Galatianys 2:9 - An Bibel Kernewek 20234 (Kernewek Kemmyn)

⁹ hag ow konvedhes an gras re beu res dhymm, Jamys ha Kefas ha Yowann, hag i an kolovenyow dell dybys, a ros an dhorn dhyghow a gowethyans dhymm ha dhe Barnabas, mayth ellen ni dhe'n Jentilys, hag i aga honan dhe'n dus trodreghys;

Galatianys 2:9 ပူးပေါင်းရင်းမြစ်များ

2 Myghternedh 10:15

Wosa dhiberth alena ev a vetyas orth Yehonadab mab Rekab ow tos dhe vetya orto; ev a'n salusis ha leverel dhodho, ‘Yw dha golonn len, kepar dell yw ow holonn len dhis?’ Yehonadab a worthybis, ‘Yw.’ ‘Mars yw, roy dhymm dha leuv.’ Hag ev a ros dhodho y leuv; hag ev a'n drehevis dhodho y'n charett.

Matthew 16:18

Ha my a lever dhis, ty yw Peder ha war an garrek ma y trehavav ow eglos, ha porthow ifarn ny wra hy thryghi.

Luk 22:8

hag ev a dhannvonas Peder ha Yowann yn-kerdh ow leverel, ‘Kewgh dhe bareusi dhyn an pask, rag ma'n dyppryn.’

Yowann 1:42

Ev a'n dros dhe Yesu. Yesu a viras orto ha leverel, ‘Ty yw Simon mab Yowann. Ty a vydh henwys Kefas’ (yw treylys, Karrek).

Oberow 12:17

Ev a wrug sin dhedha gans y leuv may tawens, ha derivas dhedha fatell wrug an Arloedh y hembronk mes a'n prison, ha leverel, ‘Derivewgh an taklow ma dhe Jamys ha dhe'n vreder.’ Ena ev a omdennas ha mos dhe gen tyller.

Oberow 15:13

Wosa i dhe synsi taw, Jamys a worthybis, ow leverel, ‘Breder, goslowewgh orthiv.

Oberow 15:7

Wosa meur a dhadhelva, Peder a sevis yn-bann ha leverel dhedha, ‘Breder, dell gonvedhowgh, nans yw pell Duw a wrug dewis yn agas mysk, may klewva an Jentilys ger an aweyl der ow ganow vy, ha krysi.

Oberow 4:36

Ha Yosep, henwys gans an abesteli Barnabas (treylys, henn yw ‘mab konfort’) Levyas, genesik a Kyprus,

Romanyon 1:5

may kemmersyn gras hag abostolieth dredho rag dri gostytter fydh yn mysk oll an kenedhlow a-barth y hanow ev,

Romanyon 12:3

Rag y lavarav der an ras res dhymm dhe beub usi yn agas mysk na'n jeffo tybyansow ughel dres an pyth y tegoedh y dybi, mes may typpo gans brys sevur, herwydh an myns a fydh a rannas Duw dhodho.

Romanyon 15:15

Ha my a skrifas dhywgh moy hardh, yn rann dhe dhri dh'agas kov, der an ras a veu res dhymm gans Duw,

1 Korinthianys 15:10

mes dre ras Duw yth ov vy an pyth hag yth ov, ha nyns o euver y ras orthiv. Yn kontrari, my a lavuryas yn kreffa agessa oll, kyn nag o my, mes gras Duw usi genev.

2 Korinthianys 11:5

Byttegyns, my a dyb nag ov kammenn vyth gweth ages an abesteli worughel ma.

2 Korinthianys 12:11

Deuvev ha bos foll; hwi re'm konstrynas. Y telledh ow bos kommendys genowgh hwi, rag ny fyll dhymm travyth a'n abesteli worughel, kyn na viv evy travyth.

2 Korinthianys 8:4

ow kovynn yn ter an gras dhe gevrenna y'n menystrans dhe'n syns;

Galatianys 1:16

diskwedhes y Vab ynnov, ma'n pregowtthen yn mysk an Jentilys, a-dhesempis ny wrug vy omgusulya gans kig na goes,

Galatianys 1:18

Ena wosa teyr blydhen yth yskynnis bys yn Yerusalem dhe omgusulya gans Kefas, ha triga ganso pymthek dydh,

Galatianys 2:1

Ena wosa peswardhek blydhen yth yskynnis arta dhe Yerusalem gans Barnabas, ow kemmeres Titus genev ynwedh;

Galatianys 2:2

my a yskynnas dre dhiskwedhyans ha gorra a-dheragdha an aweyl a bregowthav yn mysk an Jentilys, yn priva dhe dus a vri, ma na vien ow poenya po na wrussen poenya war neb kor yn euver.

Galatianys 6:3

Rag mar tyb neb den y vos neppyth pan nag yw ev travyth, ev a omdoell.

Efesianys 2:20

drehevys war sel an abesteli ha'n brofoesi, Krist Yesu y honan ow pos an pennmen.

Efesianys 3:8

Dhymmo vy, yw le ages an lyha a'n syns oll, y feu res an ras ma dhe bregoth dhe'n Jentilys an rychys a Grist yw dres hwithra,

Kolossianys 1:29

Rag hemma, my a lavur, ow strivya gans y oberyans owth oberi ynnov gans nerth.

1 Timothi 3:15

Mes mar strechyav, ty a wra godhvos fatell yw res omdhegi yn mayni Duw, yw eglos an Duw bew, an pilar ha'n grond a wiryonedh.

1 Yowann 1:3

an pyth re welsyn ha re glewsyn a dherivyn orthowgh ynwedh, rag ma'gas bo kowethyans genen: hag yn hwir yma agan kowethyans ni gans an Tas ha gans y Vab, Yesu Krist.

Diskwedhyans 3:12

Neb a fettho, my a'n gwra koloven yn tempel ow Duw, ha ny wra ev mos yn-mes anodho namoy, ha hanow ow Duw a skrifav warnodho, ha hanow sita ow Duw, Yerusalem nowydh, ow tiyskynna yn-mes a'n nev dhiworth ow Duw, ha'm hanow nowydh ynwedh.