Galatianys 6:14 - An Bibel Kernewek 20234 (Kernewek Kemmyn)

¹⁴ Bynner re bo bostyans dhymmo vy, saw yn krows agan Arloedh Yesu Krist, ha dredhi an bys ma krowsys dhymm ha my dhe'n bys.

Galatianys 6:14 ပူးပေါင်းရင်းမြစ်များ

Salmow 49:6

I a drest yn aga fythow hag a vost yn braster aga rychys.

Salmow 52:1

Prag y fostydh yn drogober, ty vreselyas? Tregeredh Duw a dhur oll an jydh.

Ezekiel 28:2

Mab den, lavar dhe bennsevik Tyr, Yndellma y lever an Arloedh Duw: Drefenn goeth dha golonn, ty a lever, ‘My yw duw, owth esedha war dron duwow yn kolonn an moryow.’ Mes den osta a-der duw, kyn settydh dha golonn avel kolonn duw.

Luk 20:16

Ev a dheu ha distrui an diogyon na, ha ri an winlann dhe erell.’ Pan glewsons hemma i a leveris, ‘Bynner re bo!’

Romanyon 1:16

Rag ny'm beus meth a'n aweyl: galloes Duw dhe selwel yw hi dhe geniver a grys, dhe'n Yedhow yn kynsa ha dhe'n Grek keffrys.

Romanyon 6:2

Kammenn vyth! Fatell yllyn ni neb a verwis dhe begh bewa hwath ynno?

Romanyon 6:6

Ni a woer y feu agan den koth krowsys ganso rag may fe an korf a begh distruys, ha rag na serfyn pegh na fella.

1 Korinthianys 1:23

mes ni a bregoth Krist krowsys, sklander dhe Yedhewon ha follneth dhe Jentilys,

1 Korinthianys 15:58

Rakhenna, ow breder meurgerys, bedhewgh len, fyrv, pup-prys ow palshe yn gonis an Arloedh, ow kodhvos nag yw euver agas lavur y'n Arloedh.

1 Korinthianys 2:2

Rag my a erviras na wodhyen travyth yn agas mysk marnas Yesu Krist hag ev krowsys.

1 Korinthianys 3:21

Ytho, nagonan na vostyes a-dro dhe dus. Pup-tra yw dhywgh hwi:

2 Korinthianys 11:12

Ha'n pyth a wrav, henna my a wra pesya y wul, may tregghiv an grond a-dhann an re a hwila chons dhe vos aswonnys agan parow y'n taklow a vostyons anedha.

Galatianys 1:4

a omros y honan rag agan peghosow rag ma'gan deliffra mes a'n bys, drog dell yw y'n eur ma, herwydh bodh agan Duw ha Tas,

Galatianys 2:17

Mes mars on ni, neb a hwila bos justifiys yn Krist, agan honan kevys dhe vos peghadoryon, yw Krist ytho menyster a begh? Bynner re bo!

Galatianys 2:19

Rag der an lagha my a verwis dhe'n lagha, may fewen vy dhe Dhuw. Krowsys veuv gans Krist;

Galatianys 2:20

bew ov, mes na fella my ow honan, mes Krist a vew ynnov; an bewnans a'm beus y'n eur ma y'n kig my a vew yn fydh Mab Duw neb a'm karas hag omri y honan ragov.

Galatianys 3:21

Ytho yw an lagha erbynn ambosow Duw? Bynner re bo! Rag mar pe lagha res a allsa bewhe, ewnder a via devri dhiworth lagha;

Galatianys 5:24

Seul eus dhe Grist Yesu re growsyas an kig, keffrys ha'n yeunesow ha'n hwansow.

Filippianys 3:18

Rag lies den a gerdh, a neb my a leveris dhywgh yn fenowgh, hag y lavarav lemmyn owth oela, aga bos eskerens a'n grows a Grist.

Filippianys 3:3

Rag yth on ni an gwir drodreghyans, neb a wra gordhya dre Spyrys Duw ha bostya yn Krist Yesu, heb trestya y'n kig –

Kolossianys 2:20

Mar kwrussowgh merwel gans Krist dhiworth elvennow an bys, prag yth owgh hwi gostydh dhe rewlys, kepar ha pan vewgh ow pewa y'n bys?