Galatianys 2:2 - An Bibel Kernewek 20234 (Kernewek Kemmyn)

² my a yskynnas dre dhiskwedhyans ha gorra a-dheragdha an aweyl a bregowthav yn mysk an Jentilys, yn priva dhe dus a vri, ma na vien ow poenya po na wrussen poenya war neb kor yn euver.

Galatianys 2:2 ပူးပေါင်းရင်းမြစ်များ

Ekklesiastes 10:1

Kelyon marow a wra dhe unyent an perfumyer flerya; boghes follneth yw poesa es meur a furneth.

Matthew 10:16

‘Awotta, my a'gas dannvon yn-mes avel deves yn mysk bleydhi; rakhenna bedhewgh fur avel serf ha gwiryon avel kelemmi.

Oberow 15:12

Oll an routh a dewis, ha klewes Barnabas ha Powl ow terivas pana doknys ha marthusyon a wrug Duw yn mysk an Jentilys dredha.

Oberow 15:2

Ha pan esa dhe Powl ha Barnabas meur a gedrynn ha dadhel gansa, i a dhewisas Powl ha Barnabas ha re erell anedha dhe dhos yn-bann dhe'n abesteli ha'n henavogyon yn Yerusalem a-dro dhe'n govynn ma.

Oberow 15:4

Pan dheuthons yn Yerusalem, wolkommys vons gans an eglos ha'n abesteli ha'n henavogyon, hag i a dherivas an taklow re wrussa Duw dredha.

Oberow 18:9

Hag y'n nos, an Arloedh a leveris dhe Powl yn gwelesigeth, ‘Na borth own, mes kows ha na daw,

Oberow 23:11

An nessa nos, an Arloedh a dheuth dhodho ha leverel, ‘Gwellha dha jer, rag dell dhuges dustuni dhe'n taklow a-dro dhymm yn Yerusalem, yndella y telledh ty dhe dhoen dustuni yn Rom ynwedh.’

Oberow 5:34

Mes unn Farise y'n konsel henwys Gamaliel, dyskador a'n lagha hag enorys gans oll an bobel, a sevis yn-bann, hag erghi may fe an wer gorrys yn-mes termyn berr,

Romanyon 9:16

Ytho nyns yw drefenn bodh den na drefenn lavur den mes drefenn tregeredh Duw.

1 Korinthianys 1:23

mes ni a bregoth Krist krowsys, sklander dhe Yedhewon ha follneth dhe Jentilys,

1 Korinthianys 2:2

Rag my a erviras na wodhyen travyth yn agas mysk marnas Yesu Krist hag ev krowsys.

1 Korinthianys 9:24

A ny wodhowgh hwi bos an resoryon oll yn resegva ow kesstrivya, mes ny dhendil an gober marnas onan? Y'n for' ma gwrewgh ma'n kyffowgh.

1 Korinthianys 9:26

Ytho, ny resav heb towl, ny voksusav avel onan ow kweskel ayr;

2 Korinthianys 12:1

Y telledh my dhe vostya; nyns yw dhe les, byttegyns my a wra dos dhe welesigethow ha diskwedhyansow a'n Arloedh.

Galatianys 1:12

rag ny's degemmeris dhiworth denvyth na ny's dyskis marnas dre dhiskwedhyans Yesu Krist.

Galatianys 1:16

diskwedhes y Vab ynnov, ma'n pregowtthen yn mysk an Jentilys, a-dhesempis ny wrug vy omgusulya gans kig na goes,

Galatianys 1:6

Marth a'm beus drefenn hwi dhe gildenna mar uskis a-dhiworto ev neb a'gas gelwis yn gras Krist war-tu ha ken aweyl,

Galatianys 2:6

Mes a-dhiworth an re a dybys bos neppyth, – py sort pynag yns ny vern dhymm; nyns usi Duw ow favera tremmynn denvyth – an dus enorys na, ny geworrsons travyth dhymmo vy,

Galatianys 2:9

hag ow konvedhes an gras re beu res dhymm, Jamys ha Kefas ha Yowann, hag i an kolovenyow dell dybys, a ros an dhorn dhyghow a gowethyans dhymm ha dhe Barnabas, mayth ellen ni dhe'n Jentilys, hag i aga honan dhe'n dus trodreghys;

Galatianys 5:7

Yth esewgh hwi ow poenya yn ta; piw a'gas lettyas a obaya dhe'n gwiryonedh?

Filippianys 2:16

ow synsi fast an ger a vewnans, may hylliv bostya yn dydh Krist na wrug vy poenya yn euver na lavurya yn euver.

Filippianys 2:29

Rakhenna degemmerewgh ev y'n Arloedh gans lowena oll, ha gwrewgh enora tus a'n par na,

1 Thessalonianys 3:5

Rakhenna pan na wrugavy perthi na fella, my a dhannvonas dhe wodhvos agas fydh, rag own a'n tempter dh'agas previ yn neb maner ha'gan lavur dhe bos euver.

2 Timothi 4:7

My re strivyas an strivyans da ha kowlwul an resegva. My re withas an fydh.

Ebrowyon 12:1

Ytho, ni ynwedh, a-ban eus kommolenn mar veur a dhustunioryon a-dro dhyn, tewlyn a-denewen pub ankombrans ha pegh hag a len mar ogas, ha dre bargh, resyn an resegva yw settys a-dheragon,