Habakkuk 1:15 - An Bibel Kernewek 20234 (Kernewek Kemmyn)

¹⁵ Ev a gemmer peub anedha war-vann gans higenn, ha'ga thenna yn-mes gans y roes, ev a's kuntell yn y roes-draylya: rakhenna ev a lowenha ha heudhi.

Habakkuk 1:15 ပူးပေါင်းရင်းမြစ်များ

Salmow 10:9

Ev a gontrewayt y'n gudhva avel lew yn fow; ev a gontrewayt rag may talghenno an boghosek, ev a dhalghenn an boghosek orth y denna yn y roes.

Ysay 19:8

An byskadoryon a gyn, hag oll an re a dewl higow y'n Nil a alar; an re a les roesow war enep an mor a wannha.

Yeremia 16:16

Otta, my a dhannvon war-lergh lies pyskador, yn-medh an Arloedh, hag i a wra aga hachya; hag a-wosa my a dhannvon lies helghor, hag i a's helgh a-dhiworth pub menydh ha pub bre, hag yn-mes a folsyow an kerrek.

Yeremia 5:26

Rag kevys yw tebeles yn mysk ow fobel : i a gontrewayt ow skolkya kepar hag edhnoryon, i a sett antell, i a dhalghenn gwer.

Yeremia 50:11

Drefenn hwi dhe lowenhe, drefenn hwi dhe vos fest heudhik, hwi dhistruoryon ow ertach, kyn terlemmowgh avel denewes y'n aswels, ha kryghias avel mergh krev,

Ezekiel 25:6

Rag yndellma y lever an Arloedh Duw: Drefenn ty dhe dakya diwleuv ha stankya treys, ow lowenhe gans oll an atti y'th enev erbynn pow Ysrael,

Ezekiel 26:2

Mab den, drefenn Tyr dhe leverel erbynn Yerusalem, ‘Aha! Yetys an poblow yw terrys ha'n sita yw igor a-ragov; my a vydh sewen, rag hy bos distruys’,

Ezekiel 35:15

Kepar dell lowenhasys erbynn eretons chi Ysrael, drefenn y vos ynyalder, yndella my a wra dha dhyghtya; ty a vydh ynyalder, menydh Seir, hag Edom kowal. Ena i a woer my dhe vos an Arloedh.

Amos 4:2

An Arloedh Duw re dos ren y sansoleth: Otta dydhyow a dheu warnowgh ma'gas kemmerons dhe-ves gans kerdyn, ha'n diwettha ahanowgh gans higennow-pysk.

Habakkuk 1:14

Ha ty a wra tus kepar ha puskes an mor, kepar ha'n pryvyon, nag eus rewler dhedha.

Habakkuk 2:5

Rychys ynwedh yw fals, ny dhur an den goethus, neb re ledanhas y vryansenn avel ifarn, ha kepar hag ankow na yll bos gwalghys, mes ev a guntell a-dro dhodho oll an kenedhlow, hag assembla dhodho oll an poblow.

Matthew 13:19

Pan glew nebonan ger an wlaskor heb y gonvedhes, an tebel el a dheu ha doen dhe-ves an dra yw hesys yn y golonn; hemm yw an dra hesys ryb an fordh.

Matthew 17:27

Mes, ma na wryllyn aga sklandra, ty gwra mos dhe'n mor ha tewl higenn ha kemmer an kynsa pysk a dheu yn-bann. Wosa ty dhe igeri y anow y kevydh stater. Kemmer henna ha ro dhedha ragov vy ha ragos jy.’

Diskwedhyans 11:10

Ha'n re a drig war an nor a wra lowenhe warnedha, ha heudhhe, ha dannvon rohow an eyl dh'y gila, rag an dhew brofoes ma a dormentyas an re usi trigys war an nor.