Galatianys 5:24 - An Bibel Kernewek 20234 (Kernewek Kemmyn)

²⁴ Seul eus dhe Grist Yesu re growsyas an kig, keffrys ha'n yeunesow ha'n hwansow.

Galatianys 5:24 ပူးပေါင်းရင်းမြစ်များ

Romanyon 13:14

Mes gwisk an Arloedh Yesu Krist, ha na dharbar dhe'n kig, rag y lustys.

Romanyon 6:6

Ni a woer y feu agan den koth krowsys ganso rag may fe an korf a begh distruys, ha rag na serfyn pegh na fella.

Romanyon 8:13

rag mar pewowgh war-lergh an kig, merwel a wrewgh; mes mar korrowgh der an Spyrys gweythresow an korf, bewa a wrewgh.

Romanyon 8:9

Mes nyns esowgh y'n kig, y'n Spyrys yth esowgh, mars usi Spyrys Duw trigys ynnowgh yn hwir. Neb na'n jeves Spyrys Krist nyns yw ev dhodho.

1 Korinthianys 15:23

Mes peub yn y dorn y honan: Krist an kynsa frut: wosa henna, orth y dhevones, an re yw dhe Grist.

1 Korinthianys 3:23

ha hwi yw dhe Grist, ha Krist yw dhe Dhuw.

1 Korinthianys 6:13

‘Boes rag an benn-gasenn, ha'n benn-gasenn rag boes’, ha Duw a dhistru ha'n eyl ha'y gila. Nyns yw an korf rag fornikasyon mes rag an Arloedh, ha'n Arloedh rag an korf.

2 Korinthianys 10:7

Hwi a vir orth traow herwydh aga semlans. Mar trest nebonan y vos dhe Grist, perthes kov a hemma: kepar dell yw ev dhe Grist, yndella ynwedh yth on ni.

Galatianys 2:20

bew ov, mes na fella my ow honan, mes Krist a vew ynnov; an bewnans a'm beus y'n eur ma y'n kig my a vew yn fydh Mab Duw neb a'm karas hag omri y honan ragov.

Galatianys 3:26

Rag yth owgh hwi oll mebyon Duw dre fydh yn Krist Yesu,

Galatianys 3:28

Ny yllir bos namoy Yedhow na Grek, na keth na den rydh, na gorow na benow, rag yth owgh hwi oll onan yn Krist Yesu,

Galatianys 3:29

ha mars owgh hwi dhe Grist, ytho yth owgh hwi has Abraham, heryon herwydh ambos.

Galatianys 5:20

gordhyans idolys, pystri, kas, strif, envi, sorr, strif, fowt akord, eresys,

Galatianys 6:14

Bynner re bo bostyans dhymmo vy, saw yn krows agan Arloedh Yesu Krist, ha dredhi an bys ma krowsys dhymm ha my dhe'n bys.

Efesianys 3:1

Rag hemma, my, Powl, prisner Krist Yesu ragowgh hwi, an Jentilys –

Efesianys 3:11

war-lergh towl an oesow a wrug ev yn Krist Yesu agan Arloedh,

Efesianys 3:6

an Jentilys dhe vos kes-heryon ha keskorf, ha kevrennoryon a'n ambos yn Krist Yesu der an aweyl.

Kolossianys 2:11

Ynno ev ynwedh y fewgh trodreghys gans trodreghyans na veu gwrys gans leuv, ow ti'ska korf an kig yn trodreghyans Krist.

1 Peder 2:11

Karadowyon, my a'gas pys avel alyons ha divresow mayth omwithewgh rag hwansow an kig a wra gwerrya erbynn an enev.