Galatianys 4:16 - An Bibel Kernewek 20234 (Kernewek Kemmyn)

¹⁶ Ytho a dheuth vy ha bos agas eskar rag my dhe leverel an gwirder dhywgh?

Galatianys 4:16 ပူးပေါင်းရင်းမြစ်များ

1 Myghternedh 21:20

Ahab a leveris dhe Elias, ‘A'm kevsys, ow eskar?’ Ev a worthybis, ‘My re'th kavas. Drefenn ty dhe wertha dha honan dhe wul an pyth yw drog yn golok an Arloedh,

1 Myghternedh 22:27

ha leverel, “Yndellma y lever an myghtern: Gorr an gwas ma y'n prison, ha'y voesa orth ewnrannow lehes a vara hag a dhowr bys pan dhov yn kres.” ’

1 Myghternedh 22:8

Myghtern Ysrael a leveris dhe Yehoshafat, ‘Yma hwath ken onan may kovynnyn a'n Arloedh dredho, Mikaya mab Ymla; mes my a'n kas, rag ny dhargan dader dhymm, marnas drog.’ Yehoshafat a leveris, ‘Na leveres an myghtern tra a'n par na.’

2 Kroniklys 25:16

Mes hag ev ow kewsel an myghtern a leveris dhodho, ‘A'th wrussyn kusulyador ryel? Hedh! Prag y tegoedh ty dhe vos ledhys?’ An profoes a hedhis, mes y leveris, ‘My a woer Duw dhe ervira dha dhistrui, drefenn ty dhe wul hemma ha drefenn na woslewsys orth ow husul.’

Salmow 141:5

Gwres den gwiryon ow gweskel, gwres den len ow rebukya. Na as dhe oyl an tebelwas untya ow fenn, rag ow fysadow a vydh prest erbynn aga drogoberow.

Lavarow Koth 9:8

Na geredh skornyer poken ev a'th kas; keredh den fur hag ev a'th kar.

Amos 5:10

Kasa a wrons an den a geredh y'n yet, hag aborrya an den a gews an gwirder kowal.

Yowann 7:7

Ny yll an bys agas kasa, mes ev a'm kas, rag my a dheg dustuni anodho, y wriansow dhe vos drog.

Yowann 8:45

Mes rag my dhe leverel an gwir, ny wrewgh ow krysi.

Galatianys 2:14

Mes pan gonvedhis vy na gerdhens i yn ewnhynsek herwydh gwiryonedh an aweyl, my a leveris dhe Kefas a-dheragdha yn kettep penn, ‘Mar pewydh jy, ha ty Yedhow, yn maner an Jentilys ha ny vewydh yn maner an Yedhewon prag y konstrynydh jy an Jentilys a vewa kepar dell vens i Yedhewon?’

Galatianys 2:5

ny omblegsyn ni toch vyth dhedha yn gostytter, may halla gwiryonedh an aweyl pesya ragowgh.

Galatianys 4:15

Ple'ma agas bennesikter ytho? Rag desta a wrav, y hwrussewgh terri mes agas dewlagas, mar kallewgh, ha'ga ri dhymm.

Galatianys 4:17

Diwysyk yns i ragowgh, drog aga bodh, ha mynnes orthowgh bos kes mes, rag may fowgh hwi diwysyk a-barth dhedha i.

Galatianys 5:7

Yth esewgh hwi ow poenya yn ta; piw a'gas lettyas a obaya dhe'n gwiryonedh?