Jenesis 14:7 - An Bibel Kernewek 20234 (Kernewek Kemmyn)

⁷ Hag i a dhehwelis ha dos dhe En-mishpat (henn yw Kadesh) ha fetha gwlas oll an Amalekysi ha'n Amorysi ynwedh esa trigys yn Haseson-tamar.

Jenesis 14:7 ပူးပေါင်းရင်းမြစ်များ

Jenesis 16:14

Ytho henwys veu an puth, Beer-lahay-roi. Awotta hi yntra Kadesh ha Bered.

Jenesis 20:1

Hag Abraham eth alena troha tir an Negeb ha triga yntra Kadesh ha Shur; hag yth esa trigys yn Gerar avel alyon.

Jenesis 36:12

Timna o iswreg Elifaz mab Esaw; ha hi a dhineythis Amalek dhe Elifaz. An re ma yw mebyon Ada, gwreg Esaw.

Jenesis 36:16

penntern Koragh, penntern Gatam, penntern Amalek. An re ma yw pennternedh Elifaz yn pow Edom; mebyon Ada yns i.

2 Kroniklys 20:2

Kannasow a dheuth hag y lavarsons dhe Yehoshafat, ‘Yma routh vras ow tos er dha bynn dhiworth tu arall an Mor, dhiworth Edom; ymons seulabrys yn Hasason-tamar’ (honn yw En-gedi).

Ezekiel 47:10

Tus a sev ryb an mor ow pyskessa; dhiworth En-gedi ha bys En-eglaym y fydh tylleryow rag lesa roesow. An puskes a vydh a lies kinda, kepar ha puskes an Mor Bras, pur lies.

Ezekiel 48:28

Ryb or Gad dhe denewen an soth, an or a vydh dhiworth Tamar dhe dhowrow Meribath-kadesh, ena ryb an avon bys an Mor Bras.

Niverow 13:26

Hag i a dheuth dhe Moyses hag Aron ha dhe'n kuntelles oll a vebyon Ysrael bys yn gwylvos Paran, dhe Kadesh; i a dhros ger dhedha ha dhe'n kuntelles oll, ha diskwedhes dhedha frut an tir.

Niverow 14:43

Rag yma an Amalekysi ha'n Kananysi ena a-ragowgh, ha hwi a wra koedha der an kledha; drefenn hwi dhe dreylya a-dhiworth an Arloedh, ny vydh an Arloedh genowgh.’

Niverow 14:45

Ena an Amalekysi ha'n Kananysi esa trigys y'n vro venydhyek na a dhiyskynnas, ha'ga fetha ha'ga skattra, bys yn Horma.

Niverow 20:1

Ha mebyon Ysrael, an kuntelles oll, a dheuth a-ji dhe wylvos Sin y'n kynsa mis, ha'n bobel a wortas yn Kadesh; ha Miryam a verwis ena, hag a veu ynkleudhys ena.

Niverow 24:20

Ena ev a viras war Amalek, ha kemmeres yn-bann y gows, ha leverel, ‘Amalek o kynsa an kenedhlow, mes wortiwedh ev a dheu dhe dhistruyans.’

Dewteronomi 1:19

Ena ni a omdennas dhiworth Horeb ha mos der oll an difeythtir bras hag euthyk a welsowgh, war an fordh dhe venydh an Amorysi, kepar dell worhemmynnis an Arloedh agan Duw dhyn; ha ni a dheuth bys yn Kadesh-barnea.

Dewteronomi 1:46

Ytho yth esewgh trigys yn Kadesh lies dydh, oll an dydhyow a drigsowgh ena.

Yoshua 15:62

Nibshan, Sita an Hoelan, hag En-gedi: hwegh sita gans aga godrevow.