Galatianys 6:12 - An Bibel Kernewek 20234 (Kernewek Kemmyn)

¹² An re a vynn gul omdhiskwedhyans teg y'n kig a'gas konstryn dhe vos trodreghys, unnsel ma na vons i helghys rag krows Krist.

Galatianys 6:12 ပူးပေါင်းရင်းမြစ်များ

Matthew 23:27

‘Go-hwi, skribys ha Fariseow, falswesyon, rag hwi yw haval dhe vedhow yw gwynnhes gans lim, teg aga semlans war-ves, mes war-ji yth yns leun a eskern tus varow hag a bub plosedhes.

Matthew 23:28

Yndellma ynwedh hwi yw gwiryon agas semlans war-ves a-wel dhe dus, mes war-ji yth owgh leun a falsuri ha fara dilagha.

Matthew 23:5

Oll aga oberow i a wra rag bos gwelys gans tus; rag i a ledanha aga fylakteriow ha hirhe pilennow aga gwisk.

Matthew 5:10

‘Gwynn aga bys an re helghys drefenn ewnder, rag dhedha i yw gwlaskor nev.

Matthew 6:16

‘Ha pan wryllowgh penys heb dybri, na vedhewgh avel an falswesyon, trist aga semlans, rag i a dhifas aga bejeth may hallons bos gwelys gans tus, i dhe wul penys; yn hwir y lavarav dhywgh, i re's teva aga gober.

Matthew 6:2

‘Rakhenna ty pan rylli alusen, na hwyth korn a-dheragos kepar dell wra an falswesyon a-bervedh y'n synagys hag y'n stretys, may hallons kavoes gordhyans dhiworth tus. Yn hwir y lavarav dhywgh, i re's teva aga gober.

Matthew 6:5

‘Ha ty pan byssi, na vydh avel an falswesyon, rag i a gar pysi ow sevel a-bervedh y'n synagys ha war gernow an stretys, may hallons bos gwelys gans tus; yn hwir y lavarav dhywgh, i re's teva aga gober.

Luk 16:15

Hag ev a leveris dhedha, ‘Hwi yw an re a justifi aga honan a-wel tus, mes Duw a aswonn agas kolonn; rag an dra eksaltys yn mysk tus yw pyth kasadow a-wel Duw.

Luk 20:47

neb a gollenk chiow an gwedhwesow, hag a wra pysadow hir yn fayntys; an re ma a's tevydh dhe voy dampnasyon.’

Yowann 7:18

Neb a gews a'y awtorita y honan a hwila y enor y honan; mes neb a hwila an enor anodho ev neb a'n dannvonas, hemma yw gwir, ha nyns eus ynno anwiryonedh.

Oberow 15:1

Mes niver a wer a dheuth yn-nans dhiworth Yudi ha dyski dhe'n vreder, ‘Marnas hwi a vo trodreghys war-lergh usadow Moyses, ny yllowgh bos selwys.’

Oberow 15:5

Mes re a sekt an Fariseow, neb re gryssa, a sevis yn-rag, ow leverel, ‘Y telledh ni dh'aga throdreghi hag erghi dhedha gwitha lagha Moyses.’

2 Korinthianys 10:12

Rag ny vedhyn klassa po keheveli agan honan dhe rann a'n re neb a omgommend aga honan, mes pan vusurons aga honan an eyl orth y gila, ha keheveli aga honan an eyl dh'y gila, ny gonvedhons.

2 Korinthianys 11:13

Tus a'n par na yw fals abesteli, gonisogyon ow toella, neb a dreusfurv aga honan dhe abesteli Krist.

Galatianys 2:14

Mes pan gonvedhis vy na gerdhens i yn ewnhynsek herwydh gwiryonedh an aweyl, my a leveris dhe Kefas a-dheragdha yn kettep penn, ‘Mar pewydh jy, ha ty Yedhow, yn maner an Jentilys ha ny vewydh yn maner an Yedhewon prag y konstrynydh jy an Jentilys a vewa kepar dell vens i Yedhewon?’

Galatianys 2:3

Byttegyns Titus devri, esa genev, hag ev Grek, ny veu ev konstrynys na hwath a vos trodreghys;

Galatianys 5:11

Mes my, a vreder, mar pregowthav vy hwath an trodreghyans, prag yth ov vy helghys hwath? Offens an grows re beu defendys ytho.

Galatianys 6:13

Rag ny wra an re yw trodreghys obaya dhe'n lagha aga honan, mes i a vynn orthowgh bos trodreghys may hallons bostya yn agas kig.

Filippianys 1:15

Dhe wir, re a bregoth Krist der envi ha strif, mes re ynwedh dre volonjedh da;

Filippianys 2:4

heb mires orth agas les agas honan mes orth les tus erell kekeffrys.

Filippianys 3:18

Rag lies den a gerdh, a neb my a leveris dhywgh yn fenowgh, hag y lavarav lemmyn owth oela, aga bos eskerens a'n grows a Grist.

Kolossianys 2:23

An taklow ma dhe wir y's teves semlans furneth, gans gordhyans omgemmerys der an bolonjedh, hag uvelder, ha dyghtyans kales a'n korf, heb talvosogeth mann erbynn hwansow an korf.