Galatianys 4:4 - An Bibel Kernewek 20234 (Kernewek Kemmyn)

⁴ mes pan dheuth keweras an oes, Duw a dhellos y Vab, genys a venyn, genys yn-dann lagha,

Galatianys 4:4 ပူးပေါင်းရင်းမြစ်များ

Jenesis 3:15

Ha my a worr avi yntra jy ha'n venyn, hag yntra dha has jy ha'y has hi. Ev a vrew dha benn ha ty a vrew y seudhel.’

Jenesis 49:10

Ny dreyl an welenn dhiworth Yuda na'n dernwelenn a-dhiworth y dreys, erna dheffo ev neb a's pew; ha dhodho ev y fydh omaj an poblow.

Ysay 48:16

Dewgh nes dhymm, ha klewewgh hemma: A-dhia'n dhallethva ny gewsis yn-dann gel, a-dhia'n termyn may teu an taklow ma ha bos, awottavy! Ha lemmyn an Arloedh Duw re'm dannvonas, gans y spyrys.

Ysay 7:14

Rakhenna, an Arloedh y honan a re dhywgh tokyn. Awotta, an wyrghes a omdhek ha dineythi mab ha hi a'n henow Immanuel.

Yeremia 31:22

Pes termyn a hokydh, A vyrgh dhislel? Rag an Arloedh re greatyas tra nowydh y'n nor: Benyn a dhifres gour.

Zekaria 6:12

Lavar dhodho, Yndellma y lever Arloedh an luyow: Awotta'n gour, Skorrenn y hanow, hag ev a dyv a-dhiworth y le ha drehevel tempel an Arloedh.

Malaki 3:1

Otta, my a dhannvon ow hannas, hag ev a wra pareusi an fordh a-ragov! Ha'n Arloedh a hwilowgh a dheu a-dhesempis dh'y dempel; ha kannas an kevambos, a hwensowgh, otta, ev a wra dos, yn-medh Arloedh an luyow.

Niverow 28:22

ynwedh unn bogh rag offrynn pegh, dhe wul prenedh ragowgh.

Matthew 1:23

‘Awotta, an wyrghes a wra omdhoen ha dineythi mab hag i a'n henow Emmanuel’, yw dhe styrya, Genen ni Duw.

Matthew 3:15

Mes Yesu a worthybis ow leverel dhodho, ‘Gas henna dhe vos lemmyn, rag yndellma y tegoedh dhyn kollenwel pub ewnder.’ Ena ev a assentyas.

Matthew 5:17

‘Na dybewgh my dhe vos devedhys rag diswul an lagha na'n brofoesi; ny dheuth vy dhe dhiswul saw dhe gollenwel.

Mark 1:15

hag ow leverel, ‘Kollenwys yw an termyn, ha gwlaskor Duw re dheuth nes; koedhewgh yn edrek, ha krysewgh y'n aweyl.’

Luk 1:31

Hag otta, ty a gonsev y'th vrys ha dineythi mab, ha ty a'n henow Yesu.

Luk 1:35

Ha'n el a worthybis dhedhi, ‘An Spyrys Sans a dheu warnas, ha nerth an Ughella a'th worskeus; rakhenna an flogh a vydh genys a vydh gelwys Mab Duw.

Luk 2:7

ha hi a dhineythis hy mab kynsa-genys, ha'y vaylya yn lystennow, ha'y worra a'y wrowedh yn presep, rag nag esa le ragdha y'n ostel.

Luk 20:44

Lemmyn mar kwra Davydh y elwel “Arloedh”, fatell yll ev bos y vab?’

Yowann 1:14

Ha'n Ger a veu gwrys kig hag a drigas yn agan mysk, ha ni a welas y wolewder, golewder avel dhe'n unn Vab dineythys a'n Tas, leun a ras hag a wirder.

Yowann 10:36

a yllowgh leverel anodho ev neb a wrug an Tas y sakra ha'y dhannvon y'n bys, “Ty a lever blasfemi”, rag my dhe leverel, “Mab Duw ov vy”?

Yowann 3:16

‘Rag kemmys y karas Duw an bys, may ros ev y unn Vab dineythys, rag nag ella dhe goll neb a grys ynno ev, mes may fe dhodho bewnans heb diwedh.

Yowann 6:38

Rag nyns ov vy devedhys yn-nans dhiworth nev dhe wul ow bolonjedh ow honan, marnas bolonjedh neb a'm dannvonas.

Yowann 8:42

Yn-medh Yesu dhedha, ‘Mar pe Duw agas Tas, hwi a wrussa ow hara; rag my a dheuth dhiworth Duw, hag omma yth esov. Nyns ov vy devedhys ahanav ow honan, mes ev a'm dannvonas.

Oberow 1:7

Ev a leveris dhedha, ‘Nyns yw dhywgh hwi godhvos na prysyow na sesonyow re settyas an Tas der y awtorita y honan.

Romanyon 1:3

a-dro dh'y Vab devedhys a has Davydh war-lergh an kig

Romanyon 15:8

Rag y lavarav dhywgh y teuth Krist ha bos menyster dhe'n re drodreghys rag gwirder Duw, rag surhe an ambosow a veu res dhe'n tasow,

Romanyon 5:6

Ha ni hwath heb gweres, dhe'n ewn dermyn y ferwis Krist rag an re ongrassyes.

Romanyon 8:3

Rag an pyth a veu an lagha dialloes dh'y wul, rag hy bos gwann der an kig, Duw y honan re wrug, ow tannvon y Vab y honan yn hevelep kig a begh, dhe vos offrynn pegh, hag yndella ev a dhampnyas pegh y'n kig,

Romanyon 9:5

dhedha yth yw an ugheldasow hag a'ga eghenn, war-lergh an kig, yw Krist usi a-ugh oll, Duw benniges bys vykken. Amen.

Efesianys 1:10

avel towl rag keweras an termynyow, dhe guntell pup-tra war-barth yn Krist, an taklow yn nev, ha'n re y'n nor, ynno ev;

Kolossianys 2:14

ow tefendya an akont-skrif esa er agan pynn, gans y ordenansow, hag ev a'n kemmeras dhe-ves, orth y gentra orth an grows;

1 Timothi 2:6

neb a omros yn daspren rag pub den oll, an dustuni degys y'n termyn gwiw.

1 Timothi 3:16

Res yw avowa, meur, dhe wir, yw an kevrin a sansoleth: Diskwedhys veu y'n kig, prevys ewn y'n Spyrys, gwelys gans eledh, pregewthys ynter an Jentilys, krysys y'n bys, kemmerys yn-bann yn splannder.

Ebrowyon 2:14

Ytho, a-ban gemmeras an fleghes rann yn kig ha goes, ev y honan a gevrennas a'n keth traow, may tistrua, dre vernans, neb a'n jeves galloes mernans, henn yw, an jowl,

Ebrowyon 9:10

marnas dyghtya boes ha diwes hag omwolghans liesek, ordenansow an kig, gorrys warnedha bys termyn dasfurvyans.

1 Yowann 4:14

Ha ni re welas ha ni a deg dustuni, y hwrug an Tas dannvon an Mab dhe vos Selwador an bys.

1 Yowann 4:2

Dredhi yth aswonnowgh Spyrys Duw: pub spyrys a avow Yesu Krist dhe vos devedhys y'n kig, yma ev a Dhuw.