Galatianys 3:19 - An Bibel Kernewek 20234 (Kernewek Kemmyn)

¹⁹ Prag ytho an lagha? Keworrys veu drefenn drogoberow, erna dheffo an hasenn may feu gwrys dhedhi an ambos, ordenys der eledh, yn leuv mayn.

Galatianys 3:19 ပူးပေါင်းရင်းမြစ်များ

Salmow 106:23

Rakhenna ev a leveris y hwrussa aga diswul, na saffa Moyses y dhewisys a-dheragdho y'n aswa, rag treylya y sorr dhe-ves ma na's diswrello.

Levitikus 15:32

Hemm yw an lagha rag neb a'n jeves sygerans, ha ragdho ev mayth eus dyllans has dhiworto, dredho mayth yw avlan;

Luk 16:31

Ev a leveris dhodho, “Mar ny woslowons orth Moyses ha'n brofoesi, namoy ny grysons mar sev nebonan dhiworth an re varow.” ’

Yowann 1:17

rag an lagha a veu res dre Moyses; gras ha gwirder a dheuth dre Yesu Krist.

Yowann 15:22

Mar ny wrellen vy dos ha kewsel orta, ny's tevia pegh; mes lemmyn nyns eus dhedha askus, dre reson aga fegh.

Oberow 7:38

Hemm yw neb esa y'n kuntelles y'n gwylvos gans an el a leveris dhodho yn menydh Sinay, ha gans agan tasow; hag ev a dhegemmeras lavarow bew dhe ri dhyn,

Oberow 7:53

hwi neb a dhegemmeras an lagha dell veu res gans eledh, ha neb na'n gwithas.’

Romanyon 2:13

Rag nyns yw goslowysi an lagha hag yw justifiys a-rag Duw, mes gwrioryon an lagha hag a vydh prevys ewn.

Romanyon 4:15

Rag an lagha a wra konnar, mes le nag eus lagha nyns eus torrva-lagha.

Galatianys 3:16

Y feu leverys an ambosow dhe Abraham ‘Ha dh'y hasenn.’ Ny leverir ‘Ha dhe'n hasennow’, kepar dell ve a-dro dhe lies, mes a-dro dhe onan, ‘Ha dhe'th hasenn’, hag yw Krist.

Dewteronomi 33:2

Ev a leveris: An Arloedh a dheuth dhiworth Sinay, ha tardha warnedha dhiworth Seir; ev a splannas dhiworth menydh Paran, hag ev a dheuth gans degow a vilyow a syns; ha tan a flammyas dhiworth y leuv dhyghow.

Dewteronomi 5:5

Yth esen vy ow sevel ynter an Arloedh ha hwi y'n tor' na dhe dherivas dhywgh ger an Arloedh; rag hwi a gemmeras own a'n tan, ha ny yskynnsowgh dhe'n menydh. Ev a leveris,

Ebrowyon 2:2

Rag mars o fyrv an ger kewsys gans an eledh, ha mar tegemmeri pub kammweyth po diwostytter attal ewn,

Ebrowyon 2:5

Rag ny veu yn-dann eledh y hworras Duw an bys dhe dhos, hag anodho dell gewsyn.