Jenesis 24:50 - An Bibel Kernewek 20234 (Kernewek Kemmyn)

⁵⁰ Ena Laban ha Bethuel a worthybis, ow leverel, ‘Devedhys yw hemma a'n Arloedh. Ny yllyn leverel travyth dhiso, na drog na da.

Jenesis 24:50 ပူးပေါင်းရင်းမြစ်များ

Salmow 118:23

Hemm yw gwrians an Arloedh; marthys yw yn agan dewlagas.

Jenesis 31:24

Mes Duw a dheuth dhe Laban a Aram yn hunros y'n nos ha leverel dhodho, ‘Bydh war na wrylli leverel travyth dhe Yakob, na da na drog.’

Jenesis 31:29

Yma yn galloes ow leuv gul drog dhywgh; mes nyhewer an Duw a'gas tas a gewsis genev ow leverel, “Bydh war na wrylli leverel travyth dhe Yakob, na da na drog.”

Mark 12:11

gans an Arloedh y feu hemma gwrys, ha marthys yw yn agan dewlagas”?’

2 Samuel 13:22

Ha ny gewsis Absalom dh'y vroder naneyl da na drog; rag Absalom a gasas Amnon, drefenn ev dhe uvelhe y hwoer Tamar.

Oberow 11:17

Rakhenna mar ros Duw dhedha an keth ro kepar dell ros dhyn ni pan gryssyn y'n Arloedh Yesu Krist, piw en vy may hallen lettya Duw?’

Matthew 21:42

Yn-medh Yesu dhedha, ‘A ny redsowgh bythkweth y'n skryptors, “An men hag a veu skonys gans an weythoryon, henn yw gwrys pennmen an korn; gans an Arloedh y feu hemma gwrys, ha marthys yw yn agan dewlagas?”

Jenesis 24:55

Ena yn-medh hy broder ha'y mamm, ‘Gas an vowes dhe wortos genen nebes dydhyow, po deg dydh, ena hi a wra mos.’

Jenesis 24:53

Ena an servont a gemmeras yn-mes lestri arghans ha lestri owr ha dillas, ha'ga ri dhe Rebeka, ha rohow drudh a ros ev dh'y broder ha'y mamm.

Jenesis 24:28

Ha'n vowes a boenyas ha derivas an taklow ma dhe ji hy mamm.

Jenesis 24:15

Kyns ev dhe worfenna y gows, awotta, yth esa Rebeka ow tos yn-mes – genys o hi dhe Bethuel mab Milka, gwreg Nahor, broder Abraham – gans hy fycher war hy skoedh.

Jenesis 24:60

Hag i a vennigas Rebeka ha leverel dhedhi, ‘Agan hwoer osta; re bi mamm dhe vilyow a dhegow a vilyow, ha re berghenno dha has yet an re a's kas.’

Jenesis 24:51

Awotta Rebeka a-dheragos. Kemmer hi ha mos yn-kerdh. Hi a vydh gwreg dhe vab dha arloedh, dell leveris an Arloedh.’

1 Myghternedh 12:15

Yndella ny woslowas an myghtern orth an bobel, drefenn bos hemma destnys gans an Arloedh, dhe gewera an ger kewsys gans an Arloedh der Ahiya an Shilonyas dhe Yeroboam mab Nebat.

1 Myghternedh 12:24

‘Yndellma y lever an Arloedh. Ny yskynnowgh dhe werrya erbynn agas breder an Ysraelysi. Es pubonan dhe dre, rag an dra ma yw a-dhiworthiv.’ Ytho i a woslowas orth ger an Arloedh ha mos arta dhe dre, herwydh ger an Arloedh.