Jenesis 22:15 - An Bibel Kernewek 20234 (Kernewek Kemmyn)

¹⁵ Hag el an Arloedh a elwis dhe Abraham mes a'n nevow an nessa torn.

Jenesis 22:15 ပူးပေါင်းရင်းမြစ်များ

Jenesis 16:10

Hag yn-medh el an Arloedh dhedhi, ‘Kressya a wrav dha has yn feur, ma na yllir y rekna drefenn y vraster.’

Jenesis 16:7

El an Arloedh a's kavas ryb fenten a dhowr y'n difeythtir, ryb an fenten war an fordh dhe Shur.

Jenesis 18:10

Hag yn-medh ev, ‘Yn sur my a dhehwel dhis y'n vlydhen a dheu, hag otta, Sara dha wreg a's tevydh mab.’ Ha Sara a'n klewas orth daras an tylda esa a-dryv dhodho.

Jenesis 22:14

Hag Abraham a elwis hanow an tyller na ‘An Arloedh a brovi’; dell yw leverys bys y'n jydh hedhyw, ‘War venydh an Arloedh y fydh proviys.’

Jenesis 22:16

Hag ev a leveris, ‘My re dos ren ow honan’ yn-medh an Arloedh, ‘rag ty re wrug an dra ma ha ny skonsys ri dha vab, dha unn vab,

Jenesis 31:11

Hag el Duw a leveris dhymm yn hunros, “Yakob”, ha my a leveris, “Ottavy.”

Jenesis 48:16

an el neb a'm delivras dhiworth pub droktra, re vennikko an vebyon; ha re bo gelwys warnedha ow hanow vy ha hanow ow thasow Abraham hag Ysak; ha re gressyons dhe vos bras aga niver yn kres an norvys.’

Eksodus 3:2

Hag el an Arloedh a omdhiskwedhas dhodho yn flamm a dan yn-mes a gres an bos; hag ev a viras, hag otta, yth esa an bos gans tan, mes ny veu konsumys.

Ysay 45:23

My re dos ren ow honan, dhiworth ow ganow gallas yn ewnder ger na dhehwel: ‘Dhymmo vy y hwra plegya pub glin, pub taves a wra ti.’

Levitikus 26:42

ena my a berth kov a'm kevambos gans Yakob, hag ynwedh ow hevambos gans Ysak, ha my a berth kov ynwedh a'm kevambos gans Abraham, ha my a berth kov a'n tir.

Zekaria 12:8

Y'n jydh na an Arloedh a vydh skoes dhe drigoryon Yerusalem; ev neb yw difredh yn aga mysk an jydh na a vydh avel Davydh, ha chi Davydh a vydh avel Duw, avel el an Arloedh a-ragdha.

Zekaria 3:6

El an Arloedh a ros an charj ma dhe Yoshua:

Oberow 7:30

‘Lemmyn pan o tremenys dew-ugens blydhen, el a omdhiskwedhas dhodho yn gwylvos menydh Sinay yn flamm bos ow tewi.

Ebrowyon 6:13

Rag pan wrug Duw ambosa dhe Abraham, a-ban na'n jevo denvyth brassa dredho may hylli ti, ev a dos dredho y honan,

Diskwedhyans 10:5

Ha'n el a welis ow sevel war an mor ha war an dor a dhrehevis y dhorn dhyghow dhe nev,