Jenesis 25:23 - An Bibel Kernewek 20234 (Kernewek Kemmyn)

²³ Hag yn-medh an Arloedh dhedhi, ‘Yma diw genedhel y'th torr ha diw bobel a vydh rynnys a'th kolodhyon; unn bobel a vydh kreffa es an bobel arall, ha'n kottha a wra servya an yowynka.’

Jenesis 25:23 ပူးပေါင်းရင်းမြစ်များ

Jenesis 17:16

Ha my a vynn hy benniga ha ri dhis mab dhiworti hi ynwedh, ha hi a dheu ha bos kenedhlow; myghternedh poblow a dheu dhiworti.’

Jenesis 17:4

‘Dhe'm parth evy, awotta ow hevambos genes: ty a vydh an tas a genedhlow pals.

Jenesis 24:60

Hag i a vennigas Rebeka ha leverel dhedhi, ‘Agan hwoer osta; re bi mamm dhe vilyow a dhegow a vilyow, ha re berghenno dha has yet an re a's kas.’

Jenesis 25:24

Pan veu hy dydhyow kollenwys rag dineythi, awotta, yth esa gevellyon yn hy thorr.

Jenesis 25:27

An vebyon a devis, hag Esaw a dheuth ha bos gour ha dhodho godhvos a helghya, gour a'n gwel; mes gour hebask o Yakob, trigys yn tyldow.

Jenesis 27:29

Re'th serfyo an poblow ha kenedhlow omblegya a-dheragos. Bydh mester war dha vreder ha gwres mebyon dha vamm omblegya a-dheragos. Milliges re bo an re a wra dha villiga ha benniges an re a wra dha venniga.’

Jenesis 27:33

Ena Ysak a grenas yn pur veur ha leverel, ‘Piw veu ytho neb a helghyas helgik ha'y dhri dhymmo, ha my a'n dybris oll, kyns ty dhe dhos? My a'n bennigas, ha benniges vydh.’

Jenesis 27:37

Ysak a worthybis ha leverel dhe Esaw, ‘Otta, my re'n settyas avel mester warnas, ha ri dhodho oll y vreder avel gwesyon, ha my re'n sostenas gans ys ha gwin. Pandra ytho a wrav lemmyn ragos jy, ow mab?’

Jenesis 27:40

Dre dha gledha ty a vew, ha ty a serv dha vroder; mes pan wrylli sesya rydhses, ty a derr y yew dhiworth dha gonna.’

Jenesis 32:6

Ha'n kannasow a dhehwelis dhe Yakob ow leverel, ‘Ni a dheuth dhe'th vroder, dhe Esaw; hag yma ev ow tos dhe'th vetya, ha ganso peswar kans gour.’

Jenesis 33:3

Ev y honan a dremenas a-dheragdha, hag omblegya dhe'n leur seythgweyth bys pan dheuth nes dh'y vroder.

Jenesis 36:31

An re ma yw an vyghternedh a reynyas yn pow Edom kyns myghtern dhe reynya war vebyon Ysrael.

Jenesis 48:19

Mes y das a naghas ha leverel, ‘My a woer, ow mab, my a woer. Ev ynwedh a dheu ha bos pobel, hag ev ynwedh a vydh bras; mes y vroder yowynka a vydh brassa agesso, ha'y has a vydh kenedhlow pals.’

2 Samuel 8:14

Ev a settyas savleow-gwithysi yn Edom; der oll Edom ev a settyas savleow-gwithysi, hag oll Edom eth ha bos gwesyon dhe Davydh. Ha'n Arloedh a ros trygh dhe Davydh plepynag yth e.

1 Myghternedh 22:47

Nyns esa myghtern yn Edom; yth esa lesruw a'n myghtern.

1 Kroniklys 18:13

Ev a settyas savleow-gwithysi yn Edom; hag oll an Edomysi a dheuth ha bos gostydh dhe Davydh. Ha'n Arloedh a ros trygh dhe Davydh plepynag yth e.

Obadia 1:21

Ha tus delivrys a yn-bann dhe venydh Sion dhe rewlya menydh Esaw; ha'n myghternsys a vydh dhe'n Arloedh.

Niverow 20:14

Moyses a dhannvonas kannasow a Kadesh dhe vyghtern Edom, ‘Yndellma y lever dha vroder Ysrael: Ty a woer oll an anken yw hwarvedhys dhyn:

Dewteronomi 2:4

Gorhemmynn dhe'n bobel, ow leverel: Yth esowgh ow treusi or agas breder mebyon Esaw usi trigys yn Seir. I a berth own ahanowgh, rakhenna omwithewgh fest.

Dewteronomi 2:8

Ytho ni a dremenas dres agan breder mebyon Esaw usi trigys yn Seir, dhiworth fordh an Araba, dhiworth Elath hag Esyon-geber, ha treylya ha tremena dre fordh gwylvos Moab.

1 Samuel 17:14

Davydh o an yowynka; ha'n tri hottha a holyas Sowl,