Jenesis 21:7 - An Bibel Kernewek 20234 (Kernewek Kemmyn)

⁷ Hag yn-medh hi, ‘Piw a wrussa leverel dhe Abraham Sara dhe ri an vronn dhe vebyon? Rag my re dhineythis mab dhodho yn y henys.’

Jenesis 21:7 ပူးပေါင်းရင်းမြစ်များ

Ysay 66:8

Piw re glewas a neppyth haval dhe'n taklow ma? Piw re welas neppyth haval dhedha? A yll gwlas bos dineythys yn unn jydh, po kenedhel bos genys yn unn lamm? Mes kettell dhallathas Sion lavurya hi a dhineythis hy mebyon.

2 Thessalonianys 1:10

pan dheffo y'n jydh na dhe vos glorifiys yn y syns ha ri marth dhe oll an re a grys, rag bos krysys agan dustuni dhywgh hwi.

Efesianys 3:10

may fe deklarys lemmyn dhe'n prynsipatys ha'n potestatys y'n tylleryow nevek, der an eglos, furneth Duw, meur hy diverseth,

Niverow 23:23

Rag nyns eus dewinieth erbynn Yakob, na koel erbynn Ysrael. Lemmyn y fydh leverys a Yakob, hag a Ysrael, “Pandr'a wrug Duw!”

Salmow 86:10

Rag meur osta, ha ty a wra marthusyon; ty unnsel yw Duw.

Salmow 86:8

Yn mysk an duwow nyns eus nagonan kepar ha ty, A Arloedh, ha nyns eus gwriansow kepar ha'th wriansow jy.

Ysay 49:21

Ena ty a lever y'th kolonn, ‘Piw re dhineythis an re ma ragov? My re gollas ow fleghes, hag anvap en, divres ha gorrys dhe-ves; ytho piw re vagas an re ma? Otta, gesys veuv ow honan. An re ma, a-ble teuthons?’

Jenesis 17:17

Ena Abraham a goedhas war y fas ha hwerthin ha leverel yn y golonn, ‘A vydh flogh dineythys dhe wour kans bloedh y oes? Hag a wra Sara dineythi, deg bloedh ha peswar-ugens bloedh hy oes?’

Jenesis 18:13

Hag yn-medh an Arloedh dhe Abraham, ‘Prag y hwrug Sara hwerthin, ow leverel. “Yw gwir y fydhav ow tineythi flogh, gyllys koth dell ov?”

Jenesis 21:8

Ha'n flogh a devis hag a veu didhenys; hag Abraham a wrug kevewi bras an keth jydh may feu Ysak didhenys.

Yeremia 20:15

Milliges re bo an gour a dhros nowodhow dhe'm tas, ow leverel, ‘Flogh gorow yw genys dhis’, orth y heudhhe yn feur.

1 Myghternedh 3:21

Pan sevis myttinweyth rag maga ow mab, my a welas y vos marow; mes pan viris gans rach, kler o nag o an mab a dhineythis.’

1 Myghternedh 11:20

Hi a dhineythis dhodho y vab Genubath; Tahpenes a'n didhenas yn chi Faro; yth esa Genubath yn chi Faro yn mysk mebyon Faro.