Galatianys 2:6 - An Bibel Kernewek 20234 (Kernewek Kemmyn)

⁶ Mes a-dhiworth an re a dybys bos neppyth, – py sort pynag yns ny vern dhymm; nyns usi Duw ow favera tremmynn denvyth – an dus enorys na, ny geworrsons travyth dhymmo vy,

Galatianys 2:6 ပူးပေါင်းရင်းမြစ်များ

Job 34:19

neb na dhiskwa faverans dhe bennsevigyon, ha na faver an wolusogyon moy es an voghosogyon, drefenn i oll dhe vos ober y leuv?

Matthew 22:16

Hag i a dhannvonas dhodho aga dyskyblon gans an Herodyanys, ow leverel, ‘Mester, ni a woer dha vos gwir, hag ow tyski fordh Duw yn gwiryonedh, ha ny'th teur mann a dhenvyth rag ny virydh orth fas tus.

Mark 12:14

Ha pan dheuthons yn-medhons dhodho, ‘Mester, ni a woer ty dhe vos gwir, ha ny'th teur mann a dhenvyth; rag ny virydh orth fas tus, mes ty a dhysk fordh Duw yn gwiryonedh. Yw lafyl ri trubyt dhe Sesar, po nag yw? A ren ni po na ren?’

Luk 20:21

I a wovynnas orto ha leverel, ‘Mester, ni a woer ty dhe gewsel ha dhe dhyski yn ewn, ha ny wre'ta plegya dhe fas denvyth, marnas dyski fordh Duw yn lenduri.

Oberow 10:34

Ha Peder a igoras y anow ha leverel, ‘Yn hwir, my a gonvedh na syns Duw denvyth a-ugh y gila,

Oberow 5:36

Rag nans yw neb termyn Thewdas a sevis, ow leverel y vos nebonan, ha dhodho niver a wer a junyas, a-dro dhe beswar kans anedha; ev a veu ledhys, ha kemmys a obaya dhodho a veu skoellys a-les ha ny dheuthons dhe dravyth.

Romanyon 2:11

Rag nyns eus faverans gans Duw.

2 Korinthianys 11:5

Byttegyns, my a dyb nag ov kammenn vyth gweth ages an abesteli worughel ma.

2 Korinthianys 12:11

Deuvev ha bos foll; hwi re'm konstrynas. Y telledh ow bos kommendys genowgh hwi, rag ny fyll dhymm travyth a'n abesteli worughel, kyn na viv evy travyth.

2 Korinthianys 5:16

Ytho, alemma rag, ny aswonnyn ni denvyth yn maner dhenel; yn tevri, mar aswonnsyn ni Krist yn maner dhenel, lemmyn ny'n aswonnyn yndella na fella.

Galatianys 2:2

my a yskynnas dre dhiskwedhyans ha gorra a-dheragdha an aweyl a bregowthav yn mysk an Jentilys, yn priva dhe dus a vri, ma na vien ow poenya po na wrussen poenya war neb kor yn euver.

Galatianys 6:3

Rag mar tyb neb den y vos neppyth pan nag yw ev travyth, ev a omdoell.

Dewteronomi 10:17

Rag an Arloedh agas Duw yw Duw a'n duwow hag Arloedh a'n arlydhi, an Duw bras ha krev hag euthyk, nag eus dhodho faverans, ha na gemmer falswober;

Ebrowyon 13:17

Bedhewgh gostydh dh'agas hembrenkysi hag uvel dhedha; rag ymons i ow kwitha war agas enev, avel tus a goedh ri akont; gesewgh i dhe wul hemma yn lowen, heb kyni yn tristans, rag ny via henna dh'agas les.

Ebrowyon 13:7

Perthewgh kov a'gas hembrenkysi, an re a gewsis ger an Arloedh dhywgh; prederewgh a siwyans aga bewedh ha gul war-lergh aga fydh.

1 Peder 1:17

Ha mar kelwowgh warnodho avel Tas, ev neb a vreus heb plegyans war-lergh gwrians pub den, gwrewgh spena termyn agas godrik yn own.