Galatianys 5:17 - An Bibel Kernewek 20234 (Kernewek Kemmyn)

¹⁷ Rag an kig a wra hwansa kontrari dhe'n Spyrys, ha'n Spyrys kontrari dhe'n kig, rag an re ma yw kontrari an eyl dh'y gila, ma na wryllowgh gul an pyth a vynnowgh.

Galatianys 5:17 ပူးပေါင်းရင်းမြစ်များ

Jenesis 6:3

Hag yn-medh an Arloedh, ‘Ny drig ow spyrys vy pup-prys gans mab-den, rag kig yw ev, ha'y dhydhyow a vydh hwegh-ugens blydhen.’

Salmow 119:133

Orden ow hammow y'th lavar, ha na wres drogoberow maystri warnav.

Salmow 119:159

Mir fatell garav dha arghadowyow; bewha vy, A Arloedh, herwydh dha dregeredh.

Salmow 119:176

My re wandras yn sowdhan avel davas yw kellys; hwila dha was, rag ny ankevis dha worhemmynnow.

Salmow 119:20

Ow enev yw konsumys gans hireth war-lergh dha vreusow pub dydh oll.

Salmow 119:32

Poenya a wrav yn fordh dha worhemmynnow, pan redh jy kennerth dhe'm kolonn.

Salmow 119:35

Gwra dhymm mos yn hyns dha worhemmynnow, rag ynno yma ow lowena.

Salmow 119:40

Otta, my re yeunis war-lergh dha arghadowyow; bewha vy y'th ewnder.

Salmow 130:3

Mar kwredh vri a gammweythresow, Arloedh, A Arloedh, piw a yll sevel?

Salmow 65:3

Kammweythresow yw re grev ragov; agan kammwriansow ni, ty a's glanha.

Ekklesiastes 7:20

Rag nyns eus den gwiryon y'n norvys a wra dader ha ny begh mann.

Ysay 6:5

Ena my a leveris, ‘Go-vy! diswrys ov vy, rag gour avlan y dhiwweus ov vy, ha trigys esov yn mysk pobel avlan hy diwweus; rag ow dewlagas re welas an Myghtern, Arloedh an luyow.’

Matthew 12:30

Neb nag yw genev, er ow fynn yma, ha neb na guntell genev, skoellya y hwra.

Matthew 16:17

Ha Yesu a worthybis ha leverel dhodho, ‘Gwynn dha vys, Simon mab Yona, rag kig ha goes ny dhiskudhas henna dhis, mes ow Thas eus y'n nevow.

Matthew 16:23

Mes ev a dreylyas ha leverel dhe Peder, ‘Ke a-dryv dhymm, Satnas; ty a wra ow sklandra, rag ny brederydh an taklow a Dhuw, mes an taklow a dus.’

Matthew 26:41

Goelyewgh ha pysewgh ma na entrowgh yn temptasyon; an spyrys dhe wir yw parys fest, mes gwann yw an kig.’

Matthew 5:6

‘Gwynn aga bys an re a berth nown ha syghes ow yeuni war-lergh ewnder, rag i a vydh lenwys.

Luk 22:33

Mes yn-medh ev dhodho, ‘Arloedh, parys ov dhe vos genes dhe brison hag ynwedh dhe'n mernans.’

Luk 22:46

hag yn-medh ev dhedha, ‘Prag y koskowgh? Sevewgh yn-bann ha pysewgh, ma na entrowgh yn temptasyon.’

Yowann 3:6

An pyth yw genys a'n kig yw kig, ha'n pyth yw genys a'n Spyrys yw spyrys.

Romanyon 8:13

rag mar pewowgh war-lergh an kig, merwel a wrewgh; mes mar korrowgh der an Spyrys gweythresow an korf, bewa a wrewgh.

Galatianys 3:21

Ytho yw an lagha erbynn ambosow Duw? Bynner re bo! Rag mar pe lagha res a allsa bewhe, ewnder a via devri dhiworth lagha;

Jamys 3:2

Pubonan ahanan a gammwra yn lies tra. Den mar ny gammwra yn y lavar, gour perfydh yw hemma, hag ev a yll fronna an korf dien ynwedh.