Galatianys 3:21 - An Bibel Kernewek 20234 (Kernewek Kemmyn)

²¹ Ytho yw an lagha erbynn ambosow Duw? Bynner re bo! Rag mar pe lagha res a allsa bewhe, ewnder a via devri dhiworth lagha;

Galatianys 3:21 ပူးပေါင်းရင်းမြစ်များ

Luk 20:16

Ev a dheu ha distrui an diogyon na, ha ri an winlann dhe erell.’ Pan glewsons hemma i a leveris, ‘Bynner re bo!’

Romanyon 3:31

A dhomhwelyn an lagha gans fydh? Kammenn vyth! Yn konter, ni a venten an lagha.

Romanyon 3:4

Kammenn vyth! Bedhes Duw gwir kyn fo pub den fals, dell yw skrifys, ‘Rag may fi prevys ewn y'th heryow ha tryghi pan vi breusys.’

Romanyon 3:6

Kammenn vyth! Poken fatell allsa Duw breusi an bys?

Romanyon 9:31

mes Ysrael ow siwya lagha a ewnder ny dhrehedhas dhe'n lagha.

2 Korinthianys 3:7

Lemmyn mar teuth an menystrans a ankow yn golewder, grevys yn leghyon a ven, ma na allas mebyon Ysrael hwithra war fas Moyses drefenn golewder y fas, ow tremena dhe-ves dell esa,

Galatianys 2:17

Mes mars on ni, neb a hwila bos justifiys yn Krist, agan honan kevys dhe vos peghadoryon, yw Krist ytho menyster a begh? Bynner re bo!

Galatianys 2:19

Rag der an lagha my a verwis dhe'n lagha, may fewen vy dhe Dhuw. Krowsys veuv gans Krist;

Galatianys 2:21

Ny wrav vy dilea gras Duw; rag mar pe ewnder der an lagha ytho Krist a verwis yn euver.

Galatianys 6:14

Bynner re bo bostyans dhymmo vy, saw yn krows agan Arloedh Yesu Krist, ha dredhi an bys ma krowsys dhymm ha my dhe'n bys.

Ebrowyon 11:7

Dre fydh Noy wosa bos gwarnys gans Duw a-dro dhe daklow na veu gwelys hwath, hag ev ownek, a dhrehevis gorhel rag sawya y vayni; dre hemma ev a dhampnyas an bys ha dos ha bos her an ewnder a dheu dre fydh.

Ebrowyon 7:18

A'n eyl dorn, gorhemmynn koth yw settys a-denewen rag y vos gwann ha heb les

Ebrowyon 7:19

(rag ny wrug an lagha travyth perfydh); a'y gila, govenek gwell yw dres, dredho may teun nes dhe Dhuw.