Galatianys 4:8 - An Bibel Kernewek 20234 (Kernewek Kemmyn)

⁸ Byttegyns y'n eur na pan na aswonnsowgh hwi Duw, yth ewgh kethyon dhe'n re nag yw duwow dre natur;

Galatianys 4:8 ပူးပေါင်းရင်းမြစ်များ

1 Korinthianys 8:4

Rakhenna, a-dro dhe dhybri offrynnow dhe idolys, ni a woer ‘idol y'n bys ma dhe vos travyth’, ha ‘nag eus Duw vyth saw onan.’

2 Thessalonianys 1:8

yn tan ow flammya, ow kul dial war an re na aswonn Duw ha'n re nag yw gostydh dhe aweyl agan Arloedh Yesu.

1 Thessalonianys 4:5

heb passhyon drokhwans kepar ha'n Jentilys na aswonn Duw;

1 Thessalonianys 1:9

An dus na, aga honan, a wra vri a-dro dhyn py par wolkomm a gemmersyn genowgh, ha fatell dreylsowgh dhe Dhuw dhiworth idolys dhe wonis an Duw bew ha gwir,

1 Peder 4:3

Rag lowr yw an termyn usi tremenys dhe wul war-lergh towl an Jentilys ow pesya yn leshyans, drokhwansow, medhwenep, kevewiow gwyls, eva re ha gordhyans idolys yw erbynn lagha.

1 Korinthianys 1:21

Rag yn skentoleth Duw, a-ban na wrug an bys aswonn Duw dre skentoleth, Duw a veu plesys, dre follneth an pyth a veu pregewthys, dhe selwel an re a grys.

Ysay 37:19

ha re dewlis aga duwow y'n tan. I a's distruis, rag ny vons duwow, mes gweyth diwla den, prenn ha men.

2 Kroniklys 13:9

A ny bellhasowgh oferysi an Arloedh, mebyon Aron, ha'n Levysi, ha gul oferysi ragowgh agas honan avel poblow a diryow erell? Piw pynag a dheffo dhe omsakra gans tarow yowynk po seyth hordh a yll dos ha bos oferyas a neppyth nag yw duw.

Efesianys 4:18

tewlhes yn aga brys, alyons dhiworth bewnans Duw dre fowt skians eus ynna i rag kaletter aga holonnow

1 Korinthianys 12:2

Dell wodhowgh, pan ewgh hwi paganys, dynys vewgh, ledys yn stray dhe idolys avlavar, yn py fordh pynag y fewgh ledys.

Yeremia 10:25

Dinew dha gonnar war an kenedhlow na'th aswonnons, ha war an teyluyow na elow war dha hanow: rag i re dhevoryas Yakob; i re'n devoryas ha'y gowldhybri, ha gul dh'y annedh bos ynyal.

Yoshua 24:15

Ha mars yw drog yn agas golok servya an Arloedh, dewisewgh hedhyw pyneyl a servyowgh, po an duwow a wrug agas tasow aga servya dres an avon, po duwow an Amorysi, mayth esowgh trigys yn aga thir; mes my ha'n teylu, ni a serv an Arloedh.’

Yoshua 24:2

Yoshua a leveris dhe oll an bobel, ‘Yndellma y lever an Arloedh, Duw Ysrael: Y'n termyn koth agas tasow a drigas dres an avon – Teragh tas Abraham ha Nahor – hag i a servyas duwow erell.

Eksodus 5:2

Mes Faro a leveris, ‘Piw yw an Arloedh may koelliv orth y lev ha gasa Ysrael dhe vones? Ny aswonnav an Arloedh, ha dhe voy ny asav Ysrael dhe vones.’

1 Yowann 3:1

Otta, py par kerensa re ros an Tas dhyn, bys ma'gan henwir fleghes Duw. Ytho ny'gan aswonn an bys drefenn na'n aswonni ev.

Romanyon 1:28

Ha drefenn nag o da gansa aswonnvos Duw, Duw a's gasas dhe dhrog vrys ha dhe fara divlas.

Oberow 17:23

Rag, ha my ow tremena hag ow hwithra taklow agas gordhyans, my a gavas ynwedh alter mayth o skrifys “Dhe dhuw anwodhvos.” Ytho, an pyth a wordhyowgh yn tiskians, hemma my a iger dhywgh.

Oberow 14:12

ha Barnabas i a henwis Zeus, ha Powl Hermes, drefenn y vos an penn-arethor.

Yowann 1:10

Yth esa ev y'n bys, ha'n bys a veu gwrys ganso, ha ny'n aswonnis an bys.

Yeremia 2:11

A janjyas kenedhel hy duwow, kyn na vons duwow? Mes ow fobel re janjyas hy golewder rag an pyth nag yw dhe les.

Romanyon 1:23

ha treylya golewder Duw na verow yn hevelep imaj densys a beder hag ydhyn hag enyvales peswar-troesek ha pryves.

Yeremia 5:7

Fatell wrav vy gava hemma dhis? Dha fleghes re'm eskasas, ha ti re dhuwow nag yw duwow mann: My a's magas dhe walgh, i a wrug avoutri, hag omguntell yn routhow dhe jiow horys.

Yeremia 16:20

A yll den gul duwow dh'y honan? Nyns yw an re ma duwow!

Galatianys 4:3

Yndella ni ynwedh, pan en ni fleghes, o synsys yn kethneth gans elvennow an bys ma;