Habakkuk 3:6 - An Bibel Kernewek 20234 (Kernewek Kemmyn)

⁶ Ev re sevis ha musura an norvys, ev re welas an kenedhlow, ha gul dhedha lemmel; brewys veu an menydhyow heb diwedh, omblegya a wrug an breow a bes vynitha: dhodho yw an fordhow a bes vynitha.

Habakkuk 3:6 ပူးပေါင်းရင်းမြစ်များ

Jenesis 49:26

Bennathow dha das yw kreffa es bennathow an menydhyow heb diwedh, es bennathow an breow heb diwedh; re bons war benn Yosep, ha war grogen an pryns yn mysk y vreder.

Job 21:18

Peskweyth yth yns kepar ha kala' a-rag an gwyns, ha kepar ha kulyn degys dhe-ves gans an tewedh?

Job 9:5

Ev a remov menydhyow, ha ny'n godhons, ha'ga domhwel yn y sorr.

Salmow 103:17

Mes tregeredh an Arloedh re beu bythkweth hag a vydh bys vykken war an re a berth own anodho, ha'y ewnder dhe fleghes aga fleghes;

Salmow 104:32

Ev a vir orth an nor ha'n nor a gren, ev a doch an menydhyow hag i a veg.

Salmow 35:5

Bedhens i avel kulyn a-dherag an gwyns, hag el an Arloedh orth aga herdhya.

Salmow 68:16

Prag y lemmowgh, hwi venydhyow ughel? Hemm yw an menydh may fynn Duw triga ynno; yn tevri, an Arloedh a drig ynno bynitha.

Salmow 90:2

Kyns an menydhyow dhe vos dineythys, po kyns ty dhe formya an tir ha'n norvys, trank heb worfenn ha bys vykken, ty yw Duw.

Salmow 97:5

An menydhyow a deudhis avel koer a-dherag an Arloedh, a-dherag Arloedh oll an nor.

Eksodus 15:14

An poblow re glewas; i a gren; gloesow re dhalghennas trigoryon Filistia.

Eksodus 15:15

Lemmyn pennternedh Edom yw dyegrys; ledyoryon Moab yw dalghennys yn kren; oll annedhysi Kanan re deudhis dhe-ves;

Eksodus 15:17

Ty a wra aga dri a-ji, ha'ga flansa war venydh dha ertach, an tyller, A Arloedh, re wrussys rag dha drigva, an sentri, A Arloedh, re fastyas dha dhiwleuv.

Eksodus 19:18

Ha menydh Sinay a veu maylys yn mog, drefenn an Arloedh dhe dhiyskynna warnodho yn tan; ha'n mog anodho a yskynnas avel mog an fornes, ha'n menydh oll a grenas yn feur.

Eksodus 21:31

Mar kwra kornya maw po mowes, y fydh dyghtys herwydh an keth rewl ma.

Ysay 51:6

Drehevewgh agas dewlagas war-vann dhe'n nevow ha mirewgh orth an nor a-woeles; rag an nevow a deudh dhe-ves avel mog, an nor a vydh usys avel kweth, ha'n re usi trigys warnodho a verow avel gwibes; mes ow selwyans a vydh bys vykken, ha ny vydh diwedh dhe'm ewnder.

Ysay 51:8

Rag an goedhan a wra aga dybri avel kweth, ha'n pryv a wra aga dybri avel gwlan; mes ow ewnder a vydh heb diwedh, ha'm selwyans a unn henedh dhe'n nessa.

Mika 5:8

Ha remenant Yakob yn mysk an kenedhlow yn mysk lies pobel, a vydh avel lew yowynk yn mysk bestes an goeswik, avel lewik yn mysk greow deves; pan boen ev dresta, ev a wra stankya ha skwardya, ha nyns eus denvyth dhe dhelivra.

Nahum 1:5

An menydhyow a dhegren a-ragdho, ha'n bronnow a deudh: an dor yw difeythys a-ragdho, an norvys ha myns eus trigys ynno.

Habakkuk 1:12

A ny veus a'n dalleth, A Arloedh, ow Duw sans? Ny verwyn. A Arloedh, ty re's ordenas rag breus; A Garrek, ty re's fondyas rag keredh.

Habakkuk 3:10

An menydhyow a'th welas hag i a grenas; liv a dhowrow a dremenas; an islonk a dhellos y lev ha drehevel y dhiwleuv yn-bann.

Matthew 24:35

Nev ha nor a dremen dhe-ves, mes ow geryow vy, ny dremenons dhe-ves.

Luk 1:50

hag yma y dregeredh a unn henedh dhe'n nessa dhe'n re a berth own anodho.

Oberow 17:26

hag ev a wrug a unn den pub kenedhel a dus mayth annetthens enep kowal an nor, hag ev a apoyntyas aga oesow destnys hag oryon aga annedhow,

Dewteronomi 32:8

Pan ros an Ughella aga eretons dhe'n kenedhlow, pan rannas mebyon den, ev a settyas oryon poblow war-lergh niver mebyon Ysrael.

Dewteronomi 33:15

gans gwella askorr an menydhyow koth, ha gans gwella rohow an breow heb diwedh;

Ebrowyon 13:8

Yesu Krist yw an keth de ha hedhyw ha bys vykken.

Yoshua 10:42

Yoshua a gemmeras oll an vyghternedh ma ha'ga thir yn unn kaskyrgh, drefenn an Arloedh, Duw Ysrael, dhe omladh rag Ysrael.

Breusysi 5:5

An menydhyow a grysyas a-rag an Arloedh, an Sinay ma, a-rag an Arloedh, Duw Ysrael.