Hosea 8:6 - An Bibel Kernewek 20234 (Kernewek Kemmyn)

⁶ Rag dhiworth Ysrael yth yw! Ser a'n gwrug, ha nyns yw Duw. Leugh Samaria a vydh skyrr.

Hosea 8:6 ပူးပေါင်းရင်းမြစ်များ

2 Myghternedh 23:15

Ynwedh ev a dennas dhe'n dor an alter yn Bethel, an tyller ughel gwrys gans Yeroboam mab Nebat, a wrug dhe Ysrael pegha, an alter na hag ynwedh an tyller ughel. Ev a loskas an tyller ughel, orth y vrewi dhe dhoust; ynwedh ev a loskas an Ashera.

2 Myghternedh 23:19

Yosia a removas ynwedh chiow an tylleryow ughel esa yn sitys Samaria, gwrys gans myghternedh Ysrael, ow provokya sorr an Arloedh; ev a wrug dhedha kepar dell wrussa yn Bethel.

2 Kroniklys 13:8

‘Lemmyn hwi a dyb y hyllowgh sevel orth gwlaskor an Arloedh yn leuv mebyon Davydh, drefenn agas bos gyllys ha bos routh vras ha bos genowgh hwi an leughi a owr a wrug Yeroboam dhe vos duwow ragowgh.

2 Kroniklys 31:1

Pan veu oll henna gorfennys, oll Ysrael esa ena eth yn-mes dhe sitys Yuda hag a droghas an peulveyn, ha terri dhe'n dor an Asherim, ha distrui an tylleryow ughel ha'n alteryow der oll Yuda ha Benyamin hag yn Efraym ha Manasse, bys pan y's diswrussens oll. Ena pobel Ysrael a dhehwelis dh'aga sitys, pubonan dh'y berghennogeth y honan.

Yeremia 10:14

Pubonan yw gokki ha heb skians: pub teudher a gemmer meth a'y imaj gravys; rag y imaj teudhys yw fals, ha nyns eus anall ynna.

Yeremia 48:13

Ha Moab a'n jevydh meth a Kemosh, dell borthas chi Ysrael meth a Bethel, may trestsons ynno.

Yeremia 50:2

Diskleryewgh yn mysk an kenedhlow ha derivewgh, sevewgh baner ha derivewgh, na'n kudhewgh, leverewgh: Babylon yw kemmerys, Bel yw gorrys dhe veth, Merodak yw dyegrys. Hy imajys yw gorrys dhe veth, hy idolyow yw digolonnek.

Hosea 10:2

Aga holonn yw fals; lemmyn i a berth an kessydhyans a'ga offens. Ev a wra dralya aga alteryow, ha distrui aga feulveyn.

Hosea 13:2

Lemmyn i a beghas hwath moy; i re wrug ragdha aga honan imajys teudh, delowyow gwrys a'ga arghans herwydh aga sleyghneth, i oll an ober a greftoryon. Leverir anedha, ‘Tus a wra sakrifis; i a amm dhe leughi!’

Hosea 14:3

Ny wra Assyria agan sawya; ny wren ni marghogeth war vergh. Ny leveryn arta “Agan duwow” dhe ober agan diwla, rag ynnos jy y kyv an omdhivas truedh.’

Mika 1:7

Oll hy imajys gravys a vydh terrys dhe demmyn, oll hy gobrow a vydh leskys dre dan, hag oll hy imajys a dhiswrav; rag hi a's kuntellas dhiworth gober hora, ha dhe wober hora y tehwelons.

Habakkuk 2:18

Py les eus dhe imaj gravys pan y'n gravyas y furvyer – imaj teudh ha dyskador gowyow? An furvyer a drest y wrians y honan, ow kul idolys avlavar!

Oberow 17:29

A-ban on ni askorr Duw, ny goedh dhyn tybi bos an Duwsys kepar hag owr po arghans po men, imaj gwrys dre sleyghneth ha dysmygyans denel.

Oberow 19:26

ha lemmyn, dell welowgh ha klewes, hag yn Efesus keffrys hag yn oll Asia ogasti, an Powl ma re dreylyas ha dynya routh veur, ow leverel a-dro dhe dhuwow gwrys gans diwla, nag yns duwow mann.