Jenesis 20:6 - An Bibel Kernewek 20234 (Kernewek Kemmyn)

⁶ Hag yn-medh Duw dhodho yn hunros, ‘My ynwedh a woer ty dhe wul hemma gans kolonn lan, rag my ow honan a'th withas orth pegha er ow fynn. Ytho ny wrug vy dha asa dh'y thochya.

Jenesis 20:6 ပူးပေါင်းရင်းမြစ်များ

1 Samuel 25:34

Rag yn hwir dell vew an Arloedh, neb re'm lettyas rag gul drog dhis, mar ny fistenses ha dos dhe'm metya, yn sur ny via gesys dhe Nabal bys yn golow myttin kemmys hag unn gour neb a bis erbynn fos.’

1 Samuel 25:26

‘Ha lemmyn, ow arloedh, dell vew an Arloedh, ha dell vewydh dha honan, drefenn an Arloedh dhe'th lettya rag kabel-goes ha diella dre dha leuv dha honan, lemmyn ytho gas dha eskerens, ha'n re neb a hwila gul drog dhe'm arloedh, bos kepar ha Nabal.

Lavarow Koth 21:1

Kolonn an myghtern yw gover a dhowr yn leuv an Arloedh; ev a's treyl py le pynag y fynno.

Jenesis 35:5

Ena i eth yn-kerdh. Yth esa own Duw war an sitys a-dro dhedha, ha ny wrussons siwya mebyon Yakob.

Jenesis 31:7

Agas tas re'm toellas ha chanjya ow gober dekkweyth, mes ny wrug Duw y asa dhe'm aperya.

2 Thessalonianys 2:7

Rag kevrin an fara dilagha a ober seulabrys. Mes ny wra an fronn lettya marnas poran y'n eur ma, bys mayth ello dhe-ves.

Salmow 84:11

Rag an Arloedh Duw yw howl ha skoes; an Arloedh a re ras ha golewder, ha ny skon ev a ri dader vytholl dhe'n re a gerdh yn tivlam.

Eksodus 34:24

Rag my a wra fesya kenedhlow a-ragos, ha lesa dha oryon; ha ny'n jevydh denvyth hwans dhe'th tir, pan yskynnowgh dhe omdhiskwedhes a-rag an Arloedh dha Dhuw teyrgweyth y'n vlydhen.

2 Korinthianys 6:17

Rakhenna dewgh yn-mes a-dhiworta, ha bedhewgh diberthys, yn-medh an Arloedh, ha na dochyewgh travyth avlan, ha my a wra agas degemmeres,

Salmow 81:12

Ytho my a's gasas dh'aga holonn worth, dhe gerdhes herwydh aga husulyow aga honan.

Salmow 51:4

Er dha bynn jy, ty dha honan, y peghis vy ha gul an drogober ma y'th wolok, rag may fes justifiys y'th lavar, ha divlam y'th vreus.

Jenesis 39:9

Nyns eus denvyth brassa agesov vy y'n chi ma. Ny wrug ev gwitha travyth dhiworthiv marnas ty, drefenn ty dhe vos y wreg. Fatell wrav vy an drogober bras ma, ha pegha erbynn Duw?’

Jenesis 20:18

Rag an Arloedh re wrussa degea oll an torrow yn chi Abimelek drefenn Sara, gwreg Abraham.

2 Thessalonianys 2:11

Ha rakhenna Duw a dhannvon dhedha kammdybyans krev, may kryssons an gow,

1 Korinthianys 7:1

Lemmyn a-dro dhe'n traow may skrifsowgh: ‘Da yw dhe wour na docchyo benyn.’

Levitikus 6:2

Mar pegh den ha gul neppyth dislel erbynn an Arloedh, ow leverel gow dh'y hynsa a-dro dhe neppyth gesys dhodho dhe witha, po gorrys yn y jarj avel mewgh, po neppyth ledrys dre nerth, po mar arwaskas y hynsa,

Jenesis 26:11

Hag Abimelek a erghis dhe oll an bobel, ow leverel, ‘Neb a arvedh an gour ma po y wreg a wra merwel.’

Jenesis 3:3

mes a frut an wydhenn usi yn kres an lowarth, Duw re leveris, “Ny goedh dhywgh naneyl dybri anodho na'y dochya ma na verwowgh.” ’

Matthew 27:19

Ha pan ova esedhys yn barr an vreus, y wreg a dhannvonas dhodho, ow leverel, ‘Ty na wra mellya gans an den gwiryon na, rag my a wodhevis lower hedhyw yn hunros a'y wovis ev.’

Jenesis 31:24

Mes Duw a dheuth dhe Laban a Aram yn hunros y'n nos ha leverel dhodho, ‘Bydh war na wrylli leverel travyth dhe Yakob, na da na drog.’

Lavarow Koth 6:29

Yndella yth yw neb a a-ji dhe wreg y gentrevek; neb a's toch, ny vydh ev heb kessydhyans.