Haggay 1:6 - An Bibel Kernewek 20234 (Kernewek Kemmyn)

⁶ Hwi a hasas kemmys, ha doen boghes tre; hwi a dheber mes nyns eus lowr dhywgh; hwi a yv mes ny omvedhwowgh; hwi a omwisk mes nyns yw denvyth toemm; ha'n re neb a dhendil gober a dhendil gober yn yalgh gans tell.

Haggay 1:6 ပူးပေါင်းရင်းမြစ်များ

2 Samuel 21:1

Lemmyn yth esa divoetter yn dydhyow Davydh teyr blydhen, blydhen wosa blydhen; ytho Davydh a hwilas fas an Arloedh. Ha'n Arloedh a worthybis, ‘Yth yw drefenn Sowl, ha'y ji goesek, rag ev dhe worra an Gibeonysi dhe'n mernans.’

1 Myghternedh 17:12

Mes hi a leveris, ‘Dell vew an Arloedh dha Dhuw, ny'm beus torth, marnas dornas a vleus yn seth ha nebes oyl yn podik; my a guntell y'n eur ma nebes keunys mayth ylliv dhe dre ha'ga fareusi ragov ow honan ha rag ow mab, may typpryn anodho, ha merwel.’

Nehemia 5:2

Yth esa re a leveri, ‘Ni ha'gan mebyon ha'gan myrghes yw lies: kevyn ni ys ragdha, may typpryn ha bewa.’

Job 20:22

Yn leunder y balster ev a vydh stroethys; oll an nerth a anfeus a dheu warnodho.

Job 20:28

Kowas a-has a skub y ji dhe-ves, dowrow ow frosa yn dydh y sorr.

Salmow 107:34

Ev a wra dhe dir leun a frut bos difeythtir, drefenn sherewneth an re usi trigys ynno.

Lavarow Koth 11:24

Unn den a re heb lett, ha devedhys yw hwath moy rych, onan arall a skon a ri hag a berth esow.

Ysay 5:10

Ytho gwinlann a dheg erow a wra unn bath, ha'n homer a has a wra efa.

Yeremia 12:13

I re hasas gwaneth, ha mysi spern: skwithys yns, mes ny wrons kavoes prow. I a gemmer meth a'ga threvasow drefenn sorr fers an Arloedh.

Yeremia 14:4

Drefenn bos krin an gweres rag nyns esa glaw war an dor, methek o an diogyon, i a gudhas aga fenn.

Yeremia 44:18

Mes a-ban hedhsyn leski offrynnow dhe vyghternes nev, ha dinewi offrynnow diwes dhedhi, ny'gan bo pup-tra ha ni re beu diswrys gans an kledha ha gans an divoetter.’

Hosea 4:10

I a wra dybri ha ny vons lenwys; i a dheu ha bos horys ha ny ynkressyons, rag i dhe asa obaya dhe'n Arloedh.

Hosea 8:7

I re hasas an gwyns, ha mysi an korwyns. Garrow an ys ny's teves penn; ny wra bleus. Mar kwrello greun, ena estrenyon a wra y lenki.

Levitikus 26:20

Agas nerth a vydh spenys yn euver rag ny re agas tir y drevas, na ny re gwydh an tir aga frut.

Levitikus 26:26

Ha pan wrylliv vy terri gwelenn agas bara, deg benyn a wra pobas agas bara yn unn forn, hag i a dhaskorr dhywgh agas bara orth poes, ha hwi a'n deber ha ny vydh lowr ragowgh.

Haggay 1:10

Rakhenna an nev a-ughowgh a skon an gluth, ha'n dor y drevas.

Haggay 1:5

Lemmyn ytho yndellma y lever Arloedh an luyow: Prederewgh a'gas fordhow.

Haggay 1:7

Yndellma y lever Arloedh an luyow: Prederewgh a'gas fordhow.

Haggay 1:9

Hwi a hwilas kemmys, hag otta, boghes; ha pan y'n dresowgh tre my a'n hwythas dhe-ves. Prag? yn-medh Arloedh an luyow. Rag ow chi yw magor, ha hwi a boen, peub dh'y ji y honan.

Haggay 2:16

fatell o ragowgh? Pan dhes dhe gals greun rag ugens musur nyns esa saw deg: pan dhes dhe'n winwask rag tenna hanter-kans musur nyns esa saw ugens.

Haggay 2:17

My a weskis warnowgh, ha war wriansow oll agas diwleuv, gans kleves losk ha kleves melynheans y'n ys ha keser, mes ny dreylsowgh dhymm, yn-medh an Arloedh.

Zekaria 5:4

My a wra hy dannvon yn-mes, yn-medh Arloedh an luyow, ha hi a enter chi an lader ha chi an den a wowli re'm hanow. Hi a drig yn kres y ji ha'y dhistrui, gans y blenkynnow ha'y veyn.’

Zekaria 8:10

Rag kyns an dydhyow na ny veu arveth rag den, ha ny veu arveth rag best. Ny veu kres rag an den ow mos yn-mes hag ow tos a-ji, drefenn an eskar, rag my a settyas pub den oll an eyl erbynn y gentrevek.

Malaki 2:2

Mar ny woslewowgh, ha mar ny worrowgh agas kolonn dhe ri glori dhe'm hanow, yn-medh Arloedh an luyow, my a dhannvon molleth warnowgh hwi, ha my a volleth agas bennathow. Yn hwir, my a's mollethis seulabrys, rag na'n gorrsowgh yn agas kolonn.

Dewteronomi 28:17

Mollothek vydh dha ganstell ha'th new-toesa.