Galatianys 4:26 - An Bibel Kernewek 20234 (Kernewek Kemmyn)

²⁶ Mes an Yerusalem usi a-vann yw frank, neb yw agan mamm.

Galatianys 4:26 ပူးပေါင်းရင်းမြစ်များ

Ysay 50:1

Yndellma y lever an Arloedh: Ple'ma testenn torrva demmedhyans dha vamm, gensi ma's gorris dhe-ves? Po py a'm kresysoryon yw dhodho ma'th werthis vy? Otta, drefenn dha beghosow y feus gwerthys, ha rag dha dreuspassow y feu dha vamm gorrys dhe-ves.

Ysay 52:9

Germewgh gans joy, hwi vagoryow a Yerusalem; rag an Arloedh re gonfortyas y bobel, ev re dhasprenas Yerusalem.

Ysay 65:18

Mes lowenhewgh ha bedhewgh heudhik bys vykken y'n pyth a wrav y greatya; rag awottavy ow kreatya Yerusalem dhe vos joy, ha'y fobel heudhder.

Ysay 66:10

Lowenhewgh gans Yerusalem ha bedhewgh heudh rygdhi, oll hwi neb a's kar; lowenhewgh yn feur gensi, oll hwi neb a gyn warnedhi;

Hosea 2:2

Kuhudhewgh agas mamm, kuhudhewgh: rag nyns yw hi ow gwreg, ha nyns ov vy hy gour. Kemmeres hi hy dijastita mes a'y golok, ha'y avoutri dhiworth hy diwvronn,

Hosea 2:5

Aga mamm a wrug avoutri, hi neb a's omdhuk re oberis yn tivlas: rag hi a leveris, ‘My a hol ow haroryon, neb a re dhymm ow bara ha'm dowr, ow gwlan ha'm lin, ow oyl ha'm diwes.’

Hosea 4:5

Ty a drebuch dydhweyth, an profoes ynwedh a drebuch nosweyth, ha my a dhistru dha vamm.

Yoel 3:17

Yndellma hwi a wodhvydh my dhe vos an Arloedh agas Duw, trigys yn Sion, ow menydh sans. Ha Yerusalem a vydh sans, ha nevra ny wra estrenyon tremena dredhi namoy.

Yowann 8:36

Ytho mar kwra an Mab agas rydhhe, rydh yn tevri a vydhowgh.

Romanyon 6:14

Rag ny'n jevydh pegh maystri warnowgh, a-ban nag esowgh yn-dann lagha mes yn-dann ras.

Romanyon 6:18

ha wosa bos delivrys dhiworth pegh devedhys owgh ha bos kethyon dhe ewnder.

Galatianys 4:22

Rag skrifys yw bos dew vab dhe Abraham, an eyl a gethes ha'y gila a venyn rydh.

Galatianys 4:25

Hagar yw menydh Sinay yn Arabia hag a styr Yerusalem, kepar dell yw y'n eur ma, rag kethes yw hi keffrys ha'y fleghes.

Galatianys 5:1

Rag rydhses y hwrug Krist agan delivra; rakhenna sevewgh fast, na vedhewgh maglennys arta yn-dann yew a gethneth.

Filippianys 3:20

Rag yma agan sita y'n nevow, ha ni a wayt gans mall Selwador dhiworti, an Arloedh Yesu Krist,

Ebrowyon 12:22

Mes hwi re dheuth dhe venydh Sion ha sita an Duw bew, Yerusalem an nevek, ha dhe eledh dres niver yn kuntelles solem,

1 Peder 2:16

Bedhewgh rydh mes heb gul devnydh a rydhses avel klok droktra, mes kepar ha gwesyon Duw.

Diskwedhyans 12:1

Ha tokyn bras a veu gwelys yn nev; benyn gwiskys gans an howl, ha'n loer yn-dann hy threys, ha kurun a dhewdhek sterenn war hy fenn;

Diskwedhyans 17:5

Ha war hy thal o skrifys hanow, yw mysteri, ‘Babylon vras, mamm oll horys ha taklow kasadow an nor.’

Diskwedhyans 21:2

Ha my a welas an sita sans, Yerusalem nowydh, ow tiyskynna yn-mes a nev dhiworth Duw, parys kepar ha benyn bries afinys rag hy gour.

Diskwedhyans 3:12

Neb a fettho, my a'n gwra koloven yn tempel ow Duw, ha ny wra ev mos yn-mes anodho namoy, ha hanow ow Duw a skrifav warnodho, ha hanow sita ow Duw, Yerusalem nowydh, ow tiyskynna yn-mes a'n nev dhiworth ow Duw, ha'm hanow nowydh ynwedh.