Hosea 2:15 - An Bibel Kernewek 20234 (Kernewek Kemmyn)

¹⁵ My a re dhedhi hy gwinlannow alena, ha nans Akor avel daras govenek. Ena hi a worthyp kepar hag yn dydhyow hy yowynkneth, kepar hag y'n jydh may teuthons yn-bann yn-mes a bow Ejyp.

Hosea 2:15 ပူးပေါင်းရင်းမြစ်များ

1 Myghternedh 16:31

Ha par dell ve tra skav ragdho kerdhes yn peghosow Yeroboam mab Nebat, ev a gemmeras avel y wreg Yezebel myrgh Ethbaal myghtern an Sidonysi, hag ev eth ha servya Baal, ha'y wordhya.

Salmow 106:12

Ena i a gryssons dh'y eryow ev; i a ganas y wormola.

Salmow 129:1

‘Lieskweyth y grevsons dhymm dhiworth ow yowynkneth’, gwres Ysrael lemmyn leverel.

Ysay 65:10

Sharon a vydh peurva rag deves, ha nans Aghor powesva rag flokkys, rag ow fobel neb a'm hwila.

Ysay 65:21

I a dhrehav chiow, ha triga ynna; i a blans gwinlannow, ha dybri aga frut.

Yeremia 2:1

Ha ger an Arloedh a dheuth dhymm, ow leverel,

Yeremia 2:2

Ke ha kria yn skovornow Yerusalem, ow leverel, Yndellma y lever an Arloedh: My a berth kov ahanas, lelder dha yowynkneth, dha gerensa avel benyn bries nowydh, pan ythys war ow lergh y'n gwylvos, yn tir na veu gonedhys.

Yeremia 29:11

Rag my a woer an tybyansow a dybav ragowgh, yn-medh an Arloedh, tybyansow kres, a-der drogedh, dhe ri dhywgh diwedh gans govenek.

Yeremia 3:4

A ny wruss'ta kria warnav nammnygen, ‘Ow Thas, ty yw koweth ow yowynkneth –

Yeremia 32:15

Rag yndellma y lever Arloedh an luyow, Duw Ysrael: Chiow ha parkow ha gwinlannow a vydh prenys arta y'n tir ma.

Kynvannow 3:21

My a dhre hemma dhe'm kolonn – rakhenna yma dhymm govenek.

Ezekiel 16:22

Hag yn oll dha daklow kasadow ha'th fornikasyon ny berthsys kov a dhydhyow dha yowynkneth pan es noeth ha lomm, hag ow potya a-dro y'th woes.

Ezekiel 16:60

Mes my a berth kov a'm kevambos genes yn dydhyow dha yowynkneth, ha fastya genes kevambos a dhur bys vykken.

Ezekiel 16:8

Ena my a dremenas dresos ha mires, hag otta, drehedhys veus dhe'n oes a gerensa. Ytho my a lesas ow lostenn warnas ha kudha dha noethedh, ha my a dos ti dhis, hag entra yn kevambos genes, yn-medh an Arloedh Duw, ha ty a dheuth ha bos dhymm.

Ezekiel 28:25

Yndellma y lever an Arloedh Duw: Pan guntellav chi Ysrael dhiworth an poblow le mayth esens skattrys, my a vydh sanshes ynna yn golok an kenedhlow. Ena i a drig war aga thiredh aga honan, a res vy dhe'm gwas Yakob.

Ezekiel 28:26

I a drig ynno yn sawder, ha drehevel chiow, ha plansa gwinlannow; i a drig yn sawder pan wrav breusow war oll aga hentrevogyon a's dispres. Ena i a woer my dhe vos an Arloedh aga Duw.

Hosea 11:1

Pan veu Ysrael flogh my a'n karas, hag yn-mes a Ejyp my a elwis ow mab.

Hosea 12:13

Ha dre brofoes an Arloedh a dhros Ysrael mes a Ejyp, ha dre brofoes y feu gwithys saw.

Hosea 12:9

My re beu an Arloedh dha Dhuw a-ban veus yn pow Ejyp; my a'th wra arta dhe driga yn tyldow kepar hag yn dydhyow an kuntellyans.

Hosea 13:4

Mes my re beu an Arloedh dha Dhuw a-ban veus yn pow Ejyp; ny wodhvydhydh Duw vyth a-der my, ha nyns eus selwador a-der my.

Hosea 2:12

My a wra difeythya hy gwinbrennyer ha'y figbrennyer, may leveris anedha, ‘Ow pewas yns i, a rosons ow haroryon dhymm.’ My a's gwra goedhel, ha bestes an gwel a's deber.

Amos 9:14

Ha my a dreyl kethneth ow fobel Ysrael, hag i a dhastrehav an sitys dhibobel ha triga ynna; i a blans gwinlannow hag eva aga gwin, hag i a wra lowarthyow ha dybri aga frut.

Zekaria 9:12

Dehwelewgh dh'agas skons, prisnoryon govenek; hwath hedhyw my a dheriv y restoryav dewblek dhis.

Niverow 21:17

Ena Ysrael a ganas an gan ma: ‘Sav, a buth! Kenewgh dhodho!

Yowann 10:9

My yw an daras; piwpynag a dheffo a-ji dredhov vy, ev a vydh selwys, ha dos a-ji ha mos yn-mes a wra, ha kavoes peurva.

Oberow 14:27

Ha pan ens i devedhys i a guntellas war-barth an eglos ha derivas an taklow re wrussa Duw dredha, ha fatell igorsa daras a fydh dhe'n Jentilys.

Yoshua 7:26

ha drehevel a-ughto kals meyn usi ena bys y'n jydh ma. Ena an Arloedh a dreylyas dhiworth y sorr fers. Ytho hanow an tyller na re beu nans Aghor bys y'n jydh ma.

Breusysi 8:34

Ny berthi mebyon Ysrael kov a'n Arloedh aga Duw re's sawsa dhiworth leuv oll aga eskerens a bub tu,