Jamys 3:2 - An Bibel Kernewek 20234 (Kernewek Kemmyn)

² Pubonan ahanan a gammwra yn lies tra. Den mar ny gammwra yn y lavar, gour perfydh yw hemma, hag ev a yll fronna an korf dien ynwedh.

Jamys 3:2 ပူးပေါင်းရင်းမြစ်များ

1 Myghternedh 8:46

‘Mar peghons er dha bynn – rag nyns eus nagonan na begh – ha ty yw serrys gansa ha's redh dhe eskar, mayth ons degys dhe-ves yn kethneth dhe dir an eskar, pell po ogas;

2 Kroniklys 6:36

‘Mar peghons er dha bynn – rag nyns eus onan na begh – ha ty a serr orta ha'ga ri dhe eskar, neb a's deg dhe-ves yn divroedh dhe dir pell po a-ogas,

Job 15:13

may treylydh dha spyrys erbynn Duw, ha gasa dhe'n geryow na mos yn-mes a'th hanow?

Salmow 34:13

Gwith dha daves rag drog, ha'th tiwweus rag leverel falsuri.

Salmow 39:1

Yn-medhav, ‘My a with ow fordhow rag na begghiv gans ow thaves; my a with ow ganow gans fronn hedre vo an tebelwas y'm gwel.’

Lavarow Koth 10:19

Pan vo geryow pals, ny fyll kammweythres, mes neb a fronn y dhiwweus yw doeth.

Lavarow Koth 13:3

Neb a with y anow a saw y vewnans, mes neb a iger y dhiwweus a-les a dheu dhe dhiswrians.

Lavarow Koth 20:9

Piw a yll leverel, ‘My re wrug ow holonn glan; pur ov a'm pegh’?

Lavarow Koth 21:23

Neb a with y anow ha'y daves a with y enev orth troblow.

Ekklesiastes 7:20

Rag nyns eus den gwiryon y'n norvys a wra dader ha ny begh mann.

Ysay 64:6

Ni oll yw avel tra avlan, hag avel kweth woesek yw oll agan gweythyow gwiryon; ni oll a wedher avel delenn, ha'gan kammweythresow a'gan deg dhe-ves avel gwyns.

Levitikus 13:39

an oferyas a hwither, ha mars yw an nammow diliw, namm brygh dhidhregynnus usi ow tevi y'n kneus. Glan yw.

Matthew 12:34

Hwi askorr nadres, fatell yllowgh leverel taklow da ha hwi ow pos drog? Rag yn-mes a lanwes an golonn y lever an ganow.

Matthew 12:37

rag herwydh dha lavarow y fydhydh akwitys ha herwydh dha lavarow y fydhydh dampnys.’

Romanyon 3:10

dell yw skrifys, ‘Nyns yw onan vyth gwiryon, na, nagonan vyth;

Romanyon 7:21

Ytho y kavav avel lagha bos genev droktra pan vynnav gul da.

1 Korinthianys 9:27

mes my a gronk ow horf ha'y wul gostydh, ma na viv evy, wosa pregoth dhe re erell, gelwys anwiw.

Galatianys 3:22

mes an Skryptor re dhegeas pup-tra yn-dann begh may fo an ambos dre fydh yn Yesu Krist res dhe'n re a grys.

Galatianys 5:17

Rag an kig a wra hwansa kontrari dhe'n Spyrys, ha'n Spyrys kontrari dhe'n kig, rag an re ma yw kontrari an eyl dh'y gila, ma na wryllowgh gul an pyth a vynnowgh.

Kolossianys 1:28

Ni a'n deriv, ow keski pub den ha dyski pub den yn pub furneth, may kwrellyn profya pub den perfydh yn Krist.

Kolossianys 4:12

Epafras a'gas dynnergh, onan ahanowgh, kethwas Krist Yesu, ow strivya pup-prys ragowgh yn y bysadow, may seffowgh perfydh ha surhes yn tien y'n bolonjedh oll a Dhuw.

Ebrowyon 13:21

re'gas provio gans pub tra vas may hwryllowgh y vodh, ow kul ynnon an pyth yw plegadow yn y wolok dre Yesu Krist; dhe neb bedhes gordhyans bys vykken ha bynnari. Amen.

Jamys 1:26

Mars eus neb den a breder y vos kryjyk, heb fronna y daves, mes ow toella y golonn ev, koeg yw kryjyans an den ma.

Jamys 1:4

Ha gwres perthyans kowlwul y ober may fewgh perfydh ha dien, heb bos dhywgh fowt travyth.

Jamys 2:10

Rag neb a with an lagha yn tien mes a drebuch yn unn dra, yn tien gyllys kablus yw ev.

1 Peder 3:10

‘Neb a vynn kara bewnans ha gweles dydhyow da, fronnes ev y daves a dhrog ha'y dhiwweus a gewsel toell.

1 Peder 5:10

Lemmyn, Duw pub ras, neb a'gas gelwis dh'y splannder heb diwedh yn Krist Yesu, wosa hwi dhe wodhevel pols, a wra y honan agas gul perfydh, fastya, krevhe ha selya.