Jamys 5:14 - An Bibel Kernewek 20234 (Kernewek Kemmyn)

¹⁴ Eus nebonan klav yn agas mysk? Gelwes ev henavogyon an eglos ha gwrens i pysi warnodho ha'y untya gans oyl yn hanow an Arloedh.

Jamys 5:14 ပူးပေါင်းရင်းမြစ်များ

1 Myghternedh 17:21

Ena ev a omystynnas teyrgweyth war an flogh, ha kria war an Arloedh, ‘A Arloedh ow Duw, gas bewnans an flogh ma dhe dhos ynno arta.’

2 Myghternedh 4:33

Ev eth a-ji ha degea an daras orta aga dew ha pysi an Arloedh.

2 Myghternedh 5:11

Mes Naaman o serrys hag eth dhe-ves ha leverel, ‘My a grysi y teffa ev dhymm yn sur, ha sevel, ha gelwel war anow an ARLOEDH, ha gweskel y dhorn a-ugh an tyller ha yaghhe an lovryjyon.

Mark 16:18

hag i a gemmer serf yn-bann yn aga diwla, ha mar evons gwenon marwel, ny wra henna aga fystiga; i a worr diwla war an glevyon hag y fydhons yagh.’

Mark 6:13

Hag i a dewlis yn-mes lies dyowl, hag untya gans olew lies o klav, ha'ga sawya.

Oberow 11:30

Hag yndella i a'n gwrug, ow tannvon dhe'n henavogyon dre leuv Barnabas ha Sowl.

Oberow 14:23

Ha pan ordensens ragdha henavogyon yn pub eglos, gans pysadow ha penys i a's kommendyas dhe'n Arloedh yn neb a gryssens.

Oberow 15:4

Pan dheuthons yn Yerusalem, wolkommys vons gans an eglos ha'n abesteli ha'n henavogyon, hag i a dherivas an taklow re wrussa Duw dredha.

Oberow 28:8

Dell hwarva, yth esa tas Publius a'y wrowedh ow kodhav terthennow ha'n skit. Powl a entras dhodho ha pysi, ow korra y dhiwla warnodho, ha'y sawya.

Oberow 9:40

Mes Peder a's gorras i oll yn-mes, ha mos war benn-dewlin ha pysi; ena ow treylya dhe'n korf ev a leveris, ‘Tabitha, sav yn-bann.’ Ha hi a igoras hy dewlagas, ha pan welas hi Peder hi a esedhas yn-bann.

Titus 1:5

Rakhenna my a'th hasas yn Kreta mayth ordennes an taklow erell hag apoyntya henavogyon yn pub tre, dell erghis vy dhis,