Jamys 1:12 - An Bibel Kernewek 20234 (Kernewek Kemmyn)

¹² Gwynnvys an gour a bes yn-dann brevyans rag, wosa bos prevys, ev a dhegemmer an gurun a vewnans a ambosas Duw dhe'n re a'n kar.

Jamys 1:12 ပူးပေါင်းရင်းမြစ်များ

Jenesis 22:1

Ha wosa an hwarvosow ma Duw a brovas Abraham ha leverel dhodho, ‘Abraham!’ Hag yn-medh ev, ‘Awottavy.’

Nehemia 1:5

Yn-medhav, ‘My a'th pys, A Arloedh Duw nev, an Duw bras hag euthyk neb a with kevambos ha tregeredh rag an re a'n kar ha gwitha y worhemmynnow;

Job 2:10

Mes yn-medh ev dhedhi, ‘Ty a gews kepar dell gewssa onan a'n benynes foll. A wren ni degemmeres dader dhiworth leuv Duw, hag a ny wren ni degemmeres drogedh?’ Gans hemma oll ny beghas Job gans y dhiwweus.

Job 5:17

‘Otta, gwynnvys an den a wra Duw y geredhi, rakhenna na dhispres keredh an Ollgalloesek.

Salmow 11:5

An Arloedh a brev an den gwiryon ha'n tebelwas, ha'y enev a gas an den a gar garowder.

Salmow 119:67

Kyns my dhe vos yn anken, my a gammdremenas, mes lemmyn my a syns dha lavar.

Salmow 119:71

Da yw ow bos yn anken, rag may tyskiv dha ordenansow.

Salmow 119:75

My a woer, A Arloedh, dha vreusow dhe vos gwiryon, hag yn lenduri ty dhe'm trobla.

Salmow 5:11

Mes lowenhes seul a hwila skovva ynnos, kanens i rag joy bynitha, rag ty dh'aga gwitha, ha bedhes heudhik ynnos an re a gar dha hanow.

Salmow 94:12

Gwynnvys an gour a geredhydh, A Arloedh, ha dyski dhodho yn-mes a'th lagha,

Eksodus 20:6

mes ow tiskwedhes tregeredh war vilyow anedha a'm kar hag a with ow gorhemmynnow.

Lavarow Koth 17:3

An teudhlester yw rag arghans, ha'n forn yw rag owr, mes an Arloedh a brev kolonnow.

Ysay 64:4

A-henys tus ny glewas, na ny woslowas skovarn, na ny welas lagas duw marnas ty, neb a ober ragdho ev neb a'n gorta.

Zekaria 13:9

My a dhre an tressa rann dre'n tan, ha'ga furhe dell yw purhes an arghans, a'ga frevi dell yw prevys an owr. Ev a wra gelwel war ow hanow, ha my a worthyp dhodho; my a lever, ‘Ev yw ow fobel’, hag ev a lever, ‘An Arloedh yw ow Duw.’

Matthew 10:22

Ha hwi a vydh kesys gans pub den oll a-barth ow hanow, mes neb a dhur bys y'n diwedh, ev a vydh selwys.

Matthew 25:34

Ena y hwra an Myghtern leverel dhe'n re a'y barth dhyghow, “Dewgh, hwi vennigys gans ow Thas, eritewgh an wlaskor yw pareusys dhywgh dhiworth gwrians an bys.

Luk 6:22

‘Gwynn agas bys pan wra tus agas kasa, ha pan wrons agas keas mes ha despitya ha tewlel agas hanow yn-mes avel drogoberoryon, a-barth Mab an den;

Romanyon 5:4

ha perthyans a dhre prevyans, ha prevyans a dhre govenek,

Romanyon 8:28

Ni a woer pup-tra dhe oberi war-barth rag dader rag an re a gar Duw, an re yw gelwys herwydh y borpos.

1 Korinthianys 2:9

Mes, dell yw skrifys, ‘An pyth na welas lagas bythkweth ha na glewas skovarn ha na dheuth yn kolonn mab-den, an pyth re beu darbarys gans Duw dhe'n re a'n kar’ –

1 Korinthianys 8:3

mes nebonan mar kar Duw, aswonnys ganso yth ywa.

1 Korinthianys 9:25

Pub striver y'n gwariow a omrewl yn traow oll. I a'n gwra rag kavoes kurun a wedher, mes ni rag kavoes onan na wedher nevra.

Dewteronomi 13:3

na woslow orth geryow an profoes na, nag orth an hunroser na a hunrosow, rag an Arloedh agas Duw a wra agas previ, dhe wodhvos mar kerowgh an Arloedh agas Duw gans oll agas kolonn ha gans oll agas enev.

Dewteronomi 7:9

Rakhenna godhvydh an Arloedh dha Dhuw dhe vos Duw, an Duw len, ow kwitha y gevambos ha'y dregeredh dhe'n re usi orth y gara hag ow kwitha y worhemmynnow, dhe vil henedh;

Dewteronomi 8:2

Ha ty a berth kov a oll an fordh a wrug an Arloedh dha Dhuw dhis kerdhes ynni an dew-ugens blydhen ma y'n gwylvos, rag ma'th uvelhaho ha'th previ, dhe wodhvos an pyth esa y'th kolonn, mar kwitthes y worhemmynnow po na witthes.

2 Timothi 2:15

Bydh freth dhe omdhiskwedhes kemmeradow dhe Dhuw, gonisyas heb meth, ow styrya yn ewn an ger a wiryonedh,

2 Timothi 4:8

Alemma rag, ragov vy parys yw an gurun a ewnder a re an Arloedh, an breusydh ewn, dhymmo vy y'n jydh na, ha nyns yw ragov vy yn unnsel, mes rag pubonan re garas y omdhiskwedhyans.

Ebrowyon 10:32

Mes perthewgh kov a'n dydhyow kyns wosa hwi dhe vos enowys, hwi a wodhevi strif kales a boenow,

Ebrowyon 11:17

Dre fydh Abraham, pan veu prevys, a offrynnas Ysak hag ev neb re dhegemmersa an ambosow o parys dhe offrynna y unn vab dineythys,

Ebrowyon 12:5

Hag a ankevsowgh an ger a gonfort a gews orthowgh avel mebyon? ‘Ow Mab, na wra dispresya dyskybleth an Arloedh, na bos digolonnek pan vi keskys ganso.

Ebrowyon 6:15

Hag yndellma wosa perthi hirneth, ev a dhegemmeras an ambos.

Jamys 2:5

Goslowewgh, ow breder veurgerys. A ny dhewisas Duw an voghosogyon y'n bys dhe vos rych yn fydh ha heryon a'n wlaskor a ambosas dhe'n re a'n kar?

Jamys 5:11

Otta, ni a's gelow gwynnvys, an re a dhuryas; duryans Job re wrussowgh klewes anodho, ha porpos an Arloedh a welsowgh, bos an Arloedh pur druedhek ha pitethus.

1 Peder 3:14

Mes mar kodhevowgh ynwedh rag ewnder, gwynn agas bys. Na berthewgh own rag euth anedha, ha na vedhewgh troblys,

1 Peder 4:13

Mes, ha hwi ow kevrenna godhevyansow Krist, lowenhewgh, may lowenhahowgh ynwedh yn heudhik orth diskwedhyans y splannder.

1 Peder 4:14

Mars owgh hwi despitys yn hanow Krist, gwynn agas bys rag an Spyrys a splannder hag a Dhuw a wra powes warnowgh.

1 Peder 5:10

Lemmyn, Duw pub ras, neb a'gas gelwis dh'y splannder heb diwedh yn Krist Yesu, wosa hwi dhe wodhevel pols, a wra y honan agas gul perfydh, fastya, krevhe ha selya.

1 Peder 5:4

ha pan omdhiskwa an penn-bugel, hwi a wra degemmeres an gurun a splannder na wedher.

1 Yowann 4:19

Ni a gar drefenn ev dh'agan kara kynsa.

Diskwedhyans 2:10

Na borth own a nagonan a'n taklow na a wredh godhav. Otta, an jowl a wra tewlel re ahanowgh yn prison may fewgh prevys, ha galar a'gas bydh deg dydh. Bydh len bys yn ankow, ha kurun bewnans dhiso a rov.

Diskwedhyans 3:19

Myns a garav, a geredhav ha keski. Bydh diwysyk, ytho, ha kemmer edrek.

Diskwedhyans 3:21

Neb a fettho, my a wront dhodho esedha genev war ow thron, kepar dell fethis vy ynwedh, hag esedha gans ow Thas war y dron.