Jenesis 19:38 - An Bibel Kernewek 20234 (Kernewek Kemmyn)

³⁸ Ha'n yowynka, hi ynwedh a dhineythis mab ha gelwel y hanow Ben-ammi; an keth hemma yw tas an Ammonysi bys y'n jydh hedhyw.

Jenesis 19:38 ပူးပေါင်းရင်းမြစ်များ

Jenesis 20:1

Hag Abraham eth alena troha tir an Negeb ha triga yntra Kadesh ha Shur; hag yth esa trigys yn Gerar avel alyon.

Salmow 83:9

Gwra dhedha i dell wrussys dhe Midyan, dhe Sisera ha dhe Yabin orth nans Kishon;

Ysay 11:14

I a nij yn-nans war skoedh an Filistysi yn howlsedhes; war-barth i a byll mebyon an howldrevel. I a ystynn aga leuv erbynn Edom ha Moab, ha an Ammonysi a vydh aga sojets.

Sefania 2:8

My re glewas skorn Moab ha despit an Ammonysi may skornsons ow fobel, ha gul godrosow bras erbynn aga or.

Sefania 2:9

Rakhenna ren ow bewnans, yn-medh Arloedh an luyow, Duw Ysrael, y fydh Moab kepar ha Sodom yn surredi, ha an Ammonysi kepar ha Gomorra, hwennek ha poll hoelan ha difeyth a bes vynitha: remenant ow fobel a's pyll, ha'n re gesys a'm kenedhel a erit aga thir.

Dewteronomi 2:19

Pan dheudh nes dhe vebyon Ammon, na omladh er aga fynn, ha na enter yn kas gansa, rag ny rov travyth a diredh an Ammonysi dhis avel eretons, rag my a'n ros dhe vebyon Lot avel eretons.’

Dewteronomi 2:9

Ena an Arloedh a leveris dhymm, ‘Na omladh erbynn Moab ha na enter yn kas gansa, rag ny rov dhis travyth a'ga thiredh avel eretons, rag my re ros Ar dhe vebyon Lot avel eretons.’

Dewteronomi 23:3

Naneyl Ammonyas na Moabyas ny enter a-ji dhe guntelles an Arloedh; hwath bys y'n degves henedh ny enter aga diyskynnysi a-ji dhe guntelles an Arloedh bys vykken,

Breusysi 10:6

Mebyon Ysrael a wrug arta an pyth o drog yn golok an Arloedh, ow kordhya an Baalim ha'n Ashtaroth, duwow Aram, duwow Sidon, duwow Moab, duwow an Ammonysi, ha duwow an Filistysi. Yndella i a asas an Arloedh, ha ny'n gordhyens.

1 Samuel 14:47

Ytho Sowl a gemmeras an myghternsys war Ysrael, ha batalyas orth oll y eskerens a bub tu, erbynn Moab, hag erbynn an Ammonysi, hag erbynn Edom, hag erbynn myghternedh Soba, hag erbynn an Filistysi; ha plepynag y treylya, ev a dryghis.