Galatianys 6:7 - An Bibel Kernewek 20234 (Kernewek Kemmyn)

⁷ Na vedhewgh toellys: ny vydh Duw skornys. Rag pypynag a wra den y hasa, an keth henna a wra ev y vysi;

Galatianys 6:7 ပူးပေါင်းရင်းမြစ်များ

Job 15:31

Na drestyes ev yn euveredh, owth omdoella, rag gwakter a vydh y wober.

Job 4:8

Dell welis, an re a ar anewnder ha hasa trobel a wra aga mysi.

Lavarow Koth 1:31

ytho i a dheber froeth a'ga hyns, ha bos lenwys a'ga thowlow aga honan.

Lavarow Koth 11:18

Tebelwas a dhendil gober ansertan, mes neb a has ewnder a'n jeves pewas sur.

Lavarow Koth 6:14

gans kolonn dreus ev a dhevis droktra, pup-prys ow hasa kedrynnow.

Lavarow Koth 6:19

fals dhustunier hag a anell gow yn-mes, ha den neb a has diskord yntra breder.

Yeremia 37:9

Yndellma y lever an Arloedh: Na omdoellewgh, ow leverel, ‘An Kaldeanys a wra mos yn sur ahanan’, rag ny vynnons mos dhe-ves.

Ezekiel 14:5

rag may taskyffiv kolonnow chi Ysrael, rag i oll re dreylyas dhiworthiv der aga idolys.

Hosea 10:12

Hesewgh dhywgh agas honan yn ewnder, mysewgh yn tregeredh, hag aras gwrewgh agas gweres anerys; prys yw dhe hwilas an Arloedh, bys may teffo ha gul dhe wiryonedh koedha warnowgh avel glaw.

Hosea 10:13

Hwi re aras droktra, ha mysi anewnder, ha re dhyb'sowgh an frut a wowyow; rag ty a drestyas y'th fordh, yn niver bras dha gasoryon.

Hosea 8:7

I re hasas an gwyns, ha mysi an korwyns. Garrow an ys ny's teves penn; ny wra bleus. Mar kwrello greun, ena estrenyon a wra y lenki.

Obadia 1:3

Goeth dha golonn re'th toellas, ty neb eus trigys ughel yn savnow an garrek, y drigva y'n ughelder, ow leverel y'th kolonn, ‘Piw a'm dre yn-nans dhe'n dor?’

Luk 16:25

Mes Abraham a leveris, “Flogh, porth kov ty dhe dhegemmeres dha bythow da y'th vewnans, ha Lazarus y'n keth vaner an droktaklow; mes lemmyn konfortys yw ev, mes ty yw tormentys.

Luk 21:8

Yn-medh ev, ‘Gwaytyewgh ma na vowgh toellys; rag lies a dheu y'm hanow vy ow leverel, “My yw”, hag “An termyn re nesas.” Na holyewgh war aga lergh.

1 Korinthianys 15:33

Na vedhewgh toellys: ‘Drok-keskowethyans a shynd norter da.’

1 Korinthianys 3:18

Na omdoelles denvyth; nebonan ahanowgh mar tesev y vos skentel y'n oes ma, des ha bos foll, may teffo ha bos skentel.

1 Korinthianys 6:9

A ny wodhowgh hwi na wra drogoberoryon erita gwlaskor Duw? Na vedhewgh toellys! Na tus dhijast, na gordhyoryon idolys, nag avoutroryon, na'n re vedhel, na kethreydhelogyon,

2 Korinthianys 9:6

Attendyewgh hemma: piwpynag a hasso boghes, ev a wra mysi boghes ynwedh; ha piwpynag a hasso yn pals, ev a wra mysi yn pals ynwedh.

Galatianys 6:3

Rag mar tyb neb den y vos neppyth pan nag yw ev travyth, ev a omdoell.

Efesianys 5:6

Na wres denvyth agas toella dre lavarow gwag; rag drefenn an taklow ma y teu sorr Duw war vebyon diwostytter.

2 Thessalonianys 2:3

Na wres denvyth agas toella yn fordh vytholl; rag ny yll an jydh na dos mar ny dheu an nagh kyns oll, ha'n den dilagha yw diskwedhys, mab an diswrians,

Jamys 1:22

Bedhewgh gwrioryon a'n ger, heb bos goslowysi yn unnsel, owth omdoella.

Jamys 1:26

Mars eus neb den a breder y vos kryjyk, heb fronna y daves, mes ow toella y golonn ev, koeg yw kryjyans an den ma.

1 Yowann 1:8

Mar leveryn na'gan bos peghes, yth omdoellyn, ha nyns usi an gwirder ynnon.

1 Yowann 3:7

Fleghigow, na esewgh denvyth dh'agas toella; neb a wra ewnder yw ewn, par dell yw ev ewn.

Lyther Yud 1:18

pan lavarsons i dhywgh, ‘Y'n termyn diwettha y fydh gesyoryon ow kerdhes war-lergh aga hwansow ansans aga honan.’