Galatianys 4:14 - An Bibel Kernewek 20234 (Kernewek Kemmyn)

¹⁴ hag yn despit dhe'n prevyans a veu dhywgh y'm kig, ny wrussowgh hwi dispresya na fia, mes hwi a'm degemmeras kepar hag el a Dhuw, kepar ha Krist Yesu.

Galatianys 4:14 ပူးပေါင်းရင်းမြစ်များ

2 Samuel 14:17

Lemmyn dha vaghteth a lever, “Re rollo ger ow arloedh an myghtern powesva dhymm, rag avel el Duw, yndella yw ow arloedh an myghtern ow tissernya yntra da ha drog. Re bo an Arloedh dha Dhuw genes.” ’

2 Samuel 19:27

Ev re sklandras dha was dhe'm arloedh an myghtern. Mes ow arloedh an myghtern yw avel el Duw; ytho gwra an pyth yw da y'th wolok.

Job 12:5

Tus yw attes a dhispres anfeus, mes parys yw hi rag tus may hwra aga dewdroes trebuchya.

Salmow 119:141

Byghan ov vy ha dispresys, mes ny ankovav dha arghadowyow.

Ekklesiastes 9:16

Hag yn-medhav, ‘Gwell yw furneth ages galloes, mes furneth an boghosek yw dispresys, ha nyns yw klewys y gusul.’

Zekaria 12:8

Y'n jydh na an Arloedh a vydh skoes dhe drigoryon Yerusalem; ev neb yw difredh yn aga mysk an jydh na a vydh avel Davydh, ha chi Davydh a vydh avel Duw, avel el an Arloedh a-ragdha.

Malaki 2:7

Rag y koedh dhe dhiwweus an oferyas gwitha skians, hag y tal dhe dus hwilas dyskans a'y anow, drefenn y vos kannas Arloedh an luyow.

Matthew 10:40

‘Neb a'gas degemmer hwi, a'm degemmer vy, ha piwpynag a'm degemmerro vy a dhegemmer neb a'm dannvonas.

Matthew 18:5

ha piwpynag a dhegemmerro unn flogh a'n par ma y'm hanow vy, ev a'm degemmer vy.

Matthew 25:40

Hag y hwra an Myghtern gorthybi ow leverel dhedha, “Yn hwir y lavarav dhywgh, par dell y'n gwrussowgh dhe onan a'n lyha a'm breder ma, dhymmo vy y'n gwrussowgh.”

Luk 10:16

‘Neb a'gas klew a'm klew vy, ha neb a'gas skon a'm skon vy; ha neb a'm skon vy a'n skon ev neb a'm dannvonas vy.’

Yowann 13:20

Yn hwir, yn hwir y lavarav dhywgh, neb a dhegemmer piwpynag a dhannvenniv a wra ow degemmeres vy, ha neb a'm degemmer vy a dhegemmer neb a'm dannvonas.’

1 Korinthianys 1:28

Duw a dhewisas an traow isel ha dispresys y'n bys, an re nag yw travyth, may tefentya taklow hag yw neppyth,

1 Korinthianys 4:10

Fellyon rag Krist yth on ni, mes skentel yn Krist yth owgh hwi; gwann yth on ni, mes krev yth owgh hwi; yn enor yth owgh hwi synsys, mes disenorys yth on ni.

2 Korinthianys 5:20

Rakhenna, a-barth Krist kannasow on ni, kepar dell vo Duw ow pledya dredhon. Ni a'gas pys, a-barth Krist, bedhewgh unnverhes gans Duw.

Galatianys 3:26

Rag yth owgh hwi oll mebyon Duw dre fydh yn Krist Yesu,

Galatianys 3:28

Ny yllir bos namoy Yedhow na Grek, na keth na den rydh, na gorow na benow, rag yth owgh hwi oll onan yn Krist Yesu,

Galatianys 4:13

mes hwi a woer, dre gleves a'n kig y pregewthis dhywgh y'n dalleth,

Galatianys 4:15

Ple'ma agas bennesikter ytho? Rag desta a wrav, y hwrussewgh terri mes agas dewlagas, mar kallewgh, ha'ga ri dhymm.

1 Thessalonianys 2:13

Ha rakhemma ni ynwedh a ras dhe Dhuw heb hedhi, pan dhegemmersowgh ger Duw a glewsowgh ahanan, na wrussowgh y dhegemmeres avel ger mab-den, mes avel ger Duw, dell yw yn hwir, a wra oberi ynwedh ynnowgh hwi neb a grys.

1 Thessalonianys 4:8

Rakhenna, neb a skon, ny wra skonya mab-den mes Duw a re y Spyrys Sans dhywgh ynwedh.

Ebrowyon 13:2

Na ankevewgh wolkomma estrenyon, rag yndellma nebes re wolkommas eledh heb y wodhvos.