Hosea 11:8 - An Bibel Kernewek 20234 (Kernewek Kemmyn)

⁸ Fatell y'th hepkorrav, Efraym? Fatell y'th taskorrav, Ysrael? Fatell y'th wrav avel Adma? Fatell y'th hworrav avel Seboim? Ow holonn re dreylyas a-ji dhymm, oll ow thruedh re dhewis.

Hosea 11:8 ပူးပေါင်းရင်းမြစ်များ

Jenesis 14:8

Ha myghtern Sodom eth yn-mes, ha myghtern Gomorra ha myghtern Adma ha myghtern Seboyim ha myghtern Bela (henn yw Soar), hag araya rag kas er aga fynn yn nans Siddim,

2 Samuel 24:16

Ha pan ystynnas an el y dhorn war Yerusalem dh'y distrui, an Arloedh a'n jevo edrek a'n drog, ha leverel dhe'n el, an distruer usi yn kres an bobel, ‘Henn yw lowr, hedh dha dhorn.’ Hag ena yth esa el an Arloedh ryb leur-drushya Arawna an Yebusyas.

1 Myghternedh 3:26

Mes an venyn, ha dhedhi an mab bew, a leveris dhe'n myghtern – drefenn piteth rag hy mab dhe leski ynni – ‘Mar pleg, ow arloedh, ro dhedhi an maw bew; yn tevri na'n ladh!’ Ha'y ben a leveris, ‘Ny vydh ev na dhymm na dhis; rann e.’

2 Myghternedh 13:23

Grassyes orta o an Arloedh, hag ev a'n jevo truedh warnedha. Ev a dreylyas trohag i drefenn y gevambos gans Abraham, Ysak ha Yakob, ha ny vynnas aga distrui; ha ny's tewlis dhiworth y lok bys y'n eur ma.

2 Kroniklys 36:15

An Arloedh, Duw aga thasow, a dhannvonas ger dre leuv y gannasow arta hag arta, drefenn ev dhe berthi tregeredh war-tu ha'y bobel ha war-tu ha'y drigva;

Salmow 106:45

Hag ev a borthas kov a'y gevambos a'ga govis i, hag edrek a'n jeva herwydh y dregeredh meur;

Ysay 16:11

Rakhenna ow holodhyon a hanas avel sowtri rag Moab, ha'm kolonn rag Kir-heres.

Ysay 63:15

Mir dhiworth nev, ha gwel dhiworth trigva ughel dha sansoleth ha'th glori. Ple'ma dha dhiwysykter ha'th krevder, amovyans dha golodhyon ha'th truedh? Skonys yns dhymm.

Yeremia 18:8

mar treyl an genedhel na, a gewsis er hy fynn, a-dhiworth hy drogedh, my a gyv edrek a'n drogedh a vynnis y wul dhedhi.

Yeremia 3:12

Ke ha deklar an geryow ma dhe'n gogledh, ha leverel, Dehwel ty Ysrael dhislel, yn-medh an Arloedh; ny wrav ow sorr dhe goedha warnas: rag tregeredhus ov, yn-medh an Arloedh, ha ny withav sorr bys vykken.

Yeremia 31:20

Yw Efraym ow mab ker? Yw ev flogh may ma delit dhymm ynno? Rag a-ban gewsis er y bynn my a berth kov anodho hwath. Ytho ow holodhyon a veu movys ragdho; yn sur y kemmerav truedh anodho, yn-medh an Arloedh.

Yeremia 42:10

Mar trigowgh y'n tir ma, ena my a'gas drehav, a-der agas tenna dhe'n leur; my a'gas plans ha ny'gas diwreydhyav; rag edrek a'm beus a'n anfeusi a wrug dhywgh.

Yeremia 9:6

Hys-ha-hys toell war doell, i a nagh ow aswonn, yn-medh an Arloedh.

Yeremia 9:7

Yndella ytho y lever Arloedh an luyow: Otta, my a's purha ha'ga frevi; rag fatell allav gul ken drefenn myrgh ow fobel?

Kynvannow 1:20

Mir, A Arloedh, ha grevys ov vy; ow holodhyon yw troblys, ow holonn yw treylys ynnov, rag diwostydh dres eghenn re beuv. A-ves, an kledha a ladh an fleghes, a-ji nyns eus saw mernans.

Kynvannow 3:32

Kyn hwra grev, byttegyns ev a gemmer truedh herwydh braster y dregeredh;

Kynvannow 3:33

rag ny vynn a'y golonn plagya na grevya mab-den.

Ezekiel 33:11

Lavar dhedha, Dell vewav, yn-medh an Arloedh Duw, nyns eus dhymm plesour yn mernans an tebelwas, mes may treyllyo tebelwas dhiworth y fordh ha bewa. Treylyewgh! Treylyewgh dhiworth agas drog fordhow; prag y ferwowgh, chi Ysrael?

Ezekiel 6:9

An re ahanowgh a skap a wra ow kovhe y'n kenedhlow mayth yns i degys yn kethneth, fatell ov vy terrys gans aga holonn avoutrek a dreylyas a-dhiworthiv, ha gans aga dewlagas ow horya war-lergh aga idolys. Kasa aga honan a wrons dre reson an drogow a wrussons rag oll aga thaklow kasadow.

Hosea 6:4

Pandr'a wrav dhis Efraym? Pandr'a wrav dhis Yuda? Agas lelder yw avel kommol myttin, hag avel gluth a dremen a-varr.

Hosea 7:1

Peskweyth may fynnav sawya Ysrael, ena kammhynseth Efraym yw diskudhys, ha droktra Samaria. I a wra gil, lader a dheu, para a raven y'n stret.

Amos 4:11

My a dhomhwelis rann ahanowgh, dell wrug Duw domhwel Sodom ha Gomorra. Kepar hag yttew y fewgh, tennys mes a'n tan, byttegyns ny dhehwelsowgh dhymm, yn-medh an Arloedh.

Amos 7:3

An Arloedh a gemmeras edrek a hemma: ‘Ny hwyrvydh’, yn-medh an Arloedh.

Amos 7:6

An Arloedh a gemmeras edrek a hemma: ‘Ny hwyrvydh hemma na hwath’, yn-medh an Arloedh Duw.

Mika 5:3

Rakhenna ev a vynn aga forsakya, bys pan wra an venyn yn lavur dineythi; ena remenant y vreder a dhehwel dhe vebyon Ysrael.

Sefania 2:9

Rakhenna ren ow bewnans, yn-medh Arloedh an luyow, Duw Ysrael, y fydh Moab kepar ha Sodom yn surredi, ha an Ammonysi kepar ha Gomorra, hwennek ha poll hoelan ha difeyth a bes vynitha: remenant ow fobel a's pyll, ha'n re gesys a'm kenedhel a erit aga thir.

Matthew 23:37

‘Yerusalem, Yerusalem neb a ladh an brofoesi ha labydha an re yw dannvenys dhis! Peskweyth y yeunis vy kuntell dha fleghes war-barth, kepar dell guntell yar hy yerigow yn-dann hy eskelli, mes hwi ny vynnsowgh.

Dewteronomi 29:22

Ena an diwettha henedh a'gas mebyon neb a sev war agas lergh, ha'n estren a dheu dhiworth pow pell, a wel plagys an tir na ha'n disesys a wrug an Arloedh aga dri warnodho.

Dewteronomi 29:23

Oll hy thir a vydh loskven ha hoelan, ynyal leskys; ny vydh has hesys, ha ny skyll travyth, ha ny dyv gwels vytholl ynno. Y fydh avel domhwelyans Sodom ha Gomorra, Adma ha Seboyim, a wrug an Arloedh aga domhwel yn y sorr hag yn y gonnar.

Dewteronomi 32:36

Rag an Arloedh a vreus y bobel, ha kemmeres pita a'y servysi, pan wel aga nerth dhe vos gyllys, ha nag eus nagonan gesys, keth na rydh.

2 Peder 2:6

ha mar tampnyas sitys Sodom ha Gomorra dhe dhiswrians, orth aga leski dhe lusu yn ensampel dhe dus a vynno bewa ongrassyes;

Lyther Yud 1:7

kepar ha Sodom ha Gomorra ha'n sitys yn aga hyrghynn, a veu omres dhe'n keth dijastita hag ow mos war-lergh kig astranj, settys rag bysna yn aga hessydhyans gans tan heb diwedh.

Diskwedhyans 11:8

Ha'ga horfow a wra growedha yn plen an sita vras yw gelwys yn spyrysel Sodom hag Ejyp, may feu aga Arloedh krowsys ynwedh.

Diskwedhyans 18:18

hag a armas pan welsons mog hy leski, ow leverel, ‘Py sita yw kepar ha'n sita vras?’

Breusysi 10:16

Yndella i a bellhas an duwow estren yn-mes anedha hag a servyas an Arloedh; ha ny allas ev perthi poenvos Ysrael na fella.