Hosea 7:16 - An Bibel Kernewek 20234 (Kernewek Kemmyn)

¹⁶ Treylya a wrons – a-der war-vann; avel gwarak lows yns i. Aga fennsevigyon a goedh der an kledha drefenn anvri aga thaves. Yndella tus a wra ges anedha yn gwlas Ejyp.

Hosea 7:16 ပူးပေါင်းရင်းမြစ်များ

Salmow 12:3

An Arloedh a dregh oll gweusyow fekyl, an taves hag a lever bostow bras,

Salmow 12:4

an re a lever, ‘Gans agan taves y tryghyn ni, agan gweusyow yw dhyn ni; piw yw arloedh warnan ni?’

Salmow 12:5

‘Drefenn an voghosogyon dhe vos ravnys, drefenn kynvann an edhommogyon, lemmyn my a sev’, yn-medh an Arloedh; ‘my a'n gorr y'n sawder a yeun ev.’

Salmow 17:10

I a vayl aga holonn gans blonek; gans aga ganow i a gews yn hwoethus.

Salmow 52:2

Dha daves a breder terroes, yth yw avel altenn lymm, ow kul falsuri.

Salmow 57:4

Yma ow enev yn mysk lewyon; ha my a wrowedh yn mysk tus ow flammya gans sorr; aga dyns yw guwow ha sethow, ha'ga thaves yw kledha lymm.

Salmow 73:9

I re settyas aga ganow erbynn an nevow, ha'ga thaves a gerdh der an nor.

Salmow 78:37

Rag nyns o aga holonn fast ganso, ha nyns ens i len yn y gevambos.

Salmow 78:57

Mes i a gildennas hag omdhegi yn fals avel aga thasow; i a dreylyas a-denewen avel gwarak lows.

Ysay 3:8

Rag Yerusalem re drebuchyas ha Yuda re goedhas, drefenn bos aga thaves ha'ga gwriansow erbynn an Arloedh, ow rebellya erbynn golok y wolewder.

Yeremia 18:18

Ena i a leveris, ‘Dewgh, ha tewlel towlow erbynn Yeremia; rag ny vydh kellys an lagha dhiworth an oferyas, na kusul dhiworth an re fur, na'n ger dhiworth an profoes. Dewgh ha'y weskel gans an taves, ha na woslowyn dhe nagonan a'y eryow.’

Yeremia 3:10

Mes yn spit dhe oll hemma, ny dreylyas hy hwoer draytus Yuda dhymm gans oll hy holonn, mes yn fayntys, yn-medh an Arloedh.

Yeremia 42:18

‘Rag yndellma y lever Arloedh an luyow, Duw Ysrael: Par dell veu diverys ow sorr hag ow honnar war annedhysi Yerusalem, yndellma ow honnar a vydh diverys warnowgh pan ewgh dhe Ejyp. Hwi a vydh molleth, hag euth, ha milliga ha keredh. Ny welowgh an tyller ma namoy.

Ezekiel 23:32

Yndellma y lever an Arloedh Duw: Ty a yv hanaf dha hwoer, down ha ledan; y fydh dhis rag hwarth ha ges: yma lies synsys ynno.

Ezekiel 36:20

Pan dheuthons dhe'n kenedhlow, py le pynag y teuthons, i a dhisakras ow hanow sans. Leverys veu anedha, ‘An re ma yw pobel an Arloedh, hwath i res eth a-dhiworth y dir.’

Daniel 7:25

Ev a lever geryow erbynn an Ughella ha tormentya syns an Ughella, ha gwaytyas chanjya an sesonyow ha'n lagha. Hag i a vydh res yn y dhorn bys termyn, ha termynyow, ha hanter termyn.

Hosea 11:5

Ny dhehwel dhe bow Ejyp, mes Assyria a vydh y vyghtern, rag i a skonyas a dhehweles dhymm.

Hosea 11:7

Ow fobel yw ervirys dhe dreylya ahanav vy. I a elow war-vann, mes ny wra ev aga ughelhe.

Hosea 6:4

Pandr'a wrav dhis Efraym? Pandr'a wrav dhis Yuda? Agas lelder yw avel kommol myttin, hag avel gluth a dremen a-varr.

Hosea 7:13

Go-i, rag i re fias ahanav vy! Terroes dhedha, rag i re rebellyas er ow fynn! My a's dasprenas hag i a wowleveris er ow fynn.

Hosea 9:3

Ny drigons yn tir an Arloedh; Efraym a dhehwel dhe Ejyp, ha dybri taklow avlan yn Assyria.

Hosea 9:4

Ny dhiverons offrynnow gwin dhe'n Arloedh, ha ny vydh aga sakrifisow plegadow dhodho. Y fydh dhedha avel bara kynvann, peub neb a'n deber a vydh avlan: aga bara yw ragdha aga honan; ny dheu yn chi an Arloedh.

Hosea 9:6

Awotta, galsons drefenn kollva, Ejyp a's kuntell, Memfis a wra aga ynkleudhyas. Hwynn a erit aga thresoryow a arghans, ha spern a vydh yn aga thyldow.

Malaki 3:13

Hwi re gewsis geryow hwerow er ow fynn, yn-medh an Arloedh. Hwath hwi a lever, ‘Fatell gewssyn er dha bynn?’

Malaki 3:14

Hwi a leveris, ‘Euver yw servya Duw. Pandr'a veu agan gwayn ow kwitha y jarj hag ow kerdhes a-derdro avel kynoryon a-rag Arloedh an luyow?

Matthew 12:36

Hag yn-medhav dhywgh, pub lavar dibreder a gews tus, i a attal akont anodho dydh breus,

Luk 8:13

An re war an veynek yw neb pan glewons a dhegemmer an ger gans lowena, ha nyns eus dhedha gwreydhenn; i a grys pols byghan, hag yn termyn temptasyon i a gildenn.

Jamys 3:5

Yndella an taves ynwedh yw esel byghan hag a vost taklow bras. Otta, ass yw byghan an tan, hag ass yw bras an koes a vydh leskys ganso!

2 Peder 2:8

(rag dydh wosa dydh an den gwiryon ma, trigys yn aga mysk, a dormentyas y enev gwiryon gans aga gwriansow dilagha a welas ha klewes):

Diskwedhyans 13:5

Ha ganow a veu res dhodho, ow leverel taklow meur ha blasfemiow; ha galloes a veu res dhodho dhe weytha dew vis ha dew-ugens.