Habakkuk 3:16 - An Bibel Kernewek 20234 (Kernewek Kemmyn)

¹⁶ My a woslowas ha'm torr a grenas; orth an son ow diwweus a dremblas, podredhes a dheu y'm eskern ha'm diwarr a dhegren yn-dannov. Yn kosel my a worta dydh an ahwer dhe dhos war bobel a omsett er agan pynn.

Habakkuk 3:16 ပူးပေါင်းရင်းမြစ်များ

Job 30:17

Y'n nos ow eskern yw gwenys a-ji dhymm, ha ny bowes an payn a'm kni.

Job 30:30

Ow kroghen a dhuha warnav, ha'm eskern a lesk gans fevyr.

Salmow 119:120

Ow hig a gren rag own ahanas, ha my a berth own a'th vreusow.

Salmow 91:15

Ev a elow warnav ha my a worthyp dhodho; yth esov ganso yn anken, my a'n delirv ha'y enora.

Lavarow Koth 12:4

Gwreg a vertu yw kurun hy gour, mes neb a dhre mewl yw avel podredhes yn y eskern.

Lavarow Koth 14:30

Kolonn gosel a re bewnans dhe'n kig, mes avi a wra dhe'n eskern pedri.

Ysay 21:3

Rakhenna ow diwglun yw leun a grena, gloesow a'm kemmeras kepar ha gloesow dineythi; troblys ov ma na allav klewes, ha dyegrys ov ma na allav gweles.

Yeremia 23:9

A-dro dhe'n brofoesi: Ow holonn ynnov yw terrys, ow eskern oll a gren; avel gour medhow ov, hag avel gour fethys gans gwin, drefenn an Arloedh, ha drefenn geryow y sansoleth.

Yeremia 30:7

Eghan! rag meur yw an jydh na, ma nag eus onan haval dhodho: termyn ahwer yw rag Yakob; mes ev a vydh sawys anodho.

Yeremia 4:19

Ow holodhyon, ow holodhyon! my a omwen yn payn, fosow ow holonn a lamm; ow holonn a wra tros ynnov; ny allav tewel; rag my re glewas son an hirgorn, ow enev re glewas an tros a vresel.

Yeremia 5:15

Otta, my a dhre warnowgh kenedhel a bellder, A ji Ysrael, yn-medh an Arloedh: kenedhel yw neb a dhur, kenedhel goth, kenedhel anedhi na wodhes hy yeth, na konvedhes an pyth a leverons.

Kynvannow 1:13

A-wartha ev a dhannvonas tan; hag yth eth bys y'm eskern yn town; ev a lesas roes rag ow threys, ha'm treylya war-dhelergh; re'm gasas dyegrys, klamderys oll an jydh.

Kynvannow 1:20

Mir, A Arloedh, ha grevys ov vy; ow holodhyon yw troblys, ow holonn yw treylys ynnov, rag diwostydh dres eghenn re beuv. A-ves, an kledha a ladh an fleghes, a-ji nyns eus saw mernans.

Ezekiel 3:14

Ena an spyrys a'm drehevis hag a'm kemmeras, ha gyllys veuv yn hwerowder, yn sorr ow spyrys, ha leuv an Arloedh o krev warnav.

Daniel 10:8

Ytho y feuv gesys ow honan, ow kweles fisment a veu treylys warnav dhe dhiswrians, ha ny'm bo nerth namoy.

Daniel 10:9

Ena my a glewas y lev ow kewsel; ha kettell glewis son y eryow, y koedhis yn transyek war ow fas, ha'm fas orth an dor.

Daniel 8:27

Ha my, Daniel, a glamderas, hag o klav dre nebes dydhyow; ena my a sevis ha gul negys an myghtern. Mes skruth a'm kemmeras drefenn an welesigeth, o dres konvedhes.

Habakkuk 3:2

A Arloedh, my re glewas derivas ahanas, my re borthas own, A Arloedh, a'th ober; yn mysk an blydhynyow gas ev dhe dhasvewa, yn mysk an blydhynyow gas ev dhe vos godhvedhys; yn sorr porth kov a druedh.

Luk 21:19

Der agas perthyans hwi a wayn agas enev.