Galatianys 5:1 - An Bibel Kernewek 20234 (Kernewek Kemmyn)

¹ Rag rydhses y hwrug Krist agan delivra; rakhenna sevewgh fast, na vedhewgh maglennys arta yn-dann yew a gethneth.

Galatianys 5:1 ပူးပေါင်းရင်းမြစ်များ

Salmow 51:12

Daskorr dhymm lowena dha selwyans ha menten vy gans dha Spyrys hel.

Lavarow Koth 23:23

Pren gwiryonedh ha na'n gwerth, pren furneth, dyskans ha konvedhes.

Ysay 61:1

Yma Spyrys an Arloedh Duw warnav, drefenn an Arloedh dhe'm untya dhe dhri nowodhow da dhe'n re uvel. Ev re'm dannvonas dhe lystenna an re trogh aga holonn, dhe dhisklerya livreson dhe gethyon, ha delivrans dhiworth tewlder rag prisnoryon;

Matthew 23:4

I a gelm beghyow poes ha kales dhe berthi ha'ga gorra war dhiwskoedh tus, mes i aga honan ny vynnons aga remova gans aga bys.

Luk 5:38

mes gwin nowydh yw gorrys yn kreghyn nowydh.

Oberow 15:10

Lemmyn, ytho, prag y prevowgh hwi Duw, ow korra war gonna an dhyskyblon yew na allas na'gan tasow na ni hy ferthi?

Romanyon 6:14

Rag ny'n jevydh pegh maystri warnowgh, a-ban nag esowgh yn-dann lagha mes yn-dann ras.

Romanyon 6:18

ha wosa bos delivrys dhiworth pegh devedhys owgh ha bos kethyon dhe ewnder.

Romanyon 7:3

Yndella gelwys avoutres y fydh hi mar pew hi gans gour arall ha'y gour hwath yn few. Mes mar merow hy gour rydh yw hi dhiworth an lagha ha mar temmedh gans den arall nyns yw hi avoutres.

Romanyon 7:6

Mes lemmyn yth on digelmys dhiworth an lagha, marow dhe'n pyth a'gan synsi, bys may serfyn yn fordh nowydh an Spyrys, a-der yn fordh goth an skrif.

Romanyon 8:15

Ny gemmersowgh spyrys a gethneth ow ledya arta dhe own, mes hwi a gemmeras spyrys adoptyans avel mebyon dredho may kriyn ‘Abba! Tas!’

Romanyon 8:2

Rag lagha Spyrys bewnans yn Krist Yesu re'th tigolmas dhiworth lagha pegh ha mernans.

1 Korinthianys 15:58

Rakhenna, ow breder meurgerys, bedhewgh len, fyrv, pup-prys ow palshe yn gonis an Arloedh, ow kodhvos nag yw euver agas lavur y'n Arloedh.

1 Korinthianys 16:13

Bedhewgh hewoel, sevewgh fast y'n fydh, bedhewgh hardh, bedhewgh krev.

1 Korinthianys 7:22

Rag neb a veu gelwys y'n Arloedh, hag ev keth, den livrys an Arloedh yth yw; keffrys neb o den livrys pan veu gelwys, keth Krist yth yw.

2 Korinthianys 11:20

rag y'n godhevowgh, nebonan mara'gas gwra kethyon, nebonan mara'gas preydh, nebonan mar kwra maystri warnowgh dh'y les y honan, nebonan mar omdhrehav, nebonan mara'gas gwysk y'n fas.

2 Korinthianys 3:17

Lemmyn an Arloedh yw an Spyrys; ha plepynag usi Spyrys an Arloedh, ena rydhses yma.

Galatianys 2:4

mes rag bos breder fekyl dres a-ji yn-dann gel, skolkyoryon a slynkyas a-ji rag aspia orth agan rydhses a'gan beus yn Krist Yesu, ma'gan drollens bys yn kethneth;

Galatianys 3:25

ha fydh devedhys, nyns on ni yn-dann vester namoy.

Galatianys 4:26

Mes an Yerusalem usi a-vann yw frank, neb yw agan mamm.

Galatianys 4:31

Rakhenna, a vreder, nyns on ni fleghes a'n gethes mes a'n venyn rydh.

Galatianys 4:9

mes y'n eur ma owth aswonn Duw, mes moy yn tevri aswonnys gans Duw, fatell esowgh ow treylya arta war-tu ha'n elvennow gwann hag ydhil, may fynnowgh bos arta kethyon dhedha avel kyns?

Galatianys 5:13

Rag hwi a veu gelwys dhe rydhses, a vreder, saw na wrewgh dhe'n rydhses ri spas dhe'n kig, mes dre gerensa bedhewgh servysi an eyl dh'y gila.

Efesianys 6:14

Sevewgh, ytho, ha'gas diwglun grogysys gans gwirder, hag ow kwiska an lurik a ewnder,

Filippianys 1:27

Saw bedhes agas bewedh gwiw dhe'n aweyl a Grist, mar tov dh'agas gweles po gortos a-ves, may klewviv ahanowgh, hwi dhe sevel yn unn spyrys gans unn enev, ow strivya war-barth rag fydh an aweyl,

1 Thessalonianys 3:8

Rag ni a vew lemmyn mar sevowgh hwi y'n Arloedh.

2 Thessalonianys 2:15

Ytho, a vreder, sevewgh fast ha synsewgh an hengovyow a dhys'sowgh genen dre lavar po dre lyther.

Ebrowyon 10:23

Synsyn fast dhe brofessyans agan govenek fyrv, rag lel yw ev neb a ambosas;

Ebrowyon 3:14

Rag ni a gevrenn yn Krist pan synsyn agan kynsa fydhyans fyrv dhe'n diwedh.

Ebrowyon 3:6

mes Krist o len avel Mab dres chi Duw. Ha ni yw y ji mar synsyn agan fydhyans ha goeth yn agan govenek, fyrv dhe'n diwedh.

Ebrowyon 4:14

Ytho, a-ban y'gan beus arghoferyas meur re dremenas der an nevow, Yesu, Mab Duw, synsyn fast agan professyans.

1 Peder 2:16

Bedhewgh rydh mes heb gul devnydh a rydhses avel klok droktra, mes kepar ha gwesyon Duw.

2 Peder 2:19

I a ambos rydhses dhedha, kyn fons i aga honan kethwesyon diswrians, rag den mars yw fethys gans nebonan, dhodho ev kethwas gyllys yw.

Lyther Yud 1:3

Hwi garadowyon, ha genev mall dres eghenn a skrifa dhywgh a-dro dh'agan selwyans kemmyn, res o dhymm skrifa dhywgh ow pysi may striffyewgh a-barth an fydh re beu unnweyth kemmynnys dhe'n syns.

Diskwedhyans 2:25

Mes an pyth usi genowgh seulabrys synsewgh ev fast erna dhyffiv.

Diskwedhyans 3:3

Kovha, ytho, fatell re wrussys degemmeres ha goslowes; ha syns fast, ha kemmer edrek. Mar ny vynn'ta difuna, dos a wrav kepar ha lader, ha ny wre'ta godhvos py eur tyffiv er dha bynn.