Habakkuk 2:8 - An Bibel Kernewek 20234 (Kernewek Kemmyn)

⁸ Rag ty dhe bylla lies kenedhel, an remenant oll a'n kenedhlow a'th pyll; drefenn goes mab-den, ha garowder erbynn tiryow, erbynn sitys, hag oll an dus usi trigys ynni.

Habakkuk 2:8 ပူးပေါင်းရင်းမြစ်များ

Salmow 137:8

A Vyrgh Babylon, re bi ty ynwedh distruys, gwynn y vys neb a attal dhis kepar dell wrussys dhyn ni.

Lavarow Koth 22:23

Rag an Arloedh a bled aga hen, ha pylla bewnans aga fylloryon.

Ysay 33:1

Go-jy, ty dhistruer, mes ny veus distruys; ty a draytas, mes nagonan ny wrug dha drayta. Pan astelydh distrui, ty a vydh distruys; pan astelydh trayta, i a wra dha drayta.

Ysay 33:4

Preydh a vydh kuntellys kepar dell ve gans an lokust; avel hes a lokustes i a lamm warnodho.

Ysay 47:6

My a sorras orth ow fobel, my a dhisakras ow ertach; my a's ros y'th tiwdhorn, ny dhiskwedhsys truedh dhedha; war an re goth y hwrussys dha yew fest poes.

Yeremia 27:7

An kenedhlow oll a'n serv, ha'y vab, ha mab y vab, bys pan dheu termyn y dir y honan; ena lies kenedhel ha myghternedh veur a wra y gethhe.

Yeremia 30:16

Ytho oll an re a'th tevor a vydh devorys, ha'th eskerens, peub anedha a wra mos yn divroedh; an re a'th pyll a vydh pyllys, hag oll an re a breydh warnas my a wra preydh.

Yeremia 50:14

Omsettyewgh yn aray erbynn Babylon oll a-dro; hwi oll neb a bleg an warak, tennewgh orti, na sparyewgh sethow, rag hi re beghas erbynn an Arloedh.

Yeremia 50:28

Klewir son an re a fi, hag a skap yn-mes a bow Babylon, dhe dheklarya yn Sion dial an Arloedh agan Duw, dial rag y dempel.

Yeremia 50:37

Kledha erbynn hy mergh ha'y charettow, hag erbynn oll an soudoryon estren yn hy mysk, mayth ellons ha bos avel benynes! Kledha erbynn oll hy thresoryow, may fons pyllys!

Yeremia 51:13

Ty neb usi trigys ryb dowrow meur, gans palster a dresoryow, dha dhiwedh yw devedhys, musur dha vewnans yw treghys.

Yeremia 51:24

My a attal dhe Babylon ha dhe oll annedhysi Kaldea rag oll an drog re wrussons yn Sion yn agas golok, yn-medh an Arloedh.

Yeremia 51:44

My a gessydh Bel yn Babylon, ha kemmeres a'y anow an pyth re lonkas. Ny wra an kenedhlow frosa dhodho na fella; ynwedh fos Babylon re goedhas.

Yeremia 51:48

Ena an nevow ha'n nor ha peub eus ynna, a arm rag lowender war Babylon; rag an dhistruoryon a dheu er aga fynn yn-mes a'n gogledh, yn-medh an Arloedh.

Yeremia 51:8

Distowgh Babylon yw koedhys ha brewys; kynewgh rygdhi! Kemmerewgh balsam rag hy goli; may fo martesen yaghhes.

Ezekiel 28:16

Yn lanwes dha genwerth i a lenwis an kres ahanas gans garowder, ha ty a beghas. Ytho my a'th tewlis avel tra ansans dhiworth menydh Duw, ha'n cherub esa ow kwitha a'th chasyas yn-mes dhiworth kres an meyn a dan.

Ezekiel 39:10

Ny guntellons prenn dhiworth an gwel, na'y dreghi dhiworth an koeswigow, rag i a wra tan gans an arvow; i a gemmer preydh dhiworth an re a gemmeras preydh dhiworta i, hag i a byll an re a's pyllas i, yn-medh an Arloedh Duw.

Amos 3:10

Ny wodhons fara ewn, yn-medh an Arloedh, an re a guntell yn aga falesyow preydh aga garowder ha ladrans.

Obadia 1:15

Rag ogas yw dydh an Arloedh rag oll an kenedhlow. Kepar dell wrussys, yndellma y fydh gwrys dhiso jy; dha attal a dheu war dha benn dha honan.

Habakkuk 2:10

Ty re dhros meth dhe'th chi ow tistrui lies pobel, hag ow pegha erbynn dha enev dha honan.

Habakkuk 2:17

Rag garowder erbynn Lebanon a'th kudh, ha ladhva an bestes a'th ownekha, drefenn goes mab-den, ha garowder erbynn tiryow, erbynn sitys, ha myns eus trigys ynna.

Zekaria 1:15

mes sorr bras a'm beus orth an kenedhlow yw attes. My a sorras nebes orta, mes i a weresas an galar.

Zekaria 14:12

Hemma a vydh an plag a wra an Arloedh y dhannvon dhe weskel oll an poblow re vatalyas orth Yerusalem; aga hig a beder hag i ow sevel war aga threys aga dewlagas a beder yn aga krawyow; ha'ga thaves a beder yn aga ganow.

Diskwedhyans 6:10

Hag i a armas, ughel aga lev, ow leverel, ‘Pygemmys prys, A Arloedh sans ha gwir, na vreusydh na diella agan goes war an re a drig war an norvys?’