Galatianys 6:1 - An Bibel Kernewek 20234 (Kernewek Kemmyn)

¹ A vreder, mar pe nebonan kechys yn kammweythres, hwi, usi a'n Spyrys, restoryewgh den a'n par na yn spyrys a jentylys. Mir orthis dha honan, ma na vi temptys ynwedh.

Galatianys 6:1 ပူးပေါင်းရင်းမြစ်များ

2 Samuel 11:2

Yn neb unn gorthugher Davydh a sevis a'y weli ha kerdhes a-dro war do chi an myghtern, ha dhiworth an to ev a welas benyn owth omwolghi; ha semlans an venyn o pur deg.

Salmow 141:5

Gwres den gwiryon ow gweskel, gwres den len ow rebukya. Na as dhe oyl an tebelwas untya ow fenn, rag ow fysadow a vydh prest erbynn aga drogoberow.

Ezekiel 34:16

An re kellys a hwilav, ha'n re gyllys yn stray a dhrov dhe dre, ha'n re terrys a golmav, ha'n re wann a grevhav; mes an re dew ha'n re grev my a dhistru. My a's mag gans breus.

Matthew 11:29

Kemmerewgh ow yew warnowgh ha dyskewgh genev, rag klor yth ov hag uvel ow holonn, ha hwi a gyv powes dh'agas enev.

Matthew 26:69

Ha Peder o esedhys dhe-ves y'n klos; hag unn vaghteth a dheuth dhodho ha leverel, ‘Ty ynwedh, yth eses gans Yesu a Alile.’

Matthew 26:75

Ha Peder a borthas kov a eryow Yesu, kewsys dhodho, ‘Kyns es an kulyek dhe gana ty a'm denagh teyrgweyth.’ Hag ev eth dhe-ves hag a oelas yn hwerow.

Matthew 9:13

Lemmyn ewgh ha dyskewgh styr an lavar ma, Ny vynnav sakrifis, mes tregeredh; rag nyns o'ma devedhys dhe elwel an re wiryon mes peghadoryon.’

Romanyon 14:1

Ha neb yw gwann y'n fydh, degemmerewgh e heb dadhla a-dro dhe dybyansow.

Romanyon 15:1

Y tegoedh dhyn ni neb yw krev perthi difygyow an re wann, heb omblesya.

Romanyon 8:6

Rag brys an kig yw mernans, mes brys an Spyrys yw bewnans ha kres.

1 Korinthianys 10:12

Rakhenna, neb eus ow tybi y sev ev, kemmeres with ma na goettho.

1 Korinthianys 14:37

Mar tyb nebonan y vos profoes, po spyrysel, y koedh dhodho avowa bos an pyth a skrifav dhywgh arghadow an Arloedh.

1 Korinthianys 2:15

An den spyrysel a vreus pup-tra mes ev y honan nyns yw gorrys yn-dann vreus denvyth:

1 Korinthianys 3:1

Ha my, breder, ny yllis vy kewsel orthowgh hwi kepar ha pan vewgh tus spyrysel, mes avel tus a'n kig, avel fleghesigow yn Krist.

1 Korinthianys 4:21

Pandr'a vynnowgh? A wrav vy dos dhywgh ha genev gwelenn, poken gans kerensa hag yn spyrys a glorder?

1 Korinthianys 7:5

Na skonyewgh an eyl orth y gila, marnas, martesen, der akordyans rag termyn, mayth omryllowgh hwi dhe bysadow; mes ena dewgh war-barth arta ma na'gas dynnyo Satnas der agas fowt omrewl.

2 Korinthianys 10:1

My ow honan, Powl, a'gas pys dre glorder ha jentilys Krist, my neb yw uvel pan esov fas orth fas yn agas mysk mes hardh dhywgh pan esov dhe-ves ahanowgh:

2 Korinthianys 2:7

ytho lemmyn, yn le henna y tegoedh dhywgh gava dhodho ha'y gonfortya, ma na ve den a'n par na fethys dre alar re vras;

2 Korinthianys 2:8

rakhenna my a'gas pys a afia agas kerensa dhodho;

Galatianys 5:23

jentylys, omrewl; nyns eus lagha vyth erbynn traow a'n par na.

Galatianys 6:18

Re bo gras agan Arloedh Yesu Krist gans agas spyrys, a vreder. Amen.

1 Thessalonianys 4:1

Wor'tiwedh ytho, a vreder, ni a'gas pys ha keski y'n Arloedh Yesu, kepar dell dhegemmersowgh dhiworthyn ni fatell goedh dhywgh kerdhes ha plegya dhe Dhuw, kepar dell gerdhowgh dhe wir, may palshahowgh dhe voy.

2 Thessalonianys 3:15

Mes na wrewgh y synsi avel eskar, mes y geski avel broder.

2 Timothi 2:25

yn klorder ow tyski an re a sev er y bynn. Y hyll bos, Duw dhe ri edrek dhedha rag godhvos an gwir,

Ebrowyon 12:13

ha gwrewgh hynsyow kompes dh'agas treys, ma na vo treylys dhe-ves an pyth yw evredhek, mes kynsa bos yaghhes.

Ebrowyon 13:3

Perthewgh kov a'n brisnoryon par dell vewgh prisonys war-barth gansa; ha'n re yw kammdhyghtys, a-ban esowgh hwi ynwedh y'n korf.

Jamys 3:13

Piw yntredhowgh yw fur ha skentel? Der y gonversashyon da, diskwedhes ev y wriansow yn uvelder furneth.

Jamys 3:2

Pubonan ahanan a gammwra yn lies tra. Den mar ny gammwra yn y lavar, gour perfydh yw hemma, hag ev a yll fronna an korf dien ynwedh.

1 Peder 3:15

mes sanshewgh an Arloedh Krist yn agas kolonn. Bedhewgh parys pup-prys dhe wul defens dhe bub den a wovynn orthowgh a-dro dhe'n govenek usi ynnowgh,

1 Yowann 5:16

Den mar kwel y vroder ow pegha peghes nag eus bys yn mernans, ev a wra pysi, ha Duw a re dhodho bewnans rag an re na beghons bys yn mernans. Yma peghes yw peghes bys yn mernans; ny lavarav y tylir pysi rakhenna.