Galatianys 5:19 - An Bibel Kernewek 20234 (Kernewek Kemmyn)

¹⁹ Oberow an kig yw apert; an re ma yw fornikasyon, mostedhes, fara direwl,

Galatianys 5:19 ပူးပေါင်းရင်းမြစ်များ

Salmow 17:4

A-dro dhe oberow den, herwydh geryow dha dhiwweus, my re omwithas rag hynsyow an den garow.

Yowann 3:6

An pyth yw genys a'n kig yw kig, ha'n pyth yw genys a'n Spyrys yw spyrys.

Romanyon 7:18

Rag y hwonn na drig ynnov travyth da, henn yw y'm kig. Yma parys genev an mynnas, mes kowlwul an da – ny allav.

Romanyon 7:25

Grasow dhe Dhuw dre Yesu Krist agan Arloedh! Yndella genev vy ow honan y servyav lagha Duw gans ow brys, mes gans ow hig y servyav lagha pegh.

Romanyon 7:5

Ha ni hwath ow pewa y'n kig, agan drokhwansow a begh drehevys gans an lagha, a oberi yn agan eseli dhe dhoen frut rag mernans.

Romanyon 8:13

rag mar pewowgh war-lergh an kig, merwel a wrewgh; mes mar korrowgh der an Spyrys gweythresow an korf, bewa a wrewgh.

Romanyon 8:3

Rag an pyth a veu an lagha dialloes dh'y wul, rag hy bos gwann der an kig, Duw y honan re wrug, ow tannvon y Vab y honan yn hevelep kig a begh, dhe vos offrynn pegh, hag yndella ev a dhampnyas pegh y'n kig,

Romanyon 8:5

Rag an re a vew war-lergh an kig a wra fors a daklow an kig, mes an re a vew war-lergh an Spyrys a wra fors a daklow an Spyrys.

Romanyon 8:9

Mes nyns esowgh y'n kig, y'n Spyrys yth esowgh, mars usi Spyrys Duw trigys ynnowgh yn hwir. Neb na'n jeves Spyrys Krist nyns yw ev dhodho.

1 Korinthianys 3:3

rag hwath a'n kig yth owgh. Rag a-ban eus avi ha kedrynn yn agas mysk, a nyns owgh hwi a'n kig, hag a nyns esowgh hwi owth omdhegi kepar ha tus kemmyn?

1 Korinthianys 6:18

Gohelewgh fornikasyon. Py pegh arall pynag a wrello den, yn-mes a'n korf yma; mes neb yw dijast a begh erbynn y gorf y honan.

Galatianys 5:13

Rag hwi a veu gelwys dhe rydhses, a vreder, saw na wrewgh dhe'n rydhses ri spas dhe'n kig, mes dre gerensa bedhewgh servysi an eyl dh'y gila.

Galatianys 5:17

Rag an kig a wra hwansa kontrari dhe'n Spyrys, ha'n Spyrys kontrari dhe'n kig, rag an re ma yw kontrari an eyl dh'y gila, ma na wryllowgh gul an pyth a vynnowgh.

Galatianys 6:8

rag neb a wra hasa dh'y gig y honan, dhiworth an kig ev a wra mysi podredhes; mes neb a wra hasa dhe'n Spyrys, dhiworth an Spyrys y hwra ev mysi bewnans heb diwedh.

Titus 3:3

Rag ni ynwedh o foll, diwostydh, toellys, kethwesyon dhe drokhwansow ha plesours divers, ow pewa yn atti hag avi, kasadow, hag ow kasa an eyl y gila.

Ebrowyon 13:4

Bedhes priosoleth synsys yn enor gans peub, ha bedhes andhefolys gweli an demmedhyans; rag Duw a vreus an re dhijast ha'n avoutroryon.

Diskwedhyans 21:8

Mes an ownogyon, ha'n dhiskryjygyon, ha'n re gasadow, ha denledhysi, ha'n re a wra fornikasyon, ha pystrioryon ha gordhyoryon idolys, ha pub gowleveryas a's teves aga rann y'n lynn a lesk gans tan ha loskven, hag yw an nessa mernans.’

Diskwedhyans 22:15

A-ves yma an keun, ha'n bystrioryon, ha'n re a wra fornikasyon ha denladh, ha'n re a wordh idolys, ha pubonan a gar ha gul falsuri.