Galatianys 4:19 - An Bibel Kernewek 20234 (Kernewek Kemmyn)

¹⁹ Ow fleghesigow, mayth esov arta yn gloesow genesigeth ragowgh bys pan vo Krist formys ynnowgh,

Galatianys 4:19 ပူးပေါင်းရင်းမြစ်များ

Ysay 53:11

Wosa godhevyans y enev, ev a wel golow, ha kontentys vydh; der y wodhvos ow gwas gwiryon a ewnha lies, hag ev a dheg aga hammweythresow.

Luk 22:44

Ha devedhys yn angoes ev a bysi moy ter; ha'y hwys a dheuth ha bos kepar ha bannaghow a woes ow troppya war an dor.

Romanyon 13:14

Mes gwisk an Arloedh Yesu Krist, ha na dharbar dhe'n kig, rag y lustys.

Romanyon 8:29

Rag an re a ragaswonnis, ev a's ragdhestnas ynwedh dhe vos kesfurvys yn imaj y Vab, rag may fo ev an kynsa-genys yn mysk breder pals.

2 Korinthianys 12:14

Otta, parys ov vy dhe dhos dhywgh an tressa gweyth, ha ny vydhav vy begh warnowgh; rag ny hwilav agas pythow, mes hwi. Rag ny dhegoedh dhe'n fleghes kuntell tresor a-barth aga herens, mes an gerens a-barth aga fleghes.

Efesianys 4:13

erna dhyffyn ni oll dhe unnsys an fydh hag aswonnvos Mab Duw, yn gour perfydh, dhe'n musur a'n adhvetter a'n leunder a Grist,

Efesianys 4:24

ha dhe wiska an den nowydh yw gwrys war-lergh Duw yn ewnder ha sansoleth a dheu dhiworth an gwir.

Filippianys 1:8

Rag Duw yw ow thest fatell yeunav ragowgh hwi oll yn kolodhyon Krist Yesu.

Filippianys 2:17

Mes dhe wir, mars ov skoellys avel offrynn diwes war agas sakrifis ha'n gonis a'gas fydh, my a lowenha ha keslowenhe genowgh hwi oll;

Filippianys 2:5

Kemmerewgh yn agas mysk an tybyans ma esa ynwedh yn Krist Yesu;

Kolossianys 1:27

dhe neb Duw a vynnas diskudha pyth yw rychys splannder an mysteri ma yn mysk an Jentilys, yw Krist ynnowgh hwi, govenek an splannder.

Kolossianys 2:1

My a vynn hwi dhe wodhvos pygemmys yw an strivyans usi genev ragowgh hwi, ha rag an re usi yn Laodikea, ha peub na welas ow fas vy y'n kig,

Kolossianys 3:10

ha wosa gwiska an den nowydh, daswrys yn godhvos war-lergh an imaj a neb a'n gwrug.

Kolossianys 4:12

Epafras a'gas dynnergh, onan ahanowgh, kethwas Krist Yesu, ow strivya pup-prys ragowgh yn y bysadow, may seffowgh perfydh ha surhes yn tien y'n bolonjedh oll a Dhuw.

1 Thessalonianys 2:7

kyn hyllyn poesa warnowgh avel abesteli Krist. Mes klor en ni yn agas mysk kepar ha mammeth ow chershya hy fleghes.

1 Timothi 1:2

Dhe Timothi, ow gwir flogh y'n fydh: Gras, tregeredh ha kres dhiworth Duw an Tas ha Krist Yesu agan Arloedh.

Titus 1:4

Dhe Titus, ow gwir flogh war-lergh an fydh yw rynnys genen: Gras ha kres dhiworth Duw an Tas ha Krist Yesu agan Selwador.

Filemon 1:10

ha my a'th pys rag ow mab, neb a dhineythis y'm kolmow, Onesimus,

Filemon 1:19

My, Powl, re skrifas gans ow dorn ow honan, my a wra attyli – heb leverel dhis ty dhe vos dha honan yn kendon dhymmo vy!

Ebrowyon 5:7

Yn dydhyow y gig, Yesu a brofyas pysadow ha govynnadow, gans kriow ughel ha dagrow, dhe neb a ylli y dhelivra dhiworth mernans hag ev a veu klewys drefenn y own a Dhuw.

Jamys 1:18

Gans y vynnas ev, ev a'gan dineythis dre er a wiryonedh, may fen ni avel an kynsa frut a'y greaturs.

1 Yowann 2:1

Ow fleghigyow, an re ma a skrifav dhywgh, rag na begghowgh. Ha mar pegh denvyth, yma dhyn pledyas gans an Tas, Yesu Krist, an gwiryon.

1 Yowann 2:12

My a skrif dhywgh hwi, fleghigyow, drefenn bos gevys dhywgh agas peghosow a-barth y hanow ev.

1 Yowann 5:21

A fleghigyow, omwithewgh rag idolys.

3 Yowann 1:4

Ny allav kavoes lowender brassa es hemma, my dhe wodhvos y kerdh ow fleghes y'n gwirder.