Galatianys 6:2 - An Bibel Kernewek 20234 (Kernewek Kemmyn)

² Degewgh agas beghyow an eyl a-barth y gila, hag yndella hwi a gollenow lagha Krist.

Galatianys 6:2 ပူးပေါင်းရင်းမြစ်များ

1 Kroniklys 19:12

Yoab a leveris dh'y vroder, ‘Mars yw Aram re grev ragov, ena ty a'm saw; mes mars yw an Ammonysi re grev ragos, ena my a'th saw.

Eksodus 23:5

Mar kwelydh asen nebonan a'th kas ow krowedha yn-dann y vegh, na wredh y asa ganso; ty a wra y weres dh'y dhrehevel.

Ysay 58:6

A nyns yw hemma an benys a dhewisav: lewsel kadonyow sherewynsi, digelmi kroenow an yew, livra an re arweskys, ha terri pub yew?

Matthew 8:17

may fe kollenwys an dra kewsys der Ysay an profoes ow leverel, ‘Ev y honan a gemmeras agan gwannegredh hag a borthas agan klevesow.’

Luk 11:46

Yn-medh ev, ‘Ha go-hwi ynwedh, hwi laghysi, rag hwi a vegh tus gans beghyow re boes dhe dhoen, ha hwi agas honan ny dochyowgh an beghyow gans onan vyth a'th vysies.

Yowann 13:34

Gorhemmynn nowydh a rov dhywgh, hwi dhe gara an eyl y gila; dell wrugavy agas kara, hwi ynwedh dhe gara an eyl y gila.

Yowann 15:12

‘Hemm yw ow gorhemmynn, may kyrrowgh an eyl y gila dell wrugavy agas kara hwi.

Romanyon 15:1

Y tegoedh dhyn ni neb yw krev perthi difygyow an re wann, heb omblesya.

Romanyon 8:2

Rag lagha Spyrys bewnans yn Krist Yesu re'th tigolmas dhiworth lagha pegh ha mernans.

1 Korinthianys 9:21

Dhe'n re a-ves dhe'n lagha my eth ha bos avel onan a-ves dhe'n lagha – kyn nag esov evy a-ves dhe lagha Duw, mes yn-dann lagha Krist – may hwaynnyen an re a-ves dhe'n lagha.

Galatianys 6:5

rag pubonan a dheg y vegh y honan.

Dewteronomi 1:12

Fatell dhegav ow honan poes ha begh agas kedrynnow?

1 Thessalonianys 5:14

Ha ni a'gas pys, a vreder, a geski an re yw diek, a hebaskhe an re yw digolonnek, a skoedhya an re yw gwann, hir agas godhevyans troha pub den oll.

Jamys 1:25

Mes neb a vir y'n lagha berfydh a rydhses ha pesya ynno, heb bos goslowyas a ankev, mes gwrier an ober, gwynnvys vydh an den ma y'n pyth a wra.

Jamys 2:12

Yndella leverewgh hag yndella gwrewgh, kepar ha tus a vons breusys dre lagha rydhses.

Jamys 2:8

Mar kollenwowgh yn hwir an lagha ryel war-lergh an skryptor, Ty a wra kara dha hynsa kepar dell gerydh dha honan, yn ta y hwrewgh hwi.

1 Peder 2:24

Ev y honan a borthas agan peghosow y'n prenn, may hwryllyn ni, marow dhe beghosow, bewa dhe ewnder. Gans y woliow sawys vewgh hwi.

2 Peder 2:21

Gwell via dhedha na wodhviens an fordh a ewnder, es treylya, wosa godhvos, dhiworth an arghadow sans a veu res dhedha.

2 Peder 3:2

dhe remembra an lavarow a veu kewsys kyns gans an brofoesi sans, hag a worhemmynn agas Arloedh ha Selwyas der agas abesteli.

1 Yowann 4:21

Ha'n gorhemmynn ma a'gan beus ganso: Neb a gar Duw, kares y vroder ynwedh.