Habakkuk 3:18 - An Bibel Kernewek 20234 (Kernewek Kemmyn)

¹⁸ hwath my a lowenha y'n Arloedh, ha my a vydh heudhik yn Duw ow selwyans.

Habakkuk 3:18 ပူးပေါင်းရင်းမြစ်များ

2 Samuel 6:15

Ytho Davydh hag oll chi Ysrael a dhros yn-bann argh an Arloedh gans garmow, ha gans son an hirgorn.

Job 13:15

Kyn hwra ev ow ladha; yma govenek dhymm; byttegyns my a dhefend ow fordhow a-rag y fas.

Salmow 104:34

Bedhes ow freder plegadow dhodho, my a lowenha y'n Arloedh.

Salmow 149:2

Gwres Ysrael lowenhe yn y Wrier; bedhes mebyon Sion heudhik yn aga Myghtern.

Salmow 25:5

Hembronk vy y'th wirder, ha dysk dhymmo vy, rag ty yw Duw ow selwyans; ynnos jy y trestyav oll an jydh.

Salmow 27:1

An Arloedh yw ow golow ha'm selwyans; piw anodho y porthav own? An Arloedh yw kastell ow bewnans; piw anodho y fydhav ownek?

Salmow 33:1

Lowenhewgh y'n Arloedh, hwi an re wiryon. Gormola yw gwiw dhe'n re ewnhynsek.

Salmow 85:6

A ny dreylydh ha'gan bewhe ni arta, rag may lowenhaho dha bobel ynnos?

Salmow 97:12

Lowenhewgh y'n Arloedh, hwi an re wiryon, ha grassewgh dhodho ow kovhe y sansoleth.

Eksodus 15:1

Ena Moyses ha mebyon Ysrael a ganas an gan ma dhe'n Arloedh, ow leverel, ‘Kana a wrav dhe'n Arloedh, rag ev re dryghis yn splann; an margh ha'y varghek ev re dewlis y'n mor.

Eksodus 15:2

An Arloedh yw ow nerth ha'm kan, hag ev res eth ha bos ow selwyans; hemm yw ow Duw ha'y wordhya a wrav, Duw ow thas, ha my a'n ughelha.

Ysay 12:2

Otta, Duw yw ow selwyans; my a fydh, ha ny borthav own, rag an Arloedh Duw yw ow nerth ha'm kan, hag ev yw ow selwyans.

Ysay 25:9

Y'n jydh na y fydh leverys, Otta, hemm yw agan Duw; ni a'n gortas, hag ev a'gan sawyas. Hemm yw an Arloedh ha ni re'n gortas; bedhen ni lowen ha fest heudhik yn y selwyans.

Ysay 41:16

Ty a wra aga noetha, ha'n gwyns a's deg dhe-ves, ha'n korwyns a wra aga skattra. Mes ty a lowenha y'n Arloedh, ha bostya y'n Sans a Ysrael.

Ysay 61:10

My a lowenha yn feur y'n Arloedh, ow enev a vydh heudhik y'm Duw, drefenn ev dhe'm kwetha gans dillas a selwyans ha'm kudha yn goen ewnder, kepar dell wra gour pries a omwisk yn tulyfant oferyas, ha kepar dell wra benyn bries hy omafina gans hy gemmweyth.

Yoel 2:23

Ytho bedhewgh heudhik, hwi vebyon Sion, ha lowenhewgh y'n Arloedh agas Duw: rag ev re ros dhywgh an glaw a-varr rag ewnder, hag ev re dhros glaw yn-nans ragowgh: glaw a-varr ha glaw diwedhes kepar hag y'n dalleth.

Mika 7:7

Byttegyns, my a vynn mires dhe'n Arloedh, my a worta Duw ow selwyans; ow Duw a'm klewvydh.

Zekaria 10:7

Efraym a vydh avel kasor galloesek, ha'ga holonn a vydh heudh avel gans gwin. Aga fleghes a'n gwel hag a vydh heudh; aga holonn a vydh lowen y'n Arloedh.

Luk 2:30

rag ow dewlagas re welas dha selwyans,

Dewteronomi 12:18

Ty a'n deber a-rag an Arloedh dha Dhuw, y'n tyller a wra an Arloedh dha Dhuw y dhewis, ty ha'th vab ha'th vyrgh, ha'th was ha'th vaghteth, ha'n Levyas usi a-berth y'th yetys; ha hwi a lowenha a-rag an Arloedh dha Dhuw yn pup-tra may hworrydh dha leuv warnodho.

Filippianys 4:4

Lowenhewgh pup-prys y'n Arloedh; arta y lavarav, lowenhewgh.

Jamys 1:2

Tybewgh pup-tra dhe vos lowena, ow breder, pan goedhowgh yn provow divers,

1 Peder 1:8

neb a gerowgh heb y weles, ha heb y weles hwath mes ow krysi ynno, hwi a lowenha ynno gans joy dres lavar ha gloryus,

1 Samuel 2:1

Ena Hanna a bysis ha leverel, ‘Ow holonn a lowenha y'n Arloedh; ow horn yw ughelhes y'n Arloedh. Ow ganow yw moghhes dres ow eskerens, drefenn my dhe lowenhe y'th selwyans.