Jenesis 12:1 - An Bibel Kernewek 20234 (Kernewek Kemmyn)

¹ An Arloedh a leveris dhe Abram, ‘Ke jy mes a'th pow ha dhiworth dha gerens ha dhiworth chi dha das bys y'n wlas a vynnav hy diskwedhes dhis.

Jenesis 12:1 ပူးပေါင်းရင်းမြစ်များ

Ebrowyon 11:8

Dre fydh Abraham o gostydh pan veu gelwys dhe vos dhe dyller may tegemmerra eretons; ev eth yn-rag heb konvedhes ple'th esa ow mos.

Nehemia 9:7

Ty yw an Arloedh, an Duw neb a dhewisas Abram ha'y dhri yn-mes a Ur an Kaldeanys ha chanjya y hanow dhe Abraham;

Ysay 51:2

Mirewgh orth Abraham, agas tas, hag orth Sara a'gas dineythis; rag nyns o ev marnas onan pan y'n gelwis, mes my a'n bennigas ha'y wul lies.

Jenesis 15:7

Hag ev a leveris dhodho, ‘My yw an Arloedh a'th tros mes a Ur an Kaldeanys dhe ri dhis an pow ma dh'y gavoes yn perghennogeth.’

Ezekiel 33:24

Mab den, an re trigys y'n magoryow na yn pow Ysrael a lever, ‘Abraham o onan hag ev a eritas an tir, mes ni yw lies, dhyn ni re beu an tir res avel eretons.’

2 Korinthianys 6:17

Rakhenna dewgh yn-mes a-dhiworta, ha bedhewgh diberthys, yn-medh an Arloedh, ha na dochyewgh travyth avlan, ha my a wra agas degemmeres,

Ysay 41:9

ty neb a gemmeris vy a bennow an norvys, ha'th helwel a'y bella sornow, ow leverel dhis, ‘Ty yw ow gwas, my re'th tewisas ha ny'th tewlis dhe-ves’;

Diskwedhyans 18:4

Ha my a glewas ken lev dhiworth nev, ow leverel, ‘Dewgh yn-mes anedhi, ow fobel, ma na vewgh kevrennogyon a'y feghosow, ha ma na dhegemmerrowgh a'y flaow.

Jenesis 20:13

Ha pan wrug Duw dhymm gwandra dhiworth chi ow thas, my a leveris dhedhi, “Ottomma kuvder a wre'ta gul ragov. Pub le may teun dhodho, lavar ahanav, Ow broder yw ev.” ’

Jenesis 24:4

Mes ke dhe'm pow vy ha dhe'm kerens ha kemmer gwreg rag ow mab, rag Ysak.’

Jenesis 26:2

Ha'n Arloedh a omdhiskwedhas dhodho ha leverel, ‘Na wra mos yn-nans dhe Ejyp. Gorta y'n pow may kowsav orthis anodho.

Ysay 37:12

A wrug duwow an kenedhlow aga delivra, an kenedhlow a wrug ow thasow aga distrui – Haran, Resef, ha mebyon Eden esa yn Telassar?

Jenesis 24:7

An Arloedh Duw a'n nevow neb a'm kemmeras dhiworth chi ow thas ha pow ow genesigeth ha neb a gewsis genev ha neb a dos dhymm, ow leverel, “My a re an pow ma dhe'th has”, ev a dhannvon y el a-dheragos, ha ty a gemmer gwreg rag ow mab alena.

Jenesis 24:38

mes ke dhe ji ow thas ha dhe'm teylu vy ha kemmer gwreg rag ow mab.”

Niverow 10:30

Mes ev a leveris dhodho, ‘Ny vynnav mos; mes my a wra diberth dhe'm tir ow honan ha dhe'm neshevin.’