Galatianys 6:9 - An Bibel Kernewek 20234 (Kernewek Kemmyn)

⁹ Yn masobereth na vedhen digolonnek; rag y'n prys ewn y hwren ni mysi mar ny glamderyn.

Galatianys 6:9 ပူးပေါင်းရင်းမြစ်များ

Jenesis 29:7

Yn-medh ev, ‘Otta, rann vras a'n jydh yw gesys hwath, nyns yw an eur dhe guntell war-barth an chatel. Gwrewgh dowra an flokk hag ewgh, ha'ga dri arta dhe beurva.’

Salmow 104:27

Oll an re ma a'th worta may rylli dhedha aga boes y'n prys gwiw;

Salmow 126:5

Seul a wonis has yn dagrow a vydh ow mysi yn lowena.

Salmow 145:15

Dewlagas pub den a wayt warnas, ha ty a re dhedha aga boes y'n prys gwiw.

Lavarow Koth 11:18

Tebelwas a dhendil gober ansertan, mes neb a has ewnder a'n jeves pewas sur.

Ekklesiastes 11:1

Dannvon dha vara war enep an dowrow, ha ty a wra y dhaskavoes wosa lies dydh.

Yeremia 45:3

Ty a leveris, ‘Go-vy! An Arloedh re geworras ahwer dhe'm dolor; difygys ov gans ow hanasa, ha ny gavav powes.’

Levitikus 26:4

my a re dhywgh glawyow yn aga sesonyow ha'n tir a re y drevas, ha gwydh an gwel a re aga frut.

Sefania 3:16

Y'n jydh na y leverir dhe Yerusalem: Na borth own, a Sion; na vedhes dha dhiwleuv lows.

Malaki 1:13

Ha hwi a lever, ‘Awotta, ass yw skwithus!’ ha hwi a wra y dhispresya, yn-medh Arloedh an luyow. Pan dhrowgh hwi best ledrys, hag evredh, ha klav, ha'ga dri avel offrynn, a vynnav aga resseva a'gas diwleuv? yn-medh an Arloedh.

Matthew 10:22

Ha hwi a vydh kesys gans pub den oll a-barth ow hanow, mes neb a dhur bys y'n diwedh, ev a vydh selwys.

Matthew 24:13

Mes neb a dhur bys yn diwedh, ev a vydh selwys.

Matthew 25:17

Yn kettella y hwrug gwas an dhew dalent prow a dhew moy.

Matthew 9:19

Ha Yesu a sevis ha mos war y lergh, hag ynwedh y dhyskyblon.

Mark 3:3

Hag ev a leveris dhe'n den gwedhrys y leuv, ‘Sav y'n kres.’

Luk 18:1

Ev a dherivas parabolenn dhedha, bos res dhedha pysi pup-prys, heb bos digolonnek,

Romanyon 2:7

dhe'n re a hwila, dre berthyans ow kul da, gordhyans hag enor hag anvarwoleth, y fynn ev ri bewnans heb diwedh.

1 Korinthianys 15:58

Rakhenna, ow breder meurgerys, bedhewgh len, fyrv, pup-prys ow palshe yn gonis an Arloedh, ow kodhvos nag yw euver agas lavur y'n Arloedh.

2 Korinthianys 4:1

Rakhenna, a-ban eus dhyn an menystrans ma, kepar dell gevsyn tregeredh, ny dheun ha bos digolonnek,

2 Korinthianys 4:16

Rakhenna ny dheun ha bos digolonnek; kyn hwannha agan gnas usi a-ves, hwath yma agan gnas usi a-ji nowydhhes pub dydh oll.

2 Korinthianys 9:6

Attendyewgh hemma: piwpynag a hasso boghes, ev a wra mysi boghes ynwedh; ha piwpynag a hasso yn pals, ev a wra mysi yn pals ynwedh.

Efesianys 3:13

Rag hemma, my a'gas pys na gemmerrowgh digolonn y'm galarow ragowgh hwi; agas glori yns i.

Dewteronomi 11:14

ena y rov glaw rag agas tiredh yn y dermyn, an glaw a-varr ha'n glaw diwedhes, rag may kuntelli dha ys ha'th win ha'th olew.

2 Thessalonianys 3:13

Ha hwi, a vreder, na wrewgh kelli kolonn ow kul dader.

Ebrowyon 12:3

Prederewgh anodho neb a borthas kemmys kedrynn a beghadoryon er y bynn, ma na vowgh skwith na digolonnek.

Ebrowyon 12:5

Hag a ankevsowgh an ger a gonfort a gews orthowgh avel mebyon? ‘Ow Mab, na wra dispresya dyskybleth an Arloedh, na bos digolonnek pan vi keskys ganso.

Ebrowyon 3:14

Rag ni a gevrenn yn Krist pan synsyn agan kynsa fydhyans fyrv dhe'n diwedh.

Ebrowyon 3:6

mes Krist o len avel Mab dres chi Duw. Ha ni yw y ji mar synsyn agan fydhyans ha goeth yn agan govenek, fyrv dhe'n diwedh.

Jamys 5:7

Ytho, perthewgh, a vreder bys yn devedhyans an Arloedh. Otta, an tiek a worta frut drudh an dor, meur y berthyans yn y gever, erna dhegemmerro an glaw a-varr ha'n glaw diwedhes.

1 Peder 2:15

Rag yndella yw bodh Duw, may hyllowgh hwi, ow kul da, konkludya fowt skians tus wokki.

1 Peder 3:17

Rag gwell yw godhevel ow kul dader, mar mynn bodh Duw, ages gul drog.

1 Peder 4:19

Ytho, an re a wodhev war-lergh bodh Duw, gwrens i kemmynna aga enev dhe Greador lel, ow kul dader.

Diskwedhyans 2:17

Seul a'n jeffo skovarn, klewes ev an pyth a lever an Spyrys dhe'n eglosyow. Dhe neb a fettho y rov a'n manna kudhys dhe dhybri, ha ganso ev men gwynn a rov hag y'n men hanow nowydh skrifys, nag aswonn denvyth marnas ev a'n degemmer.

Diskwedhyans 2:3

Yma genes perthyans; ty a wodhevis a-barth ow hanow, ha nyns osta skwithys.

Diskwedhyans 2:7

Neb a'n jeffo skovarn, klewes ev an pyth a lever an Spyrys dhe'n eglosyow. Dhodho ev a fettho, my a re dhe dhybri a'n wydhenn a vewnans usi yn mysk paradhis Duw.