Hosea 13:6 - An Bibel Kernewek 20234 (Kernewek Kemmyn)

⁶ Herwydh an peurwels yw dhedha y fons lenwys; lenwys vons, ha'ga holonn a veu goethus; rakhenna i a'm ankevis.

Hosea 13:6 ပူးပေါင်းရင်းမြစ်များ

Nehemia 9:35

Hwath yn aga gwlaskor aga honan, hag y'th tader bras a resys dhedha y'n tir efan ha feyth, ny'th servsons na ny dreylsons dhiworth aga drog weythresow.

Salmow 10:4

An tebelwas yn y valghder ny'n hwila; oll y dybyansow yw, ‘Nyns eus Duw.’

Lavarow Koth 30:9

poken lenwys vydhav hag y'th naghav hag y lavarav, ‘Piw yw an Arloedh?’ Po y fydhav boghosek ha ladra, ha disakra hanow ow Duw.

Ysay 17:10

Rag ty re ankovas Duw dha selwyans, ha ny berthsys kov a garrek dha nerth. Rakhenna kynth esos ow plansa plansvaow hweg ha graffya skyll astranj;

Yeremia 5:7

Fatell wrav vy gava hemma dhis? Dha fleghes re'm eskasas, ha ti re dhuwow nag yw duwow mann: My a's magas dhe walgh, i a wrug avoutri, hag omguntell yn routhow dhe jiow horys.

Ezekiel 23:35

Rakhenna yndellma y lever an Arloedh Duw: Rag ty dhe'm ankevi ha'm tewlel a-dryv dha geyn, porth siwyansow dha avlander ha'th fornikasyon.

Ezekiel 28:5

Gans dha furneth vras ha'th kenwerth ty re ynkressyas dha rychys ha'th kolonn re beu drehevys drefenn dha rychys.

Hosea 10:1

Ysrael yw gwinbrenn lies-skorrek, a dheg frut pals. Dhe voy y frut, dhe voy y kressyas an alteryow; dhe voy dader y dir, dhe voy y hwrussons peulveyn teg.

Hosea 12:8

Yn-medh Efraym, ‘Yn hwir rych ov vy, my re drovyas pythow; yn oll ow lavur ny gevons ynnov kammhynseth, yw pegh.’

Hosea 2:13

My a wra hy hessydhya rag dydhyow an Baalim, may leski offrynnow dhedha, hag omafina gans hy bysowyer ha'y gemmweyth, ha mos war-lergh hy haroryon, mes hi a'm ankovas, yn-medh an Arloedh.

Hosea 2:7

Hi a wra poenya war-lergh hy haroryon mes ny yll drehedhes dhedha; hi a's hwila, mes ny yll aga havoes. Ena hi a lever, ‘My a vynn mos, ha dehweles dhe'm kynsa gour; y feu gwell ragov ena es dell yw lemmyn.’

Hosea 4:6

Ow fobel yw kisys drefenn fowt a skians. Drefenn ty dhe nagha skians, my a wra dha nagha ma na vi oferyas ragov; drefenn ty dhe ankevi lagha dha Dhuw, my ynwedh a wra ankevi dha vebyon.

Hosea 4:7

Dhe voy i a gressyas dhe voy i a beghas er ow fynn; my a dreyl aga splannder dhe veth.

Hosea 5:14

My a vydh avel lew dhe Efraym, hag avel lew yowynk dhe ji Yuda. My, my a wra skwardya ha mones; my a wra kemmeres, ha nagonan ny dhelirv.

Hosea 7:14

Ny garmsons dhymm yn aga holonn, hag i ow kyni war aga gweli. I a omhakkyas rag greun ha gwin nowydh, ha kildenna a-dhiworthiv vy.

Hosea 8:14

Ysrael re ankovas y Wrier, ha re dhrehevis palesyow; ha Yuda re wrug lies sita gerys. Mes my a dhannvon tan yn y sitys a dhevor y gastylli.

Hosea 8:4

I re wrug myghternedh, mes nyns yns i ahanav; i re wrug pennternedh, heb godhvos dhymm. Gans aga arghans ha'ga owr y hwrussons imajys may fens kisys.

Dewteronomi 32:18

Ty a dhispresyas an Garrek a'th tineythis, hag ankevi Duw neb a'th tros dhe enesigeth.