Jenesis 17:1 - An Bibel Kernewek 20234 (Kernewek Kemmyn)

¹ Ha pan o Abram nownsek bloedh ha peswar-ugens, an Arloedh a omdhiskwedhas dhe Abram ha leverel dhodho, ‘Duw Ollgalloesek ov vy. Kerdh a-dheragov, ha bydh divlam.

Jenesis 17:1 ပူးပေါင်းရင်းမြစ်များ

Jenesis 12:1

An Arloedh a leveris dhe Abram, ‘Ke jy mes a'th pow ha dhiworth dha gerens ha dhiworth chi dha das bys y'n wlas a vynnav hy diskwedhes dhis.

Jenesis 12:7

Ha'n Arloedh a omdhiskwedhas dhe Abram ha leverel dhodho, ‘My a vynn ri an tir ma dhe'th has jy.’ Ytho ev a dhrehevis alter dhe'n Arloedh neb a omdhiskwedhas dhodho.

Jenesis 16:16

Hag Abram o hwegh bloedh ha peswar-ugens pan dhineythis Hagar Yshmael dhe Abram.

Jenesis 18:1

Ha'n Arloedh a omdhiskwedhas dhodho ryb derow Mamre, pan o esedhys yn daras an tylda yn toemmder an jydh.

Jenesis 18:14

Eus travyth re gales rag an Arloedh? Y'n termyn apoyntys, my a dhehwel dhis, y'n vlydhen a dheu, hag y fydh dhe Sara mab.’

Jenesis 24:40

Hag yn-medh ev dhymm, “An Arloedh, mayth esov ow kerdhes dheragdho, a dhannvon y el genes, ha ty a gemmer gwreg rag ow mab dhiworth ow theylu, ha dhiworth chi ow thas.

Jenesis 26:2

Ha'n Arloedh a omdhiskwedhas dhodho ha leverel, ‘Na wra mos yn-nans dhe Ejyp. Gorta y'n pow may kowsav orthis anodho.

Jenesis 28:3

Ha re'th vennikko Duw Ollgalloesek ha gul dhywgh doen frut hag ynkressya ha dos ha bos kemmynieth a boblow,

Jenesis 35:11

Hag yn-medh Duw dhodho, ‘My yw Duw Ollgalloesek; degewgh frut ha kressewgh; kenedhel ha kemmynieth a genedhlow a dheu dhiworthis, ha myghternedh a dheu yn-mes a'th tiwglun.

Jenesis 43:14

Ha re rollo Duw Ollgalloesek mersi dhywgh dherag an gour, may tannvonno dhywgh agas broder arall, ha Benyamin. Ha my – mar pydh ow fleghes kellys, kellys vydhons.’

Jenesis 46:3

Hag yn-medh ev, ‘My yw Duw, Duw dha das Ysak. Na borth own a vos yn-nans dhe Ejyp, rag ena my a wra dhis bos kenedhel vras.

Jenesis 48:15

Hag ev a vennigas Yosep, ow leverel, ‘An Duw may hwre kerdhes dheragdho ow thasow Abraham hag Ysak, An Duw re beu bugel dhymm der ow bewnans oll bys y'n jydh hedhyw,

Jenesis 48:3

Hag yn-medh Yakob dhe Yosep, ‘Duw Ollgalloesek re omdhiskwedhas dhymm yn Luz, yn pow Kanan, ha'm benniga,

Jenesis 5:22

Hag Enok a gerdhas gans Duw trihans blydhen wosa ev dhe dhineythi Methusela, hag ev a dhineythis mebyon ha myrghes.

Jenesis 5:24

Hag Enok a gerdhas gans Duw ha ny veu moy, rag Duw a'n kemmeras.

Jenesis 6:9

An re ma yw henedhow Noy. Noy o gour gwiryon ha perfydh yn y dermyn hag yth esa Noy ow kerdhes gans Duw.

1 Myghternedh 2:4

may kewerro an Arloedh y er a veu kewsys ganso y'm kever, ow leverel, “Mar kwra dha fleghes gwitha aga fordh, ow kerdhes a-ragov yn gwiryonedh gans oll aga holonn ha gans oll aga enev, ny fyll dhis gour war dron Ysrael.”

1 Myghternedh 3:6

Ha Solomon a leveris, ‘Ty re dhiskwedhas dhe'th was Davydh ow thas tregeredh veur, drefenn ev dhe gerdhes a-ragos yn gwiryonedh, yn lenduri hag ewnhynseth an golonn genes; ha ty re'n gwithas rag an kuvder meur ma, ha ri mab dhodho dhe esedha war y dron hedhyw.

1 Myghternedh 8:25

Ytho lemmyn, A Arloedh, Duw Ysrael, gwith rag dha was ow thas Davydh an pyth a leversys dhodho, ow leverel, “Ny fyll dhis nevra gour dhe esedha a-ragov war dron Ysrael, mar mynn dha fleghes gwitha aga fordh, dhe gerdhes a-ragov par dell gerdhsys a-ragov.”

2 Myghternedh 20:3

‘Porth kov lemmyn, A Arloedh, my a'th pys, a fatell gerdhis a-dherag dhis yn gwiryonedh hag a leun golonn, hag a wrug an pyth yw da y'th wel.’ Hag ev a oelas yn hwerow.

Job 1:1

Yth esa gour yn bro Us, Job y hanow, ha perfydh hag ewnhynsek o an gour na, hag yth esa dhodho own a Dhuw hag ev a dreylyas dhiworth drog.

Job 11:7

‘A yllydh hwithra an taklow down a Dhuw? A yllydh diskudha finweth an Ollgalloesek?

Salmow 115:3

Mes agan Duw, yma ev y'n nevow; ev re wrug kekemmys a vynnas.

Salmow 116:9

My a gerdh a-dherag an Arloedh yn tir an re vew.

Salmow 25:14

Yma kevrin an Arloedh gans an re a berth own anodho, hag ev a dhiskwa dhedha y gevambos.

Eksodus 6:3

ha my a omdhiskwedhas dhe Abraham, dhe Ysak ha dhe Yakob avel Duw Ollgalloesek, mes der ow hanow vy, an Arloedh, nyns en vy aswonnys dhedha.

Lavarow Koth 10:9

Neb a gerdh yn tivlam a gerdh yn sawder, mes neb a siw hynsyow kamm a vydh diskudhys.

Ysay 38:3

ha leverel, ‘A Arloedh, porth kov, my a'th pys, fatell esen ow kerdhes a-ragos yn gwiryonedh hag a leun golonn, ha my re wrug an pyth yw da y'th wolok.’ Ha Hezekia a oelas yn hwerow.

Yeremia 32:17

Ogh Arloedh Duw! Otta, ty re wrug an nevow ha'n nor dre dha alloes meur ha'th vregh ystynnys! Nyns eus travyth re gales ragos.

Daniel 4:35

ha pub annedhyas a'n norvys yw reknys avel mann; kepar dell vynno y hwra yn mysk lu an nev, hag yn mysk annedhysi an norvys; ny yll denvyth lettya y dhorn na leverel dhodho, ‘Pandr'a wredh?’

Mika 6:8

Ev re dhiskwedhas dhis, a dhen, an pyth yw mas: ha pandr'a wovynn orthis an Arloedh marnas ty a wra gwirvreus, ha kara tregeredh, ha kerdhes yn uvel gans dha Dhuw?

Niverow 11:23

Ha'n Arloedh a leveris dhe Moyses, ‘Yw dorn an Arloedh re verr? Lemmyn ty a welvydh mar teu ow ger dhe wiryonedh ragos po na.’

Niverow 24:16

ger anodho ev neb a glew geryow Duw, hag a woer skians an Ughella, hag a wel gwelesigeth an Ollgalloesek, ow koedha yn transyek, mes ankudhys y dhewlagas:

Matthew 19:26

Yesu a viras orta ha leverel, ‘Hemm yw dres galloes den mes gans Duw pup-tra a yll bos gwrys.’

Matthew 5:48

Rakhenna, bedhewgh hwi perfydh kepar dell yw agas Tas a nev perfydh.

Luk 1:6

Gwiryon ens i aga dew a-wel dhe Dhuw, ow kerdhes divlam yn oll gorhemmynnow hag ordenansow an Arloedh.

Oberow 23:1

Powl, ow mires gluw orth an konsel, a leveris, ‘Breder, bys y'n jydh ma my re vewas gans kowses da a-rag Duw.’

Oberow 24:16

Rakhenna my ow honan a striv prest dhe synsi kowses divlam a-rag Duw ha tus oll.

Efesianys 3:20

Lemmyn, dhe neb a yll gul dres pup-tra yn pals dres eghenn moy es dell bysyn na brederyn, war-lergh an galloes a ober ynnon ni,

Dewteronomi 10:17

Rag an Arloedh agas Duw yw Duw a'n duwow hag Arloedh a'n arlydhi, an Duw bras ha krev hag euthyk, nag eus dhodho faverans, ha na gemmer falswober;

Dewteronomi 18:13

Ty a goedh bos divlam a-rag an Arloedh dha Dhuw.

Dewteronomi 30:20

ow kara an Arloedh dha Dhuw, hag ow koslowes y lev, hag ow klena orto; rag ev yw dha vewnans ha hirder dha dhydhyow, dhe driga war an tir a dos an Arloedh dhe'th tasow, dhe Abraham, ha dhe Ysak, ha dhe Yakob, dhe ri dhedha.

Filippianys 4:13

My a yll gul pup-tra dredho ev neb a re dhymm nerth.

Ebrowyon 12:28

Ytho godhvydhyn gras a dhegemmeres ruvaneth na yll degrena, ha rakhenna profyn dhe Dhuw gordhyans plegadow yn revrons hag agha;

Ebrowyon 7:25

Yndellma, ev a yll selwel, rag oll termyn, an re a nes dhe Dhuw dredho, rag ev a vew prest dhe bysi ragdha.