Jamys 4:8 - An Bibel Kernewek 20234 (Kernewek Kemmyn)

⁸ Dewgh nes dhe Dhuw, hag ev a dheu nes dhywgh hwi. Glanhewgh agas diwla, a beghadoryon, ha purhewgh agas kolonn, a dus dewblek agas brys.

Jamys 4:8 ပူးပေါင်းရင်းမြစ်များ

Salmow 145:18

Yma an Arloedh ogas dhe bubonan a elow warnodho, dhe bubonan a elow warnodho yn gwiryonedh.

Ebrowyon 10:22

nesyn gans kolonn wir yn surneth leun a fydh, agan kolonn purhes glan a debelgowses ha'gan korf golghys gans dowr pur.

Malaki 3:7

A-dhia dhydhyow agas tasow, hwi a dhibarthas a'm gorhemmynnow, ha ny wrussowgh aga obaya. Dehwelewgh dhymmo vy ha my a dhehwel dhywgh, yn-medh Arloedh an luyow. Hwi a lever, ‘Fatell dhehwelyn?’

Zekaria 1:3

Rakhenna lavar dhedha, Yndellma y lever an Arloedh: Dehwelewgh dhymmo vy, yn-medh Arloedh an luyow, ha my a dhehwel dhywgh, yn-medh Arloedh an luyow.

2 Kroniklys 15:2

Ev eth yn-mes rag metya gans Asa, hag a leveris dhodho, ‘Goslow orthiv, Asa hag oll Yuda ha Benyamin. Yma an Arloedh genowgh, ha hwi ganso. Mara's hwilowgh, ev a vydh kevys genowgh, mes mara's gesowgh, ev a'gas gas.

Yeremia 4:14

A Yerusalem, golgh dha golonn a-dhiworth drogedh, may fi selwys. Pes termyn y hwra dha brederow koeg godriga genes?

1 Yowann 3:3

Ha pub den a'n jeves an govenek ma ynno a omlanha, poran dell yw ev glan.

Salmow 51:10

Gwra kolonn lan ragov, A Dhuw, ha daswra ynnov vy spyrys len.

Ebrowyon 7:19

(rag ny wrug an lagha travyth perfydh); a'y gila, govenek gwell yw dres, dredho may teun nes dhe Dhuw.

2 Korinthianys 7:1

Rakhenna a-ban eus dhyn an ambosow ma, karadowyon, gwren glanhe agan honan dhiworth pub defolans a gig hag a spyrys, ow kul dhe sansoleth bos perfydh y'n own a Dhuw.

Ezekiel 18:31

Tewlewgh a-dhiwarnowgh oll agas kammweythresow re wrussowgh ha gwrewgh ragowgh agas honan kolonn nowydh ha spyrys nowydh. Prag y ferwowgh, a ji Ysrael?

Salmow 73:28

Mes da yw ragov dos ogas dhe Dhuw; my re wrug an Arloedh Duw ow skovva, rag may teriffiv dha wriansow oll.

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

1 Peder 3:21

Hemm yw tokyn a'gan saw lemmyn, henn yw besydhyans. Nyns yw gorra dhe-ves mostedhes an kig mes gorthyp kowses da dhe Dhuw dre dhasserghyans Yesu Krist,

Job 17:9

An den gwiryon a bes war y fordh, ha'n den glan y dhiwleuv yw krevhes moy ha moy.

Matthew 12:33

‘Poken gwrewgh an wydhenn dhe vos da ha'y frut da, po gwrewgh an wydhenn dhe vos podredhek ha'y frut podredhek, rag dre hy frut yth yw an wydhenn aswonnys.

1 Timothi 2:8

Ytho, my a vynn may hwrello pysi an wer yn pub le, ow trehevel diwla sans heb sorr na disputyans.

Ysay 29:13

An Arloedh a leveris: Drefenn an bobel ma dhe dhos nes dhymm gans aga ganow hag ow enora gans aga diwweus, mes aga holonn yw pell dhiworthiv, ha'ga own ahanav yw dyskys gans gorhemmynn tus,

Salmow 24:4

An den glan y dhiwleuv ha pur y golonn, na dhrehevis y enev dhe euveredh, na lia yn fals.

1 Peder 1:22

Wosa glanhe agas enev der wostytter dhe'n gwir, dhe gerensa broder heb fayntys, kerewgh an eyl y gila yn tiwysyk, yn-mes a golonn lan.

Salmow 18:20

An Arloedh re wrug dhymm herwydh ow ewnder; herwydh glander ow diwleuv yth attylis ev dhymm.

Jamys 1:8

Gour dewblek y vrys yw brottel yn oll y fordhow.

Salmow 26:6

My a wolgh ow diwleuv yn gwiryonsys, ha mos a-dro dhe'th alter, A Arloedh,

Oberow 15:9

hag ow glanhe aga holonnow dre fydh ny wrug ev dyffrans yntra ni hag i.

Jenesis 18:23

Abraham a dheuth nes ha leverel, ‘A vynn'ta diswul hwath an re wiryon gans an re dhrog?

Job 16:17

nyns eus freudh yn ow diwleuv, ha pur yw ow fysadow.

Matthew 15:2

‘Prag y hwra dha dhyskyblon kammdremena erbynn hengov an henavogyon? Rag ny wolghons aga diwla pan dhebrons bara.’

Yeremia 4:11

Y'n termyn na y fydh leverys dhe'n bobel ma ha dhe Yerusalem: Gwyns toemm a'n ugheldiryow moel y'n gwylvos war-tu ha myrgh ow fobel, mes ny vydh dhe groedra, na dhe lanhe;

Job 9:30

Mar omwolghav gans dowr erghek, ha glanhe ow diwleuv gans lisiw,

Ysay 13:15

Piwpynag a vo kevys a vydh gwanyes, ha piwpynag a vo kechys a goedh der an kledha.

Salmow 73:13

Sur, my re lanhas ow holonn yn euver ha golghi ow diwleuv yn gwiryonsys.

Matthew 27:24

Ha Pilat, pan welas na ylli gwaynya travyth, mes yth esa freudh ow talleth, a gemmeras dowr ha golghi y dhiwla a-rag an routh ow leverel, ‘Glan yth o'ma a woes an den gwiryon ma. Hwi omgemmerewgh.’

1 Samuel 14:35

Ha Sowl a dhrehevis alter dhe'n Arloedh; homm o an kynsa alter a dhrehevis ev dhe'n Arloedh.

Salmow 119:113

My a gas an re yw dewblek aga brys, mes dha lagha a garav.

Ysay 58:2

I a'm hwila pub dydh, ha hwansa godhvos ow fordhow, kepar dell vens kenedhel a wrug ewnder ha na forsakyas ordenans aga Duw. I a wovynn dhiworthiv breusow a ewnder hag i a gemmer delit ow tos nes dhe Dhuw.

Jamys 3:17

Mes an furneth a-wartha yw kyns oll glan, ena ow kara kres, klor, es y berswadya, leun a versi ha frut da, heb faverans, heb falsuri.

Kynvannow 3:57

Ty a dheuth nes y'n jydh mayth elwis warnas, ‘Na borth own’, yn-medhydh.