Habakkuk 2:15 - An Bibel Kernewek 20234 (Kernewek Kemmyn)

¹⁵ Go-ev neb a re dh'y gentrevek bolla dha wenon dhe eva, ha'y vedhwi ynwedh rag mires orth aga noethedh.

Habakkuk 2:15 ပူးပေါင်းရင်းမြစ်များ

Jenesis 9:22

Ha Ham, tas Kanan, a welas noethedh y das ha'y dherivas dh'y dhew vroder esa yn-mes.

2 Samuel 11:13

Ena Davydh a'n gelwis dhe dhybri hag eva dheragdho, hag ev a'n gwrug medhow; ha gorthugherweyth ev eth yn-mes dhe wrowedha war y weli gans gwesyon y arloedh, mes ny wrug ev mones yn-nans dh'y ji.

Eksodus 32:25

Ha pan welas Moyses bos an bobel gyllys anfronnys (rag Aron re's gasas dhe vos direwl, dh'aga meth yn mysk aga eskerens),

Ysay 28:7

An re ma ynwedh a drebuch dre win, ha sowdhanas dre gorev; oferyas ha profoes a drebuch dre gorev, ha sowdhanas dre win, i a sowdhan dre gorev; i a drebuch yn gwelesigeth, ha gwandra yn ervirans.

Ysay 28:8

Rag oll moesow yw leun a hwyj ha kawgh; nyns eus tyller vyth glan.

Ysay 5:22

Go-i neb yw galloesek dhe eva gwin, ha kampyoryon dhe gemmyska korev,

Yeremia 25:15

Rag yndellma y lever an Arloedh, Duw Ysrael dhymm: Kemmer hanaf gwin an sorr ma a'm leuv, ha gwra dhe bub kenedhel, ma'th tannvonav, y eva.

Yeremia 51:7

Babylon o hanaf owr yn leuv an Arloedh, ow kul medhow oll an nor; an kenedhlow a evas a'y gwin; rakhenna an kenedhlow eth yn fuskok.

Hosea 7:5

Yn dy'goel agan myghtern an bennternedh a veu klav gans toemmder an gwin; ev a ystynnas y dhiwla gans an re a wra ges.

Habakkuk 2:14

Rag lenwys vydh an nor gans godhvos golewder an Arloedh, dell worher an dowrow an mor.

Habakkuk 2:16

Lenwys os gans meth yn le golewder: yv ty ynwedh ha diskwa dha gudhgenn. An hanaf yn leuv dhyghow an Arloedh a dheu dhis ha disenor a vydh war dha wolewder.

Diskwedhyans 17:2

ha gensi myghternedh an norvys re wrug fornikasyon, ha trigoryon an nor re omvedhwis dre win hy fornikasyon.’

Diskwedhyans 17:6

Ha my a welas an venyn, medhow der woes an syns ha dre woes mertheryon Yesu. Ha marth meur dres eghenn a veu genev pan y's gwelis.

Diskwedhyans 18:3

Rag pub kenedhel re evas a'n gwin a ewl hy fornikasyon ha myghternedh an norvys re wrug fornikasyon gensi, ha gwikoryon an norvys yw devedhys ha bos rych dre alloes hy fythow dres musur.’