o seson an kynsa gwinreun adhves.

Niverow 18:12

Oll an gwella a'n oyl, hag oll an gwella a'n gwin hag a'n greun, kynsa frut a'n pyth a rons dhe'n Arloedh, my a re dhis.

Romanyon 11:17

Mes mar pe rann a'n skorrennow terrys dhe-ves ha ty, olewenn woedh, ympys yn aga le dhe gevrenna yn gwreydhenn ha sugen an olewenn,

Dewteronomi 32:2

Ow dyskans a dhropp avel an glaw, ha'm lavar a dhever avel gluth, avel kowasow war aswels, hag avel glawas war losow.

Dewteronomi 33:13

Rag Yosep, y leveris: Bennigys gans an Arloedh yw y bow, gans gluth drudh an ebron, ha gans an downderyow ow krowedha a-woeles;

Dewteronomi 33:28

Ysrael a drig yn sawder; y honan oll yw fenten Yakob, yn tir a ys ha gwin nowydh, y nevow ynwedh a dhever gluth.

Dewteronomi 7:13

Ev a'th kar ha'th venniga hag ynkressya dha niver. Hag ev a vennik frut dha gorf, ha frut dha dir, dha ys ha'th win ha'th olew, leughi dha jatel, hag eyn dha flokk war an tir a dos dhe'th tasow dhe ri dhis.

Ebrowyon 11:20

Dre fydh y pysis Ysak bennathow dhe dhos war Yakob hag Esaw.

Yoshua 5:6

Rag an Ysraelysi a gerdhas dewgens blydhen der an gwylvos, bys pan verwis oll henedh an vreselyoryon, an re gyllys yn-mes a Ejyp, na woslowsons orth lev an Arloedh. An Arloedh a dos dhedha na assa i dhe weles an tir re dosa dh'aga thasow dhe ri dhyn, tir a dhinwa leth ha mel.